الكشافة..

[اخت اختي]

السلام عليكم ورحمة الله وبركاته،

الكشافة هي أحلى شيء عندي
مؤسس هذه الحركة هو بريطاني اسمه روبرت بادن باول. هي حركة تهدف إلى تهذيب النفس، زرع الثقة في النفس، حب العمل مع المجموعة، حب المساعدة، وغيرها من دروس ثمينة..

انتوا شو رايكم في الكشافة؟ و منو دخل الكشافة؟ وشو سويتوا؟

خلوا هالموضوع يكون ملتقى كشفي..
شو رايكم؟

أنا بانتظاركم..

[الدلووووعة]

انا امتو على شي اسمه كشافة
بس عند البنات يسمونه مرشدات ( اذا كنتي تقصدين ها )


وطبعا انا كنت احب المرشدات عسب المعسكرات وسوالفها
لنه اصلا يعلمونا كل شي من سعافات اويه من مساعدت الغير من انقاذ الشخص اللي يبا مساعده

يعني الصراحة عجيب بس السنه ظهرت بما اني ثانويه عامة ^_^


والسموحة

[العجيبة]

الكــشــافــة

أو الزهــرات حق البنـات

كـانت حلم حياتـي أيام الابتـدائي
وكنت أطالع ملابس بنـات الزهرات بإعجــاااب
كان لونه بني مال الابتـدائي وكنت أحبه بس لأنه قصيـر

وبـس .. ما حصل لي الشـرف اشتـرك ويا الربـع الا في أول اعدادي يوم
صاروا يلبسون تنورة وقميص > ما عيبني وايـد وما استوينـا ربـع أنا ومس الرياضة
كنت أسوي مشاكل وهي تهــدد .. آخـر شي وصلنا عند المديرة خخ

ومن يومها ابتعـدت عن هالجمـاعة .. مع انها مازالت تعيبني


وهيك ..

[تحفه]

لول .. احيد اني اشتركت سنه .. هو الشكل و انج تكونين ميميزه حلو .. بس شغلهم بايخ
احيد اني ما كنت ملتزمه .. مادري كيف كانو مستحمليني وياهم لول

[الحساس]

ماشاءالله عليج يا اخت اختي..
مواضيعج الي تكتبينهن يبينن انج محبه للعلم والثقافه..

بالتوفيق ان شاءالله واتوقع لج مستقبل مشرق باذن الله..


وعن الكشافه والله ماحصل لي الشرف اني احدر معاهم .. على ايامنا ماكانت الوزاره تهتم بالكشافه كثر الحين .. وماكان في تشجيع!!

[اخت اختي]

مشكورة اختي الدلوعة.. بس في مدرستنا البنات إللي في الإبتدائي يسمونهم زهرات والصف السابع والثامن يسمونهم مرشدات والصف التاسع والعاشر يسمونهم طلائع عليا وثاني وثالث ثنوي يسمونهم رائدات.. والله إنها من أحلى الأيام..
مشكورة عالمرور اختي:)

[اخت اختي]

مشكورين عالمرور خواتي العجيبة وأم خدود

[اخت اختي]

الله يخليك اخويه الحساس.. مشكور عالمرور

[بنوته صغيرونه]

انا كنت مشتركه في الزهرات ثلاث سنوات من صف رابع لين سادس
ممم شو كنا انسوي ،،
كنا انشارك ف احتفالات البلاد و احيد مره يوا ناس من اوروبا ماعرف شو سالفتهم نحن سرنا استقبلناهم و يوم بابا زايد الله يرحمه رد من السفر معرف اي سنه سرنا بوظبي و تمينا يومين و استقبلناه و شو بعد و الله سوينا وايد اشيا و هي كنا انشارك فالمسيرات ماخلينا مسيره ماشاركنا فيها لول
يعني باختصار كنا نتفاعل ويا اي شي يصير فالبلاد حلوه ايام الزهرات بس ف وقتها كنت كارهه عيشتي لانهم كانوا يخلوني اتأخر يعني ارد البيت الساعه 6 و مرات اتم لين 8

و بس

[اخت اختي]

مشكورة اختي بنوته عالمرور :)

[وعد]

هلا اخت اختي
انا صرت مرشده بالمرحلة الاعدادية او المتوسطه
وكان لبسن رمادي والاشارات الي فيه حمره
كنا نستقبل الي يجئ المدرسه من ضيوف
نسوي تادية العلم الصبح
وكان كل مره يوم يجئ علي الدور قلبي يطق بسرعه وبطني يعورني
وكنا نعسكر وجيه
ويعلمون نطبخ
واذكر مره رحنا معكسر بالبر وانا سويت لهم مجبوس ههههههههههه
ومره سافرت مجموعه من الكشافات الي مصر بس للاسف هلي ما خلوني اروح

والله ايام حلوة وتعلم الواحد المسؤليه
مشكور علي الموضوع يا قلبي

[اخت اختي]

العفواختي وعد.. ومشكورة عالمرور