.. المــيــداان ..

[أمطار]

. . .السلام عليكم ورحمة الله وبركاته. . .


الميـــداان .. برنامج تراثي تعرضه لنا قناة سما دبي كل ليلة سبت ،،
والتصوير يكون مباشر في القرية العالمية كل ليلة خميس . . .


برنامج الميدان هو تجسيد لأحد أهم أنواع فنون التراث الإماراتي ،، ألا وهي ::اليوالة::


وتحت رعاية سمو الشيخ حمدان بن محمد بن راشد آل مكتوم ..
بدأت بتوفيق من الله مسابقة الميدان وتم عرض أولى حلقات البرنامج الليلة في تمام الساعة التاسعة مساءا ً . . .


الجدير بالذكر أن بطولة فزاع لليولة انطلقت للمرة الأولى في العام 2003حرصا من سمو الشيخ حمدان بن محمد بن راشد آل مكتوم للمحافظة على تراث دولة الإمارات العربية المتحدة وتوثيقه ونقل عادات وتقاليد الآباء والأجداد إلى الأجيال المعاصرة والقادمة. وقد رعى سموه شخصيا البطولة الأولى وأمر بأن تضاف إليها بطولتان أخريان هما بطولة الصيد بالصقور وبطولة الرماية. . .


يشارك في البرنامج 24 متسابقا موزعين بواقع 4 متسابقين في كل حلقة، حيث تقوم لجنة التحكيم بإبداء رأيها وتقييم كل متسابق على ان يتأهل المتسابق الذي يحصل على اكبر نسبة من الأصوات عن طريق الرسائل القصيرة (SMS)..


لجنة التحكيم ::



أحمد حسين



محمد الشريف



علي الشوين

- - -

متسابقي الحلقة الأولى ::



صالح بن صويلح الهاملي



سهيل بن مبارك الخاصوني



منصور بن شرارة الكتبي



راشد بن عبدالله السويدي

- - -

وما شاء الله عليهم .. أبدعـــوا ،،
ربي يوفقهم .. ولا تنسون تصوتون لليوّيله . . .


هذي نبذة عن البرنامج .. وما ننسى مقدم البرنامج ربي يحفظه ::


سعود حمد الكعبي ..


والسموحة ع الاختصار،، بس هذا اللي قدرت أقوله عن البرنامج ..
كل الـــودّ. . .
دمعه



للأمانة .. كمن فقرة سويت لهم كوبي بيست من موقع الميدان . . .

[دمعة شوق]

مــرحــبــــا الســـــــــــــــــاع والـلــه

حيييييييي بهالشوفه في ذمتيـه


،.،


الميــدان : هــو شــي غــراام يـغــرم اسـميــه طـــــــــــــــــــــر
ترتـــيــــــــــــــــــ ب و رقيـــص وو تـرتـوب
ومافيــه حيــله <<< المصطلحات كلهن خخخ

ايييييييييه ياحافـظ عليـهــم اسميهـم بـدعــوا والله يـوفقــهــم
وإن شاءالله بـن صــويــلح بأذن اللـــه

اسميـه تـرتــووووب

،.،

شــكــرا ً دمــعــة

[راعي الزعـامه]

برنامج رائع وفكرته جميله

الله يوفق القائمين عليه

ومشكوره عالموضوع


تحياتي ،،

[بلوة حلوة]

لا لا تزيـــد المواجــع طرم طرم طرم

خـواااتي ســاروا وأنــااا مارمــت أروح عشان ريلي * المكسورة * :fa43:

أغمض صح ؟ .. مع اني انا اللي كنت حاشره الدنيا أبى أروح

يالله خيرهـا فـ غيرهــا .. شو فيها قعدة البيت ؟ * طع منو يرمس *

بالتوفيــج لكل اليـوّيلــه ..

ومشــكورة غلاي عـ الموضوع !!

ان شالله بحضـر أي حلقة من الحلقات اليايه مـ يخصني

[حبوبه دبي]

يـا سلاااااااااام



احــم احــم ،،

انــا كنــت فـ القــريه الخميـــس بــس زحمــه جــان اشــرد

بـــرنــامج مــاعليه كلاااام اكيــد ،،

الله يــوفجهم لكـل اليــوٌيلــه

يسلمـــو ع المــوضــوع الحلـــو ،،

والسمــوحه

[كـلـكـلـووش]

خـــوفي يـــنــجــلــب هالـــبــرنــامـــج لـــ " المـــيــــدان أكـــاديـــمـــي "

و ما استبعـــــد هالـــشــــي ..

يســـلمو ع الــــــطرح

[أمطار]

غاليتي دمعة شوووق ،،
ربيــــه يحفظـــج .. مرات أشك فيـــج . . .

أحس أنج ربيعتيــه ..
اليوم حشرتنيه بالمسجات عسب البرنامج .. كنت ناسيتنه وراحت عليّ نومه . . .
وأخـــويه الأهبل مغيّر نغمة المسج ((حاط ليه هندي ما ادريبه يحسب ولا يعد قصيدة)) أون مسوي فيني مقلب ..
ويوم وصلنيه مسج منها ،، إلا أسمع هندي يتحرطم عدالي .. جان أفزّ زايغة . . .
طول البرنامج وهالهندي يتحرطم ((يعني توصلني مسجات من ربيعتيه)) ما شاء الله متابعين أنا واياها ع الخط ..


