صفعة من أقرب الناس لك!!

[اخت اختي]

السلام عليكم ورحمة الله وبركاته،

بسأل باختصار إذا صفعك أقرب وأعز الناس لك .. شو بتكون ردت فعلك؟؟
بس جي أول ما جافك، صفعك!! قبل ما اتعرف إذا انته غلطان أو لا..

أنا بكل صراحة بسكت وبنزل راسي احتراماً له.. لأني يوم أعز الشخص من خاطري،
أتقبل منه أي شيء وأجوف كل شيء يسويه بطريقة إيجابية..

أنا بانتظاركم..

[تحفه]

برد له الصفعه صفuتين ( يمين ويسار ) عشان يعرف كيف الكف يعور XP

ماعندي واحد ثنين انا .. سيده يا اهجم يا أبيد XP

[خيال الروح]

عليـكم السلام ورحمه ,,

امم بالنسبه لي طبعا ما بقبلها ,, حتـى لو كنت اعـز هالشخص ,,

ولو هو كــان يعزني مثل ما اعـز ما اعتقد انه بيجرأ وبيصفعني بــدون سبب ,, وحتـى لو كـان في سبب

في طرق للمحاور وحــل كل شي بــدون الصفع ,,

أكيـــــد ما بقبلها بالمره ,, وهالمعز عادي تنجلب لكره

:
:

[بيور]

امممم ,, أول شي ,, بتم أشوووفه ,, وأكيد الافكااار بتم تدوور في راسي ,, ولما بحصل السبب المقنع ,, بنزل راسي وبسكت ,,

لكن ان ما حصلت ,, أرد الصفعه ,, (أسووولف ) ,,,

ان ما حصلت سبب , بعطيييه نظره لوووم ,, وبطلب منه يخبرني بالسااالفه ,,


ما أرووم اتخيلها الصراااحه ,عشان جييه الرد هب مقنع

[أمواج]

ليــش الدنيــا فوضى ولا فوضــى . .
برد الصاع صاعيــــن . .
وبعديــن منو هو عشان يمد إيده علي حتى لو كان عزيــز علي . . كل شي وله حدوود . .
صح مابرد أصفع الشخص ولكـــن في اشيــاء وااايد بتتغيـــر . . ومستحيل أكون نفس الشخص
بعد الصفعــه . .

[اخت اختي]

مشكورة اختي أم خدود عالمرور.. إنتي أصلاً دوم ما عندج 1, 2..

[اخت اختي]

مشكورة اختي خيال الروح عالمرور

[اخت اختي]

مشكورة اختي بيور عالمرور.. تفكيرج تقريباً مثل تفكيري

[اخت اختي]

مشكورة اختي المتفيزرة عالعرقوب عالمرور.. إنتي عكسي تماماً..

[دمعة شوق]

ومــن يـكون هـ الآدمي عسب يصفعنيـه ولا يمـد ايده عليه
مهمـا كـان لـو كان غــالي
يخسي يمد ايده عليه
بردها عشـر هب وحـده


،.،

السموحووو

[دموع قلم]

وعليـكم السـلام ورحمـة الله وبركـاته

فـي البـداية أحـاول إنـي أعرف سـبب هـذه ( الصفعـة ), لأنـي يمـكن سـويت شـيء غلـط ومـا انتبهـت,
وبعـدهـا أحـاول أكلمـه بأن هـذه مو طريقـة المحـاورة, المفروض يكـون شـي أدب واحتـرام وليـن في
المعـاملـة..

..
..


أشكـرك أختـي..
ونتلهـف لـقراءة مواضيـع أفضـل..

:)

[اخت اختي]

هدّي أعصابج اختي دمعة شوق

[اخت اختي]

مشكورة اختي دموع قلم عالمرور

[ألم ترى]

بسم الله الرحمن الرحيم ..

خييييبه صفعه عاد ..

عني انا بتحمل الصفعه لكن خله هو يتحمل اللي بييه ..

طبعآ ما بسأله ليش صفعني لئنه مش محترم اساسآ وما عنده مبدآ الحكمة ..

شكرآ عـ الطرح وفي انتظار جديدك ..

[وعد]

الصراحه بصيح وببطل عيني لاني مو فاهمة ليش صفعني هالانسان او هالانسانه
وبعدين اذا ما عرفت السبب او الشخص ما قال ليش اكيد خصام طويل الامد