حادث لامبرجيني مورسيلاجو ف دبي

[شرجاوي]

يقولون راعي الموتر دش الاتجاه المعاكس و هو كان مهوس عليه ( مسرع ) ... و بعد ما صار الحادث ودر موتره و شرد و فالنهايه طلع .... هندي

اترككم مع الصور

[بيور]

هنــدي!!!


المووتر مروح فيييهااا ,,,,




مشكوور شرجاااوي ^__^

[اخت اختي]

الهندي شارد؟؟؟ ليش؟؟
أكيد مسوي شيء غلط ولا ما بيشرد!!

[الحساس]

هندي وعنده 51؟

[بيور]

هييه والله ,, 51 ..ودبي ,, !!!!!

[تحفه]

على فكره انحصكم من قلب لقلب .. اتغيرون تفكيركم ..
والله صدق .. مب حلو انكم اتطالعون الهنود بهالنظره الدونيه .. او مش شرط هندي او whatever شو يعني مغتاضين منهم لانه هالهندي الي مب تارس عينكم عنده هالرقم وهالسياره !!

زين اجتهدو عسب تستوون شراته

توني مضاربه اخويه على هالسالفه عسب جي محتشره

[نبراس الليل]

شو المشكلة 51 ترى الارقام تنباع في دبي ودام عنده هالموتر اككيد بيقدر يمتلك هالرقم

والشي الثاني المحيرني body السيارة احسه من بلاستيك مقشر ماعتقد bodyاصلي

عالعموم الله يحفظكم من الحوادث يارب

[تحفه]

هيه بلاهم الهنود يعني مب عايبينكم؟!

قبل لا يشترون ال نهيان برج العرب منوه كان شارنه غير مهراجا من الهند !

يقولكم .. يعتقدون انّـه الزمن الياي بعد امريكا وقوم اوروبا يسيطرون على العالم .. الهند او اليابان بيكونون اقوى القوى في المنطقه

بس انا مستغربه .. إشحقه شرد !!

[طير الغرام]

وحليله
زين ما ياه شي

بس غريبه ليش شرد !

الله يكفينــــــا شر هالحوادث

[المزوحي]

شرد لأنه هندي :) ههههههه ( أسولف ) المفروض الواحد مايشرد سواء هندي وإلا مواطن وإلا غيرهم
بس عادي الرقم عند هندي .. أقولكم شي ترى في منهم اللي أغنى عنا وأقول سيروا ميناء بازار وشوفوا الرنجات وارمسوا

[نبراس الليل]

أم خدود

في الهند طبقتين الاغنياء والفقراء

الاغنياء هم ومن اكبر اغنياء العالم

والفقراء من افقر فقراء العالم

وللعلم طبقة الفقراء اكبر

الغصة مش في المال ولا شياته

يمكن البعض غيران لان الاجنبي يمتلك اشياء من المفروض يمتلكها مواطن

مثلا في الهند اذا احد المواطنين له مثل هذا الشي فأكيد بعض منهم بيغتاض منه وهكذا الدنيا تدور

إن أكرمكم عند الله اتقاكم

دائما مشتطة ...

[بيور]

الموضوووع كان عن الحاادث ,, واستوى عن الهنوووود ,,

شرجاااوي زيين جييه ,, سوااالف

[كـلـكـلـووش]

توني كنت مــع نــصووور و شفـــنا وحــده و جــنه اللي كان يسووقه بعــد هندي ..

الله المستعــان ! الله يكفيــنا شر الــحوادث

[ذنـيـنـي]

شرجاوي
تسلم على الموضوع,, أهم شي انه يكون الريال بخير و السيارة بتتعوض ان شاء الله


يرجى عدم الخروج عن الموضوع

[شرجاوي]

بل ... كلهم طلعوا من الموضوع ....

كلكلووش اللمبرجيني اللي شفتها اعتقد رقمها 7250 دبي و اسم راعي الموتر ابوبكر ( مره شفته يرايس فالحلبه )

و مشكووورين على ردودكم