-: سود الهدب + اصفر عفر :-

[بنت ناس و عرب]

السلام عليكم

سود الهدب

سود الهدب و ادعاجي اناجي حلو الصبا مزيون
شوفه لذيذ علاجي للشاجي و المعضلات تهون
لابس بحسنه تاجي و الداجي ضافي على المتون
سامي سماه و راجي فمزاجي و القلب به مفتون






أصفر عفر

مـــيـــدان

شفته و في شوفه فتني ياني صدف من غير ميعاد
اسهام عينه صوبني جنه طليب الحق قصاد
اصفر عفر و مجنني جنه اميري و سيد الاسياد




اختكم

بنت ناس و عرب

[ذنـيـنـي]

تسلمين على الصور الحلوة

بصراحة تصوير الحيوانات, و الخيل بشكل خاص وايد صعب

الاول يشبه حصاني المرحوم
( رعد )
بس الي كان عندي لونه شوي محمر اكثر من هذا و شعره اسود بالكامل

و الثاني يشبه رفـّووع "رفيعه"

[بنت ناس و عرب]

ليش مات حليله كسر خاطري

اووه كشخه اسم خيلك الثاني

[أمواج]

ماشالله عليج. . اتصدقيـــن من كثر ماتصورين الخيـــول حبيتهم أكثر عن قبـــل . .
ذنيــني >> الله يرحم رعد

[حزين الشحوح]

تسلمين اختيه بنت ناس وعرب ( البرقع ) عـ صور خيولج الروعه

الصراحه حلوين ما شاء الله عليهم يتربون فعزج هههه < اثولف

[خيال الروح]

ابــــــــــــدعتـي في التصوير
ما شاء الله عليج



:
.

[ذنـيـنـي]

انكسرت ريوله كسر قوي,, و تم جي ما منه فايده

اعتقد والله اعلم انهم اعدموه,, لأني كنت على هذيج الايام صغير
و ما قالولي كيف مات بالضبط

بس احيد انه ياني اكتئاب و تميت اصيح يوم عرفت انه مات خخخخخخخ
وغبت عن المدرسه اسبوع كامل لووول


و هذه رفووع الوالد قال سموها رفيعه,,
و اخويه كان يبغي اسم ثاني,, غير رفيعه

فـ من القهر قام دوم يسميها رفـّووع
و مشى عليها الاسم

[الشحية]

خخخخخ ..
جميييييييييييييله ..
حتى أنا حبيت الخيول منــــــج .. >> بس ما أحب ريحتهم ..

[بنت ناس و عرب]

المتفيرزه على عرقوب :
سلمتي .. لي يحب الخيل يهواه

حزين الشحوح :
سلمتي تراهم الحمدلله عايشين

خيال الروح :
سلمت و الله يخليك

ذنيتي :
نحن حكم الاعدام و الجتل ممنوع
انــا سويت هالقانون قلتلهم
الخيل ان كان مامنه فايده خلوه
بس للانتاج أو ركوب عادي
فنخليهم نحن للركوب العادي بس جيه
لكن نبا نجوف صور رفوووع

الشحيه :
سلمتي بس للخيول ماشي ريحه
الا اذا راعي الاسطبلات ما ينظف
الاسطبل ها شي ثاني اكيد وهف ريحتهم
بس الخيول اللي عندنا بدون رائحه خخخ

[ذنـيـنـي]

ان شاء الله يوم بسير المزرعه بصورها

:)

[بنت ناس و عرب]

اوكيه و نحن في الانتظار

[الـيـاه]

كيووووت .. محلاتهاا
حلوه الصور يـ عسل .. بس عندج وحده حلوااه .. اللي هي يوم حاطه ويها عند ويه خيل ثانيه !



وسلمتي


.
.

[عفاريتووو]

السلام عليكم

وااو .. الخيل وايد طالع حلو بالصورة ,, ,,
دايما احاول اصور الخيول بس صدق صعب ما تطلع الصور وياي اوكي
ماشالله عليج

[دمعة شوق]

كـــشـــــخـــــــه ،،، حلــوات ،، مـزيـونات

،.،
الصـوره كيـه

تسـلمــيـن يـ الغــلا

[خيال الحب]

ياسلام ..

كشخه


قبل كان عندنا خيل اسمه شوّاف ,, بس ماااات ياحليله خخخ

وكان عندنا دهماان ,, باعووه حق واحد من بوظبي,, تم يحن عليهم لين ما باعوه