اذا تقرا (2)

[مــهــابه]

^
لـماح : حمسـتني أقـرأ الكتـآب الأول ، فـ أي مكـتبه بحصله ؟



آخـر كتـاب بديـت أقراه



تتـكلم الكـاتبه عـن قـصص وايـد ، النجـاح فـ حيـاة النسـاء ، مـواقف ، أمـور ، النجـاح علـى الصعـيد العـملي والشخصـي

والشهـره فـ حيـاه النسـاء ،يعـني مب كـل مشهوره نـاجحه ومـب كل ناجحه مشهـوره

[لمّــاح]

هلا اختي مهابة ..

بتحصلينها في المجرودي ..

تعتبر هالرواية من افضل روايات الأدب العالمي و هي سبب شهرة باولو كويلو .. طبعا للكاتب وايد روايات ثانية مثل 11 دقيقه و غيرهن ...

و هالرواية مترجمة ايضا للغة العربية

[طفلة من هذا الزمان]

مسا الخيراات ،،،
حاليــا بديت اقرا للكاتب السعودي عبده خـــال ،،
صرااحة أنا آخذ وقــت طووويل لين ما اقرا لأشخاص يداد .. يعني لاااازم الكتب تغبــــر ويهزبنــي طويل العمــر عقب اذكر ان عندي كتب ما قريتهــا بعدني
المهم عندي له روايتين .. الطين "قريت جزء وانشغلت عنهــا " وبديت في "مدن تــأكل العشـب " هاليومين ...
بعدني ما كونت صورة واضحة عن أسلوبـه بس بعد اقترحه عليكم ,,,
روايـــة مــدن تأكــل العشــب ،،
قريت آراء عن روايته "فســوق " ناوية ادورهـــا .. الاسم برووحه يخلي الوااحد بس لا يروح بالكم بعيد .. اللي فهمته انها عن هيئة الأمر بالمعروف و النهي عن المنكر في السعودية وانهم ما يخلون الناس تعيش حياتها بشكل طبيعي .. كيييييف لا تسألوني بعدني ما قريتهــــا

قرااءة ممتعـــــة ...................

[عهد الوداع]

لماااح

شكلي بسير اشتريلي هالكتااب ..احب هالنوعيه


مهااابه

تنصحيني اقرااا هالكتااب ولا ؟؟

[مــهــابه]

^
هـيه لـيش لا


حـاليـاً اريـد اخذ " للحزن خمس أصـابع " . . .

[عهد الوداع]

ثاانكس ..^_^

[أنامل قلب]

كتاب التفسير الواضح الميسر ،
لـ الشيخ محمد علي الصابوني ..

بديت اقراه من الآخر ، يعني من سورة الناس ،
وعجبني اسلوبه + افضل اقراه اكثر من كتاب التفسير للشيخ عائض القرني ..

مو استهانة بكتاب الثاني ، بالعكس الاثنين موفيين بكتابهم ،
خاصه للي حابين يقرون التفسير بشكل مبسط ومباشر ..

بس هذا الكتاب عجبني اكثر لانه مختصر
لكن من غير ما يغض عن نقاط اعتبرها مهمه ..

بعدني من كذا يوم بادية فيه ، فما عندي ذيج الخلفية المطلوبة عنه ،
بس لاحظت انه باسلوبه احيانا نوع من الشده لكن بطريقة تخليني
فضيحة جدام البنت / مثل لمن قال شلون النصارى يعتقدون
"بعقيدة التثليث" [ بإن الثلاثة واحد ، والواحد ثلاثة ، والجنون فنون !! ] لول

,

باختصار ، بعدني بسور جزء عم ، بس حبيته =)
ربي يجازيهم عنا كل خير ..

[أنامل قلب]

نسيت اقول شغله مهمه !

اممم حلو الواحد ينوي يقرا تفسير القرآن من خلال هذي الكتب ،
يعني عني انا ، ياما تستوقفني آيات ما افهمها لـ كلمه !
وياما تستوقفني آيات افهمها لكن يطلع فهمي لا علاقة له !
وياما تستوقفني آيات كنت استفهم عندها لجهلي
بالقصد منها او علاقتها بالآية اللي سبقتها وهكذا !
وياما تستوقفني آيات نفهمها ، لكن نجهل القصة من وراءها !
وياما وياما وياما وياما ..!

