نيسمو تطلق وحشها

**الثعلب الرمادي** · 28-02-06 ||, 08:33 PM

آخر و أقوى تعديل للسيارة الأسطورية SKYLINE GT-R R34 من NISMO المحرك يتكون من 6 أسطوانات مع توربو مزدوج يولد قوة تصل إلى 500 حصان عند 6800 دورة في الدقيقة و قد تصل إلى 600 حصان كحد أقصى و هي متوفرة بكميات محدودة جدا تقدر بعشرين وحدة فقط تم إنتاجها من هذا الطراز الأسطوري ... إليكم الصور

**إسهر معي ليله** · 01-03-06 ||, 12:27 AM

أكييييد وحش،، ومكينته روعه

تسلم ايدك عالصور

**عاشق عباديات** · 01-03-06 ||, 08:55 AM

الصراحة تعبتني

مشكور الغالي على هاي الصور والمعلومات الجميلة

**ولد الشحوح** · 01-03-06 ||, 02:53 PM

عطوني واااااااااااااااحد ...... روعة هالأسطورة

**الثعلب الرمادي** · 01-03-06 ||, 05:47 PM

العفو أخواني بقى شي واحد نسيت أكتبه في الموضوع أعلاه و أعتبره خطأ كبير و هو إسم السيارة SKYLINE GT-R R34 Z-TUNE و طبعا هذا يمكن يكون آخر أقوى تعديل لهذي السيارة و هو الوداع الحقيقي R34.

أعتقد إن التعديل الثاني من حيث القوة للسكايلاين جي تي آر هو من شركة MINES اليابانية و هو سيارة أسطورية بحد ذاتها و قدراتها جبارة على مختلف الحلبات و على الرغم من قوتها الرهيبة إلا إن من سياسات الشركة إنها تترك مجال للتعديل و الإضافات للسائقين المحترفين و المتطلبين على حد السواء.

MINE'S GT-R N1 V Spec R34

**ذنـيـنـي** · 02-03-06 ||, 12:51 AM

تسلم ايدك على الموضوع الرائع لهذه السيارة الاسطورية

في انتظار الجيل القادم من سكاي لاين و ان شاء الله يكون قابل للتعديل بشكل جيد..

**شرجاوي** · 02-03-06 ||, 08:40 PM

سعر النيسمو 270 الف دولار .... هل تستاهل السالفه انك تعق 270 الف دولار على جيتي ؟؟؟

مشكوووور أخوي و السموووحه على المداخله

**الثعلب الرمادي** · 03-03-06 ||, 03:26 PM

270 الف دولار !!!

ما أعتقد إن هذا هو السعر الحقيقي أعتقد السعر الحقيقي هو 170 ألف دولار و يمكن يكون أكثر شوي خاصة إذا كانت عند الزبون طلبات إضافية.

يمكن شرجاوي إنته تتساءل و تقول ليش السعر مرتفع لهذي الدرجة و يمكن لأي واحد بمثل هذا المبلغ إنه يشتري سيارة فيراري أو لامبورغيني ... لكن الحقيقة إن المقارنة منعدمة بين هذي السيارة أو أي سيارة ثانية سواء كانت لامبورغيني أو فيراري و السبب إن الجيتي تم تعديلها و إختبارها على واحدة من أصعب الحلبات و أخطرها على مستوى العالم و هي حلبة نوربورغرينغ الألمانية و قدرت تحقق أسرع زمن لفة و تفوقت على عدد كبير من السيارات ... للي يحبون الجيتي و للمتسابقين الحقيقيين اللي يعرفون أهمية أسرع زمن لفة لأنه يدلل على قدرات السيارة على كافة الحلبات و إنها تقدر توقف أمام أي سيارة ثانية فمهما كان المبلغ فتبقى مثل هذي السيارة تحفة فنية على كافة الصعد لا تقدر بثمن.

**شرجاوي** · 06-03-06 ||, 04:06 AM

انا قريت ف منتدى اجنبي ان سعره 270 الف دولار ... ولو سعره 170 الف دولار ... الحين جيتي موديل 2002 و مستعمل تدفع عليه ما يقارب نصف مليون درهم مب حرام ؟؟؟ .. آخذ استون مارتن و لا كورفيت زد او 6 ( سعره 290 الف درهم ) و موديل 2006 ابرك عن هالجيتي .... على العموم الناس اذواق و تشكر حبوب على الموضوع

**رحيل** · 06-03-06 ||, 09:21 AM

يـــــاحب الشباب لهالمواتـــــــــــــــــ ر..

**الثعلب الرمادي** · 06-03-06 ||, 05:43 PM

أخوي شرجاوي أنا معاك في إن التكلفة مرتفعة لكن مثل هذي السيارة مصممة للسائقين المحترفين و اللي بيستخدمون السيارة لغرض واحد بس و هو حلبة السباق و لتحقيق زمن لفة سريع جدير بالاحترام و أنا شفت برنامج Best motoring الياباني و فيه أفضل السائقين المحترفين في بطولات الجيتي اليابانية و فيها بالمناسبة أسرع سيارات الجيتي على مستوى العالم و محركاتها قوية و أسرع من بطولة الجيتي الأوروبية و في البرنامج كان أفضل سائق محترف و اسمه كايشي تسوشييا و كان يجرب سيارة الجيتي تعديل شركة MINES اليابانية و بعد ما أنتهى من تجربتها و أخذها لأقصى قدراتها في النهاية وصفها بكلمة وحدة قيادتها مرعبة يعني مثل هذي السيارة حتى للمحترفين هي تجربة كبيرة.

و بالمثل تعديل شركة نيسمو للجيتي و هو التعديل الأقوى من تعديل شركة MINES فلك أن تتخيل قوة هذي السيارة.

الناس العاديين يشوفون السيارات الرياضية اليابانية بنظرة دونية و دايما يقارنونها بالأمريكية و الأوروبية لكن الحقيقة إن السيارات اليابانية معدة و مجهزة لتحقيق أفضل أداء على الحلبات و أغلبها تقدر و بكل سهولة إنها تتجاوز أي سيارة أمريكية أو حتى أوروبية ( بشرط إن اللي يسوقها واحد محترف) ... غير هذا سعرها مناسب و في متناول الجميع و حتى المعدلة منها :)

رحيل ...

واحة المرأة و المجتمع هناك مب هنيه :)

**شرجاوي** · 06-03-06 ||, 07:32 PM

الحين 170 الف دولار في متناول الجميع ؟؟؟

السيارات الامريكيه و الاوروبيه احسن من اليابانيه .... و الدليل سباق لومان 24 ساعه ... اي موتر ياباني يستحمل ضغاط 24 ساعه ؟؟؟ اصلا عمري ما شفت موتر ياباني فهالسباق غير موترين .. nissan gt390 و تويوتا جيتي وان و ما فلحوا .... ياخوي السيارات اليابانيه مافيها امان بالمره و اعتقد انك تعرف هالشي ... و الاختلاف فالرأي لا يفسد للود قضيه