كيف أطرش رسالة مصورة ؟؟

**المزوحي** · 17-02-06 ||, 02:16 PM

بالنسبة للموبايلات الملونة ...

مره وصلني مسج بصورة ... رسالة مصورة ... بالأبيض والأسود .. واللي نعرفه إنه قبل بالموبايلات الجديمة نرسل ونستقبل واايد من هالصور ... وبالنسبة للموبايلات الملونة شي في النماذج صور أبيض وأسود ونقدر انطرشها على أساس رسالة نصية وممكن نسوي عليها تعديل .. ونكتب اللي نباه ونطرشها .. لكن أنا نزلت صور على جهاز الكمبيوتر ( أبيض وأسود ) بس ماعرف كيف أطرشه عن طريق الموبايل .. أقصد ما استوى إلا إني أطرشها بالوسائط ( ام ام اس ) كيف لي ابعثها كرسالة نصية ؟؟

بالنسبة للمسج أكتب اللي أباه في النوت باد .. وأسيفه يوني كود وعن طريق الانفررد ...

**تحفه** · 17-02-06 ||, 02:23 PM

يا الذكي ..

حط الصوره وي التكست ( الكلام ) وطرشه بالام م اس

**المزوحي** · 17-02-06 ||, 02:38 PM

يالذكية انا مابغي عن طريق ام ام اس .. تراني ذكرت فووووق إنه أبغي عن طريق اس ام اس
مثل يوم عندج صورة في الرسائل النصية وتسيرين النماذج .. يحطون عادة 10 صور ممكن تضيفين الصورة وتكتبين كلام وطرشين المسج ( اس ام اس )

**تحفه** · 17-02-06 ||, 10:27 PM

هيه هالصور لازم تكون من ضمن تركيبة التيلفون نفسه .. و في ناس تزيد من عندهم .. اسال الاولاد الي يهتمون بالهسوالف .. انا ماعرف .. يا الذكي XD

**المزوحي** · 17-02-06 ||, 10:39 PM

بس ام خدود

**خيال الحب** · 18-02-06 ||, 01:01 AM

السلام عليكم

هلا والله بن عمي

للاسف ماعندي اي خلفية عن هالشي..

**أمرين** · 18-02-06 ||, 01:13 PM

ممممممم
اظن شرا ما قالت ام خدووود
لازم الصور تكون ضمن التلفووون
وبعدين هذيلا مال اول .. الناس اطوروا الحين .. لووول

**المزوحي** · 18-02-06 ||, 02:13 PM

أمرين ( أحب الأول )

بس محد يفهمني .. يعني يوم ماتقدرون على شي تقولون مال أول

**أمرين** · 18-02-06 ||, 02:15 PM

مب سالفت ما نتقدر ..

بس صج ما يستوي الا بالتلفونات الجديمه ....

**المزوحي** · 18-02-06 ||, 09:19 PM

خلاص .. أختي مشكورة .. تعبناج :)

**تحفه** · 22-02-06 ||, 09:49 PM

شو تيلفونات جديمه ويديده!!
ما يخصها موجوده في كل التيلفونات .. ومب ام ام اس بعد !!

انا عارفه شو تقصد بس للاسف متعوده على نظام السوني اركسون .. شكلك قوم نوكيا لول