اذا تقرا (2)

[مزن هتان]

حاولت مره أقرا لها رواية الفخ
ظني، بس بالمره ما ستهويتها
ماحب الروايات المعقده
هي محاوله وحده و مارديت اقرا لها

[مجموعة إنسان]

صباح الليل يا مزن ..


زين عطينا احلى روايات عندك..

[مزن هتان]

راح أجيب لك باجر كذا رواية
أعذرني الحين

وقت النوم

[مزن هتان]

مسا الخير

مجموعة انسان

قرية رواية الغريب مادري غريب وايد عيبتني
تتكلم عن واحد ياخذ وحده من غير مذهبه
و تتبعها شوية مشاكل

عندي رواية وطن من زجاج لـ ياسمينة الصالح
تدور الأحداث بالجزائر بـ فترة الاستعمار، و عن
المجاهدين في سبيل الدفاع عن الوطن، و
تخلي وطنهم عنهم

تعيبني شرات هـ الروايات، قريبة للواقع

[مجموعة إنسان]

الحين اقراها !!

[مزن هتان]

حاليا عندي كتابين و متردده فيهم،
واحد منهم يمكن ما راح اقراه و اللي
هو (بنات الرياض)، و السبب يرجع
الا الكاتبه و فكرة الروايه - فضايح-
الكتاب الثاني(لا تحيريني معك يا
ابنتي) للكاتب إحسان عبد القدوس
يباله وقت فراغ طويل و بال رايق
====

اكو حد قاري بنات الرياض، عطوني
رايكم بالكتاب ؟

[شمعة أمل]

^
أنا قريـته من سنتيـن أظني
مب ليـن هناك ومثل ماقلتي فضايح.. وفي اشياء كتبتها تحسيـن انه ماكان له داعي تذكرهاا
مب انه حلو ومب انه مب حلو يعني عادي بس في كم من شي تحسيــن.. بلاها الكاتبه خبله تكتبه!
بس كـ كتاب خفيـف عادي تخلصينه في يوم ولا يومين

[أنامل قلب]

:
.

س سؤال ؟

من منكم قرا شي من مؤلفات نجيب محفوظ .. !

:.

[طفلة من هذا الزمان]

أنــــــــــــــا بجــــــــاوب .. اقصد بشــارك ...

قريت (بنــــــــات الريـــــــــاض) و الصراحة تبون الصدق .. انا استغربت من نفسي لما حبيتهــا

يمكن لأني احب الحش و الســوالف .. صح ان فيها اشياء اوفر .. بس ماستبعد وجـودهــا في الواقــع بعـد ..

اعتراضي الوحيــد عليها هو اسمهـا .. لأني احسها جمعت عينة ما تعكس أبدا بنات الرياض وظلمتهم بهالعينات اللي كتبت عنها في الرواية ...


في رواية ثانية نزلت على شاكلة بنات الرياض بس ما تشجعت اشتريها حتى .. نسيت اسمهــا الحين ....


عينـــــــــــاك ياحمـــــــــــدة ....
صراحــــة تأثرت فيها جدا هالروايـــــــــــة


هالفترة قريت روايتين خفاف ممكن تخلصونهن في مدة زمنية قصيرة جـدا .. و يمكن تحبونهن بس انا مب لين هناك حبيتهن (امحق تشجيع ) ........

سعـــــــــــار ,,
لــــــ بثينة العيســـى .... حتى مالي بارض اكملها للنهاية مع انه ما تم لي شي امنها اصلا ...

روايتها الثانية مب مذكره اسمهـا الحينه .. برجع بالإسم عقب أكيد .. بس انصحكم تقرونهـا .. حلووة لا باس فيها بس نهايتها قهرتني .. حسيتني غبية ....

لـــــــــي عودة ،،

[طفلة من هذا الزمان]

اسم الروايـة الأولى المشابهه لبنـات الريــاض .. سعوديــــــــــات ،،


روايــة بثينـة العيسى الثانيـة اسمها عــروس المطــر .....................

[الخنساء]

صباح الخير



انا قريت بنات الرياض ..وحبيتها ..خصوصاً اسلوب الحش والرمسه ... طريقة تسلسل الاحداث وايد بسيطه .... بس شرات ما قالت طفله ظلمت بنات الرياض مع إنه هالشيء وايد جايز يستوي عندنا اكثر واكثر ....


خاطري اقرأ عيناك يا حمده .... بس لين الحين ما حصلتها ... كل ما اسير مكان مخلصه !!!


حاليا اقرأ كتاب وااااايد سمعت عنه

The Secret


بخبركم تفاصيله في وقت لاحق إن شاء الله ....

[شوق القلوب]

الخنسا.. جان تبين الكتاب بطرشه لج..! لاني ما اتوقع اني بقراه مره ثانيه !!

..

بصراحه.. كنت متوقعتنه احسن عن جي..
القصه حلوه.. بس بعد ما اتأثرت فيها وايد..

[عافك الخاطر]

THE LUCIFER EFFECT - Philip Zimbardo

حالياً أقرا ها الكتاب .. وبعدني في البدايات
تصنيفه : Psychology -علم نفس وبالتحديد social psychology
السمستر اللي طاف كنت ماخذه مساق سايكولوجي .. و شدّني ها الموضوع
موضوعه: يتكلم عن كيف و ليش ممكن الإنسان يغير فجأة مبادئه و يتحول من شخص صالح إلى إنسان ثاني ..خاصة لو انعطى كامل الحرية في التصرف..
و الحلو ان الكاتب يعطي أمثلة من الواقع مثل اللي صار في سجن أبو غريب و أماكن ثانية و يحاول يفسر هاي الظاهرة بناءً على هاي الأمثلة ..
والكاتب بعد يشرح في الكتاب تجربة حقيقة سوّاها عشان يتوصل لأجوبة لأسئلته ..

لين الحين الكتاب لا بأس فيه ..بس للأسف الدراسة مخربة عليّ ومب قادره اندمج فيه وايد .. فـ ان شا الله يوم بخلصه كله بكتب رأيي فيه ..

[أنامل قلب]

:
.

اختي الخنسا ..
الكتاب اللي تطرينه "the secret" أقراه حاليا ..
وللحين حابته وعايبني =)

أنصحكم به .. ولو إن بعدني توني باديه فيه .. . !

:
.

..

[مزايا]

how to deal with emotionally explosive people
Albert J.Bernstein

( كيف تتعامل مع الانفجـار العاطفي لدى الناس)
ألبرت برنشتاين
فحوى الكتــاب :
قد يمــر بعضــنا بمواقف كثيرة تجعله يصادف في حيـاته الانفجاريين العاطفين أو أصحاب الانفجار العاطفي ( نوبات ذعر ، رهاب الخلاء ورهاب الاحتجاز وغيرها ..) ، فيهرب ذعراً من حالتهم أو يقف مكتوف الايدي .
وهذا الكتــاب يوضح التركيبة النفسية المعقدة للإنفجاريين العاطفيين وكيفيه التعامل بهدوء وبعقلانيه في مثل تلك المواقف
ويحوي الكتــاب أيضــا على قصص واقعية والاستراتيجيه التي كانت متبعه مهم لتخطي الانفجار العاطفي ..
.