مــنتخبـنا يالغــالي، و الجمــاهير الي تحبـه !!

[لمّــاح]

الســـلام عليكم ...

اولا، مبروك الفــوز، صدق الواحد يفرح بمثل هالنتايج من زمان مافرحنا، و يارب يارب يلعبون بنفس الأداء ويا باكستان و الاردن و انفوز عليهم، شوي شوي ان شاءالله و مع مر القروون آآآ أقصد السنين بيتطور لعبنا و بنفوز بالكاس ..

يبتلكم مجموعة صور، و للأمانه بعض الصور من تصويري و البعض الآخر اربيعي ماخذنهم لأني كنت اسوق و انشغلت في شي عشان جيه عطيته الكيمره ..
و الي حاب انه يضيف صور من عنده فحياه الله بعد :)

هنيه عالعصر، قبل المباراه بساعه و شويه تقريبا، زحمه ماحصلنا الاماكن الي نباها ..!



لكن عقب تدبرت الكراسي و حولنا للمكان الي نباه :)

هنيه أول مادش المنتخب، و عزفو النشيد الوطني ..
والحمدلله حصلنا الكراسي الي في النص، شوفو الفرق بين مكاننا الجديم و المكان اليديد ، نقدر نشوف الملعب !!



زحمة الجماهير !!



مجموعة كبيره تمت واقفه تحت، ماحصلو كراسي !!

و هنيه رابطة المشجعين قوم خالد حرية و الشله (( ذنيني و الفتى الحزين ))





و الحمدلله فزنا، و هنيه بعض الصور من اليوله الي استوت عقب المباراه ..





هالمخلوق الي طلع من فتحة موتريه عند الضيافه !





مواتر في المسيره ..









طبعا بنو نيسان (( قبيلة الشباب الي عندهم نياسين ))، لاااااازم اتكون الهم بصمة في كــل شي يستوي في هالبلاد من فوضى





و حتى الاجانـــب !!



====


هذا تقريبا كل الي استوى، والله ان الفرحة ماتنوصف، صح عانينا و سرنا الملعب قبل المباراه بساعه و نص و أمل الفوز كان ضعيف لكن المنتخب فاجأنا بصراحه، المباراه تستاهل و اللعب يستاهل و المشجعين و الجماهير يستاهلون ..

السموحه طولنا عليكم :)

للعلم الموضوع مب عشان اراويكم تصويري و اتقولولي التصوير حلو، الموضوع هذا تقدرون تعتبرونه تغطية مني للحدث، او اي شي ثاني من هالقبيل ..

[طير الغرام]

مبرووك علينا وعليكم الفوز >> مع إنه ما يخصني ف الكوره
وماشاءالله يوله مستويه اهناك

وكله ولا بنو نيسان >> شي الصراحه

تسلم ع نقلك للحدث الجماهيري ^_^

[حبوبه دبي]

يـا سلاااااااااااااااااام



..

..

صدق ربشـــشششه ونحن رااااقديــن مــاندري شــ الســالفه !!

احلــــــــــى تنفيـــل عــاااااش الفتــك والله


تسلـــم اخــويه ع التغطيـــه ،،
مــاشالله صــورك حلــوه
ومـــاعليــهااا زوود


والسمــوحه

[الـيـاه]

سلااام

مبرووووك للابيض يستاهلون
- والله يسمع منك -


لكن
ماشاء الله عليك > شي الصراحه شي .. تغطيه ولا احلى !!
وأما مشاكل قوم النياسين وتوابعها عجييبه ياعم ..


مشكووور ع التغطيه
وتسلم

.
.
.

[ذنـيـنـي]

انا كنت ورا الستشين بو علم

و تسلم على تغطيتك المميزه و ما شاء الله بنو نيسان ابدعوا

[بيور]

يااااااااسلاااااااااااااا م ,, مبروووك للمنتخب ,, وعقباال المبااريااات التاااليه ,,
والصراااحة ربشة ,,
تسلم ع التغطيه ,, كفييييت ووفيييت ,,


بيووور

[أمواج]

وعليــــــكم السلاااام و الرحمه
ياسلااام عليك يا لمـــاح
صور حلـــوه . .

[كـلـكـلـووش]

الســـلام عــلــيكم

مـا ادري شو اقــول ! اقــول مبــروكيــن و لا اقــول مشكوريــن يا لعيــبة المنــتخب ..
و عـــدو و وفــو بوعــدهم ..

انا راســي ليــن الحيــن يعــورني من كــثر ما صرخــت .. حــتـى صوتي رووح .. ههه
بس الحمــدلله فـــازو و اثــبتو قــولة خــالد حريــه .. منـتـــخبــنا هــذا 2006 و بيــراويــك يا الخــصم منــو انـتــه .. انا كــنت ويه نــصور و كنت طالع من الفتــحه .. اسميها كـنــدورتي اســتوت ســـوده هههه .. بس والله ونـــاسه

الــشي اللي ما حبــيته في المبــاراه المشــاحــنات اللي صــارت بيــن مشجعــين المنـتــخب و منتــخب عــمان ..

