اذا تقرا (2)

[مجموعة إنسان]

أمس حصلت رواية للحزن خمسة أصابع هدية من وحده !!
ههههه


سرت المجمع الثقافي اول بارحه وما كانت موجوده
خذوا رقمي واتصلوا ثاني يوم
رحت لهم عسب اشتريها
عطتني وقالت هذي هدية مني هههه

واااخر نسخه معروضه للبيع
خلصوا النسخ

["الماسة"]

اليوم انا بديت ف قراءة كتاب لاتحزن للشيخ عائض القرني..

امممممم

الكتاب مبين انه حلوووووو..وكل الي اعرفهم قارينه ويمدحونه واااااايد..

[ملاك الروووح]

^

المااسه

من أروع الكتب اللي قريتها ..

وبيغير فيج وايد أشيا ..


ENJOY IT DEAR

["الماسة"]

(ملاك الروح)..

Thanks for your response

I hope that

[مزن هتان]

خذت روايتين من 3 اسابيع
بديت اقرا اللي حمسني لها الريال بالمكتبه وقفت قرايه
و من يومها و انا اتحسب عليه غربلات بليس العدو
لا و يقول اضمن انها تعجبج و اذا لا ارد لج خردتج
مالت عليك و طاح حظك

والله مقهوره و عن خاطري اريد احرقها يمكن يبرد افوادي

و مالي خاطري الحين اقرا الروايه الثاني

[دمعة عين]

.
.

آمـَس سرت المجـَرودي
وخذيت " عينـآك يـآحمـَده " . .

.
.

[مجموعة إنسان]

دمعووو
استمتعي فيها



انا من اخذت رواية للحزن خمسه اصابع لين الحين ما قريتها

[شوق البدو]

بدييت اقرى استمتع بحياتك للدكتور محمد العريفي ,,
وياسه اطاالع راوية صاحبة السمو الملكي اتشااور اقراها الحين
او يوم اخلص من كتاب استمتع بحياتك

اريد عينااك يااحمده ماا لقيتها :(

[ملاك الروووح]

من زمان ما قريت شي

شكلي انا بعد بمر المجرودي وباخذ ( عيناك يا حمده )

باخذ لج كوبي منها شواقه

:

ابي أقرا كتاب حق غازي القصيبي ..

حد ينصحني بشي معين ؟

[مــهــابه]

تــدرون . .

كنـت حاطه فـي بــالي فـ هالاجازه أقـرأ نص كـتاب عـ الأقــل كـ العاده يعني

لـكن ! منوه يقـول ؟

ولا مسيـت طشه

اصلاً هالاجازه كانت أسـتثنائيه ، كنت مسويه طاف للنت ، للفون ، للكتابه ، للقرايـه


لـكل شي . .

[أنامل قلب]

حاليا أقرا من الكمبيوتر الجزء الأول من كتاب [ وحي القلم ] لـ مصطفى الرافعي + رواية [ سيدة المقام ] لـ واسيني الأعرج .. >
> بما ان روحة المكتبة ابدا مو سهله بالنسبه لي لسبب بسيط جدا ألا وهي إن محد يحب إيي معاي المكتبة بحجة إني لمن ادخل ما اظهر !
وبالتالي صاير عندي ادمان عـ تحميل الكتب من النت ، منه اكتشف كتب يديده ، ومنه الحق آخذ فكره عن الكتاب واشوف اذا يستاهل اني آخذه !
وبعد ما أصف لستة الكتب اللي اباها أسير آخذهم مره وحده ، حتى لو قريتهم من عالكمبيوتر !

بس فعلا فعلا فعلا ، ماكنت متوقعه إني بحب هالكتابين لهذا الحد ، أصلا ماني مصدقه اني ما قريتهم للحين !
أنصح كلمن ما قرا هالكتابين [ وحي القلم بأجزاءه الثلاث + رواية سيدة المقام ] ان يلحق يقراهم بأقرب فرصه ،
وكأن المرء لا يملك إلا أن يسكر بـ نثرهم ~ ! // ما شاء الله ، وربي يرزقنا !!!!!!!!!!!!!!!!

:

هممم بنفس الوقت اقرا كتاب [ صحيح الحفاظ ] مما اتفق عليه الأئمة السته للدكتور عواد الخلف ،،
+ توني بديت بكتاب [ الواضح في أحكام التجويد ] للدكتور محمد عصام القضاة ..

بالنسبة لكتاب صحيح الحفاظ ، أنصحكم فيه ، وأهو يضم الأحاديث ـ مثل ما سبق وقلت ـ اللي اتفق عليها الأئمة السته ..
احس مادري من المفروض نكون مضطلعين على هالأحاديث وغيـــــــــــــــــرهم ، عالأقل بالقراءه // خاصه للي مقصرين مثلي !
بتحسون بشغلات كثيره وانتو تقرون الكتاب ، ما يحتاي أقول مفيد // أنصحكم به أكيد ..
مجزئنة بشكل يسهل على القارئ البحث ، واكتفى بالكتاب بمجرد لملمة هذي الأحاديث من غير الشرح والتفاصيل الأخرى ..

+ كتاب أحكام التجويد بعدني ما قريت منه غير المقدمه ، بس مبين عليه حلو !
يعني احسه صايغ الكتاب بشكل ميسر ، به مخططات ، صور ، أسئلة ،، ووووهيك .. !

,

[مجموعة إنسان]

سکون
من وین حملتیهم.
عطینی اللنک لو سمحتی

[أنامل قلب]

إمبلا أسمح ^^"

كاهي الروابط :

كتاب وحي القلم 1 //
كتاب وحي القلم 2 //
كتاب وحي القلم 3 //

رواية سيدة المقام //

وووو علمني اذا ابهم خلل ،
لأني حملتهم مره ثانيه للموقع !

,

قراءة طيبة ~

[شمعة أمل]

currently reading

[أنامل قلب]

سؤال :

أحد قرا رواية شيفرة دافنشي [ دافنشي كود ] .. ؟!
وايدين يمدحونه بالنت ، بس أذكر لمن بديت فيه (من زمان)
ماعديت كذا صفحه ووقفت [ ماحبيت اكمله !

مادري هل لأني كنت اقراه قبل لا انام ، وبشكل عام اعتبر خوافه + احتمال اكون شوي مسطله مع اني احب القرايه قبل النوم !
ولا لأنها فعلا ممله ومعقده عالفاضي لول ^^" // اصلا خذتها من شفت العنوان ، ومافكرت فيها وقتها اذا كانت بوليسية ولا شسمه !

يمكن ماتجاوزت الـ خمسين صقحه ، وبالغصب [ هذا قبل اكثر من شهر ] ..
حسيته معقد ، مع انه معروف ويمدحونه وايد !

,

في مقطع استغربت منه //
اونه يروح يلحق مادري منو وجتله ، عقب يصلي لربه ويدعيه انه يغفرله ،
وبعدين يبدأ يعذب نفسه جسديا بحديده يربطها مادري شي جي ،
ويخليها مرات فتره اطول اذا اذنب اكثر لول استغفر الله

وانا مو عارفه شو السالفه لول

,