اذا تقرا (2)

[عهد الوداع]

الزرعوني وين اقدر احصله ؟

[الزرعوني]

انا خذته من Border في مول الامارات

اللي صوب السينما =)

[أنامل قلب]

^ هالبرنامج واااااايد يعيبني / علمتني الحياة للدكتور طارق السويدان ،
بديت اتابعه من فتره بيوتيوب ، ما شاء الله عليه ..

[أنامل قلب]

من المجموعه الأخيره اللي ذكرتها ما قريت غير كتاب نسيان كم ..!

اممم هو بالبدايه لمن عرفت فكرة الكتاب وجي ، حسيت جي إنه مش من المواضيع اللي ممكن أفضل اقتناءها ،
بس عقب حسيت بالعكس ، مثل هالأشيا حلو إن الواحد يتعرف عليها ، خاصه إني حسيت بإن مرجع الكاتبه يستند
لمجتمع وثقافات بعيده بزاواياها عنا ، ولو إن الفكره وحده بالأخير ..

تعرفون اسلوبها ما شاء الله جميل ، والكتاب فيه فواصل حلوه ، يعني لازم بتخطون بعض الجمل وبعض الأفكار ،
اقتباساتها جميله ، وتحسون الكتاب خفيف ولطيف ..

+ اختي طفلة من هذا الزمان ما قصرت وعطتكم نبذه عنه ..

~

[رمــش الغـــلا]

^ اليوم ببدآ في قرآية الكتـآب ان شاء الله ..
خذت فكرة بشكل عـآم حبيت وآيد الفوآصل اللي فيه وقريت شوية اقتبـآسات ..

=)

[أنامل قلب]

^ قراءة ممتعه =)

~

رحت اليوم وخذتلي كتابين بما إن ماتم لي كتب بالبيت موليه ، مع إني كنت محرمه ،
الاول لفتني أول ما شفت الصورة لـ بروين حبيب [ أعطيت المرآة ظهري ] ، شعر ..
كتاب خفيف وصغير ، مريت على كذا صفحه منه وحسيت قراءته جميله ، أول مره اقرالها ..

والكتاب الثاني [ كلام من ذهب ] الجزء 1 ، اعداد حفيظ عيسى الراجحي ،
فيه مختارات من حكم ومأثورات وأمثال وكل شي ، مريت على صفحاته بالمكتبه عالسريع وعيبني ،
بس عموما أنصح بمثل هالكتب أكيد + كتاب سبق وذكرته لمصطفى السباعي بعنوان علمتني الحياة ..

أخوي مجموعة إنسان أحسبك بتحب هالكتاب وايد + كتاب علمتني الحياة ،
هالكتب أساسا ع كثر ما إن فيها ثقل ، لكنها خفيفه عالنفس ، ينفع قراءتها بأي وقت ومن غير تسلسل ..


~

[عافك الخاطر]

مسوية لستة بوايد أشيا حابة اقراها بس اخلص اقرا كتب الكلية اللي ما تخلص و ما بتخلص

1.حمستوني أقرا "نسيانكم " مع اني ما جربت أقرا لأحلام مستغانمي قبل من غير اللي تطرحه في المجلات..
2. أثر الفراشة * في اللستة من زماان *
3. A pair of blue eyes- Thomas hardy
4. Anna Karenina - Tolstoy

[طفلة من هذا الزمان]

أتمنـــــــى أتحمس في يوم اقــرا رواية بالانجليزي .. تجذبني اقتراحات اوبرا للReading club مالها .. بس ماتفيج ادور الكتب اللي تقترحهـــا .. يمكن بيوم


كعـادتي من اشوف كتاب عن قانون الجذب .. ماقدر أأجل قرايته ..




"تطبيق قانون الجذب" ..
بديت فيه من كم يوم .. لين الحين الكاتبة تتكلم عن اكتشافها لقانون الجذب و تجربتها الشخصية وياه .. عقب بتتكلم عن كيف يعمل القانون و كيف تخليه يعمل لصالحك ..

Recommended للمهتمين في قانون الجذب ..

[همس الوجود]

طفله من هذا الزمان


انااااااااااااااااا اباااااااه احب هالسوالف ^^

بروح ادور عنه فالنت .. وان شاءالله قريب بروح اشوف لو احصله في مكتبة دبي للتوزيع

[طفلة من هذا الزمان]

همس الوجــود ،،

واااااصل بس اتريي اخلصه ..

اذا ما لقيتيه في مكتبة دبي للتوزيع .. جربي كــارفور .. ترى أنا لقيته هنــاكـ

"لقيته هو و كتاب أحلام مستغانمي في كارفور .. موول ما صدقت عيوووني .. بس لا تستهينون بكارفور

[العجيبة]

آخر كتاب قريته

الاسطورة .. لـ غازي القصيبي
واضح عن شو في الغلاف ...

يتكلم عن ديانا ، هو التقى فيها 4 مرات ويحسس اللي يقرا كتابه ان عايش معاها طول عمره
عني انا : عيبني الكتاب واااايد ... أسلوبه في الكتابة كأنه يالس جدامكم ويسولف لكم ... يعيبني !

وحاليــا أقرا ...

العصفورية .. لـ غازي القصيبي

ضحـــك حــتــى الثمـــالة ( انتبهوا عالثمالة بس خخخ )
نقـد لأحوال العـرب بأسلوب ساخـر جدا جدا جدا ....

ومثل ما يقولون : شر البلية ما يضحك ..

ممتعة .. بس بعدني ما خلصتها ..

سي يو

[همس الوجود]

طفله من هذا الزمان

فديتج والله تسلمين

هههههههههه خلاص عيل يبالي اسير له في وقت يكون على الاقل شويه خالي من الهنود تعرفين كل يوم عيد عندهم هناك خخخخخخخخ

والله متحمسسسسسه له صدق =)

[أنامل قلب]

لقيت موقع يظهر عليه انه جميل جدا ، بس بعدني ماتصفحته جان تبون الصدق ،
فيه كتب دينية بتصنيفاتها : http://www.islamport.com/index2.html

[طفلة من هذا الزمان]

زيارتي السنوية لمعرض الكتاب قريبــا .. مفترحــــــــــــــاتكم رجاءا ..

حابه اجدد علاقتي بكتاب القصص القصيرة - يمكن مجموعتي القصصية الأولى تجهز أخيرا على ايدهم .. وأكيد ماستغنى عن الروايات وكتب الـself development ..

وبعد؟

[مــهــابه]

^
آنـآ كنت آدور كتـآب نسيـآنكم ف المعـرض ، كـل ماتخبـر حّد عنه يـقول لـي مش مـوجود
عـطينـآ دآر النشر وآنـآ مـآعـرفهـآ


آريد هالكتـآب آنــا


خذت كتـب وااااااااااااااااااايد

ومن ضمنهم كتـآب [ سـّرد الذآت ] للشـيخ سـلطـآن القـآسمي