بيــن الــشوطيــن استــوت مشــاحنه كــلاميه بيــن يمين المنــصه و الجمــهور العــماني و قــبل ما تنــتهي المبــاراه بــدا الجمــهور العــماني يرمــي زجــاجات المــاي داخل الملعب .. و الجمــهور الاماراتي قام يــرد عليـــه .. مش كل الجمــهور .. فــئه من الجمــهور ..

ليــن ما استــوى الـــفر بيــن جمـهور الامارات و جمــهور عــمان كلن يرمــي الزجــاجات على الثــاني !! الصراحه ما كان المفــروض هالــشي يســتـوي .. بس يالله هي فئــه قليــله ..

و بعــد المبــاراه و انا طالع و صوتي مبحـــووووح ورايح .. شــفت غرشــوب .. ازقره و انزل راســي و هو يــدور وحلــيله .. ليــن ما سلمنا عليه انا و نصــووور و قالي ان لماح في الموتر و سرنــاله و سلمنا عليــه و بعــدها انطلـــقنا للضــيافه ..

اسميــه كان يوم .. ليــن الحـــين راسي يعــورني من الفرحـــه لوول

مــا قــصــرو لعيـــبة المنــتـــخب .. و الــشي اللي صــدق يفــرح ان الــيوم الكـــل مــن الالـــف إلــى اليـــاء كــنا واقــفين ورا الابيـــض .. حـتــى اللي ما يحــب الكره يــاي يشـــجع .. صـــدق فــرحــه ..

وهــدف الامارات كــان هــدف و لااااا اروع .. من اجمــل الاهــداف اللي سجــلها اسمــاعيل مــطر .. استلماه و رفعها من فـوق المــدافع و قنــبلها في القـــوووول ..

لمشــاهـــدة الهـــدف

و اسمــاعيل قــبل المبــاراه قــال ان لعيــب بــلاي ستيشــن .. و الصــراحه هــدفه تقــول هــدف بــلاي ستيشـــن .. ســلامي عليييك





[media]http://www.sportoasis.net/uae.mp3[/media]

و يــا مـنـتـــخبـــنا .. يـا الغــالي .. وســـط العــين و فــوادي ..



تســلم لمــاح ع الصــور .. مــا قــصرت ..

ســلام
كـلـكـلـووش

[الدلووووعة]

صراحة تغطيه عجيبه منك يالماح

انا كنت راده من المدرسة قلت اكيد عمان يايبه واحد عالاقل
يعني كان امل ظعيف انه الامارات تفوز

وتوني فتحت الباب ولا اخويه الصغير يقولي اواحد صفر جان اقول اكيد حق عمان
قلتله حق امنو قال حقنا جنا اسير طر ايلس تحت التلفزيون واشوفها


والحمدالله انه المنتخب فاز وان شاءالله يفوز على باكستان

[كـلـكـلـووش]

يــثــبـــت

[مزن هتان]

يااااي
ونااااسه

كل الشكر لـ لعيبه

واااا خيييييبه ع راعي النيسان

[نبراس الليل]

تسلمون على التغطيبة الجماهيرية

مبروك عليكم الفوز

[عفاريتووو]

عليكم السلام

مبروووووووك ,, وان شالله من فوز لـــ فوز
و ان شالله عن جريب نفرح بـــ بطولة
.
شكرا للاعبين اللي أدوا
و للجماهير اللي ما قصروا
سمعت صوتهم بالتلفون.. من قبل لتبدا المبارة و هم يشجعون
.
تسلم لماح ع النقل

[كـلـكـلـووش]

للــي يبي يشوف لقطة الهدف و النشيد الوطني و تعليق علي حميد يدخل هــنا

[العيناويه]

كشخــــــــــــــــــــــ ـــــــه انا اباااااااااااااااااا
كلكلووووووووووووش ضحكت عليه انت وذنيني ابا اعرف وين سجلتوا اسميه ...
الله يسامحكم بس ...
اباااااااااااااااااااااا اسير المبارياااااااااااااااااا ات ...
دايما اقول حق خواني والله لو انا ولد جان تحصلونيه في المدرجات من الظهر اتريا المباراة حتى لو كانت المساااا ... بس الحمد لله على كل حااااااال ...

مبروووووووووووووووووووووو ك للجمهور والمنتخب ...
ويعل الفرحة ما تفارق كل الي يحبون ويشجعون المنتخب ... من فوز لفوز ان شاء الله ...

تسلم اخويه لمااااااااااااااااااااااا ااااااااااااااح ع التغطيه ..
السموووووووووحه
عيناويووووووووووووو