مبـاراة المـنـتـخب مع بـاكستـــان غير منقوله

[كـلـكـلـووش]

الســلام عــليكم

شكــله الفــيــفا و ART نــاويين يكــرهــون العــالم بشــي اســمه كــرة قــدم

اشتــرت ART حقــوق بــث مبــاراتــنا مع بــاكسـتــان .. يعــني اللي يــبي يشــوفها لازم تــكون عـنــده القــنوات .. ما راح تنــقل عــلى دبــي الريــاضيــة و لا عــلى ابــوظبي الريــاضيــه ( اللي تــقول المبــاراة تخـــصهم عشــان يشتــرون حقــوق البـــث )

و المبــاراة بـتـــكون يوم الاربــعــاء في بــاكستــان .. الســاعه 8 مســـاءا .. بتوقيـــتنا في الامـــارات ..

الكــلام هــذا لقيـتـــه في جــريدة البــيان .. عــدد اليـــوم ..

يــا اخي والله قــهر .. كيــف الفــيــفا تعـــرض حــقوق بــث لتصــفــيات
و واللــي سمـعـتــه ان ART حــطت مبــلغ 100000 درهــم للي يبــي يشتــري حقـــوق البــث من عــنــدهــا ..

اففففففف

الله يخـــلي الشــــيــشــه .. شكــلنا بنشــــوفهــا عــنــد محمـــديـــن

ســـلام
كـلـكـلـووش

[جنون امرأة]

!!!!!!!! ...

انتوا بتروحون الشيشه .. و نحن بنكون في قائمة المحرومين ..

الله يسامحهم ..

[شوق القلوب]

السلام عليكم..

شوفوا القهر..!!

بس والله ما اتوقع انه قنواتنا بتفوت هالحدث.. حتى لو كلفهم هالمبلغ..!!

بس جان ما بثوها مباشر.. كلكلوووووش.. خذ ياك لابتوب( اذا كانت هالشيشه مطوره ) ووافنا بالاحداث.. و الاهداف..

[بيور]

هيييه صح كلاااااااااامج اختيييه أهلااويه ,,

كييف جييه !!! ,,

حراام والله ,, الحييينه art شوووو خصهم ,,؟؟

المباراه تخصناااا ,, وما تخصهم ,,

لاحووووووووول

[عيون الليل]

لا حول ولا قوه .،.،

زين انه عندنا الـ ART ولا جان سرنا الشيشه لـوول .،.،.،

[ألم ترى]

بسم الله الرحمن الرحيم ..

ههههه عادي سوا اشتراك بل ART ..

الله يعينكم ..

[راعي الزعـامه]

الحمدلله عندي ART

حياكم اللي يبا يتابع المباراه

البيت بيتكم

[كـلـكـلـووش]

الســالفه يا اخـــوان مش ســالفة عــنــدنا و لا !

كــل شي يخــص الكــوره بيـــستوي ببــيزات ..

تخــيلو ان صــور مبــاريــات كـــأس العــالم القــادمه محــد يقـدر يحــطيها قــبل ما يدفـــع !!

يعــني بــاجر عــادي تــلاقي الاشـتـــراك بــيكون عــلى المبــاراة مش ع القــناه !

[راعي الزعـامه]

اتوقع اي شي اخوي كلكلوش

يعني الحين العاللم في تطور

والكل يبحث عن الماده وعن مصلحته

لا تستغرب لو بتشوف الدوري الاماراتي بعد كم سنه مشفر

ولا تستغرب بعد لو في المستقبل الاعب يطالب بحقوق تصويره عبر التلفزيون ..

يعني الاسعار بتغلى و هم يربحون ونحن ندفع

[الدلووووعة]

شو هاي الحاله

والله مادري اذا اخويه عنده ايها فحجرته ولا لا

بس يارب تكون عنده عسب اروم اشوفها

اخويه كلكلوش حلو اقتراح شوق القلوب سوه اذا

[كـلـكـلـووش]

اتوقع اي شي اخوي كلكلوش

يعني الحين العاللم في تطور

والكل يبحث عن الماده وعن مصلحته

لا تستغرب لو بتشوف الدوري الاماراتي بعد كم سنه مشفر

ولا تستغرب بعد لو في المستقبل الاعب يطالب بحقوق تصويره عبر التلفزيون ..

يعني الاسعار بتغلى و هم يربحون ونحن ندفع

اخــوي .. لو كــانت على التلفــزيون مش مشــكله .. لكــن خوفــنا بــاجر الكــل يكــره الكــره و تبتــعد النــاس عــن شي اسمــه كــره بســـبب ( المـــاده ) يعــني كلــه تشفــير .. كــله ببــيزات .. الكــره كــانت قبل الكــل يقــدر يشوفــها وهــذا اللي خـــلا الكــل يحبهــا ..

اعــطيك مثـــال..

قــبل اي قنــاه كــانت تقــدر تعــرض المصــارعه الحــره wwf الحــين مستحيـــل إلا اذا دفعت مبــالغ كــبيره .. و انت تذكــر قــبل شو يعنــي مصــارعه .. الكــل يشــوفها و الكــل يتريه يوم الاثــنين عســب يعرضــونهــا ..

أمــا الحــين محــد مهتـــم فيهـــا .. بســبب التشفــــير

و شكــلها كـــرة القــدم ســايرة بهالاتـــجاه !

حــلو انك تبحــث عن المــاده .. بس مب بإســتــغــلال النــاس

[راعي الزعـامه]

الله يعين الصراحه

الله اعلم شو بيصير

وبالنسبه لمباراة المنتخب

لو مانقلوها .. ان شاء الله بنفتح موضوع لنقل احداث المباراة مباشره

[دانة حتا]

كيـــــــــــــــتف بنشوف المباراة حراااام
شو ها ما يستوي الحين يالله جمعوا بيزاتكم بنشتري حقوق البث لبن دبي

بصيــــــــــــــــــــــ ـح عاااد الشباب خبرونا النتيجه دامكم في الشيشه

[العجيبة]

دبـي الرياضية يوم أبا أشوفها لازم أعرض اتفاقيات وأرتب قبلها بيومين ..

عـاد الايييه آر تي !! دي تبأى أزمــه !

أنــااا اعتـرض صراحــتـن .. شو هالحـاله !

[كـلـكـلـووش]

شو بــنـــقول !

حــســبي الله و نعـــم الوكـــيل على اللي كــان الســـبب ..

بس سمــعت خــبر بعــدني ما اتـــأكدت مــنــه .. ان بتنــقل المبــاراه عــلى القــنوات الارضيــه .. مثــل مبــاراة السعــوديه و الــيمــن ..

و مــبــاريــات الامــارات خــارج راضــها هي فقــط اللي بــتــكون مشــفره .. يعــني مبــاراة المنتخــب مع باكستان على ارض بــاكستان و الاردن و عــمان اللي بيلعــبونها على ارض الاردن و عــمان ..

يعني مبــارة المنتخب مــع بــاكستان و الاردن اللي بتنــلعب في الامــارات راح تنقــل ..

بس شــو الــفــايده ! بــنــكون في الملعــب لوول ..