أخـــوي عاشق القلم ،،
أوييييييه .. بن شراره خويّك؟!

توني يايه أبا اكتب تعليقي على كل يوّيل ..
وبكل صراحة عيبتني يوالة بن شرارة أكثر شي بس خرّب على عمره يوم طيّح السلاح. . .
يا حافظ على بن شرارة راعي السلوقي ..
((بيني وبينك .. بصوّت له))
والحلقات الياية أنتو صوتوا حق ..... بغششكم بعدين عسب تصوتوله. . .


ريماااانـــي ،،
أنا شراااتــج .. كنت أبااا اسيـــر بس أخويه ما طااع ،،
أون عيب وبنات القبايل ما يسيرن!!


يلا ما عليــه أنتي سيري بدالي .. وشجعي بدالي . . .


وسلامتج حبيبتي،،
الله يقومج بالسلامة. . .

- - -

بن صويلــح ::
هالأنسان هادي ويولته حلوة .. بس للأسف خرّب على عمره في هالحلقة ،،
يوالته كانت آمنه ~ بمعنى أنه ما جازف وغلى السلاح وايد . . .
خيّبت الظنون يا بن صويلح ..

الخاصوني ::
ما أدري شقول عنه .. بس بصراحــــة يواالته طــــــــــــر . . .
وما شاء الله عليـــه كيف يغلي الرشاش .. عالي ومتوازن .. وأيده ماخذه ع السلاح عدل. . .


بن شرارة ::
من أول ما بدى أييول .. قلت ما شاء الله عليه ،،
وأماايه تمدح فيه طول الوقت ((أون ما خربت يا بن شرارة)) لين طيّحهااا .. قلتلها أمااااايه عنتي الرياااال ..
وسألتنيه .. هذا ولد الشاعر راشد بن شرارة ؟! .. مامااااا شو يعرفني؟!


بس بصـــراحة !!
ما خربت يا بن شرارة .. صوتي لك


السويدي ::
امممم .. يبين عليه أنه كان واايد مرتبك وأعصابه مشدوده . . .
يمكن عسب جي ما بدّع وايد .. بس غلى يوم غلى ..


وبالتوفيـــق لهم جميع ..
دمعه

[شوق الصحارى]

تسلمين دمعه على الموضووووووووع....

والله ابدعوا الشباب......


ولا تنسون"""صوتوا الهم """

على الرقم 2218 من الامارات ....(عن تقولون ما نعرف الرقم)

[أمطار]

حبــوبه دبــي ،،
يحيــّــج يوم سرتي .. ع الأقل ما تم في خاطرج شراتنا احنا الفقارى . . .


والله يوفق الجميع بإذنه ..

الفتـــى ،،
ما أظن أنه بينقلب ولا شياتــه ..
لأن البرنامج مخططين حقه وكل الحلقات بتكون نفس هالحلقة إلا الحلقة الأخيرة اللي بيعلنون فيها الفايز من بين الـ 6 الباقين..

وإذا قصدك على أول مقطع يطلعونه عن اليوّيل ،،
تراه حلـيــو .. يعرّفنا باليوّيله أكثــر . . .


بالتوفيق للجميع ..


دمعه

[كـلـكـلـووش]

لا يــا خــوج مب جــذه قصــدي ..
اللي اصــقده ان شي برامــج بــدت جــذه و انجــلبت شــرات سـتــار اكــاديمي ..
مثــل نجــوم الخــليج ..

و البرنــامج ما عليــه كــلام

[أمطار]

شــوق الصـحارى ،،
تسلمين عزيزتي ع التواجـــد .. ووو تم التصويت . . .

2218:
شكرا للتصويت ل
منصور بن شرارة
الكتبي مع تحيات
تلفزيون سما دبي


.
.

[أمطار]

الفتى ،،
ربنا يعين .. ودعواتنا إنه ما يتدنى بعدين للمستوى اللي قلته. . .
متعشمين في هالبرنامج خير ..

يسلمــوو ع التوااجــد ..

[راعي الزعـامه]

الجماعه هني متحمسين

شوي شوي عالسيستم بينقع من مسجات التصويت

دمعه تسلمين عالتصويت ونتمنى انشوفه متأهل

[الدلووووعة]

نحن اليوم فالمدرسة الكل محتشر يبا يشوفة اللي تبا تشوفه عسب حمد العامري واللي عسب سعود الكعبي واغلبهن عسب اليويله وانا منهم طبعا ^_^


انا عيبني بن شراره عجيب الصراحة

ان شاءالله يفوز

[الـيـاه]

ايييها لا تذكرووني بـ يوم الخميس كيف كان .. صدق وناســه !!
واحلى شي سوالف العامري ورا الكواليس خخخخ


الصراحه ماعليهم كلام

والتصويت لـ سهيل وبس لول



.
.
.