وياما لمن نقرا التفسير تغمرنا كلمه [ ياللـــــــــــــــه !

,

وانا اتصفح موقع الافتاء استوقفتني كلمه كانت ردا على احد الاسئلة ،
حيث سأل عن سبب عدم حفظ كل الصحابة للقرآن الكريم ،
وكيف كانت الاجابة ، بإن حفظهم يختلف عن حفظنا نحن اليوم للقرآن !

اهي فعلا شغله مافكرت فيها بهذا الشكل إلين قريت هالجلمه ،
يعني شلون انهم ما يتجاوزون الآية إلا واهمه فاهمينها بأحكامها ،
وابـ مقاصدها / يتدبرونها ، وكيف يباشرون بتطبيقها على أنفسهم ..

أكيد مانروم نقارن ، بس عالأقل نحاول نبادر بالبسيط اللي نقدر عليه ،
وشوي شوي بنلاقي أثرها على كل شي آخر ..!

وبس ، سمحولي ادري وايد ارمس ..

[راعي الزعـامه]

هو كتاب التفسير الميسر للصابوني من أفضل كتب التفسير الحديثة ،،
أما من كتب التفسير المفصلة ،، انا افضل تفسير الامام الحافظ بن كثير ،، اسلوبه رائع فالتفسير المفصل ،، واعتقد انه اي مكتبه اسلامية يجب ان تتوفر فيها تفسير بن كثير ،،

من الحين للاخر ،، احب افتح كتاب البداية و النهاية لابن كثير ،، كتاب يشرح بداية الخلق مرور بقصص الانبياء الى ازمنتنا حتى يوم القيامه ،، اسلوب الامام ابن كثير يجذبك ،، فما لقب بشيخ المحدثين من فراغ ،،
أنصح اللي يبا يقرا الكتاب ،، يقراه بتحقيق الشيخ مصطفى العدوي ،، لانه فيه طبعات مختصرة جدا و حاذفين بعض الاحاديث المذكورة و مصادرها ،،

والسلام عليكم ،،

[أنامل قلب]

^ امبلا يعيبني كتاب التفسير لابن كثير / عندي كتاب بعنوان [ مختصر تفسير ابن كثير ] 3 مجلدات < اظني اعداد الشيخ الصابوني !
وواحد ثاني باسم [ تفسير القرآن العظيم ] 4 مجلدات كذلك لابن كثير بس مادري اعداد من ، مو مذكره ^^"..
مادري أيهم تقصد ، بس الأول اهو اللي قريت منه "بشكل عشوائي" وعجبني جدا ، أما الثاني فللحين ماقريت منه شي !

وفعلا اسلوبهم جميل وتحس شلون انهم ملمين بالمحتوى + لهم فكر طيب تبارك الرحمن ..

أما بخصوص كتاب البداية والنهاية فـ ماعندي اياه ! / بس يبالي آخذه !

ووووويزاك ربي كل خير أخوي ..

[أنامل قلب]

نسيت أذكر هالكتاب / من فترة اقعد اقراه من النت :
الجواب الكافي لمن سأل عن الدواء الشافي ..

اممم بعدني الا شوي وبكون قريت نصه ،
كتاب جميل ويوحي نفسيا بالكثير + يوضح لنا مفاهيم كثيره
وينبه لشغلات مهمه المفروض كلن منا يئمن ابها ،
أو بالأصح يستشعرها ويميز شلون يربطها ابـ نفسه
بحيث يسير أموره على أساسها ، وأكثر ..!

طريقة الموقع بتوزيع العناوين الفرعية عجبني ،
مع اني قريته بشكل متسلسل ، بس البعض ممكن
يفضل إنه يقرا اللي يلفته اكثر من العناوين ،
بحيث ينال حاجته وهكذا ..

[أنامل قلب]

كتاب : drawing hands & feet
form, proportions, gestures & actions ..

عيبني ، استانست عليه وايد ،
خاصه إن الأشكال والامثلة اللي فيه أكثر من الكلام ..

+ رسم الأطراف شيء جميل بالنسبة لي ،
و أغلب الأمثلة مرسومه بالرصاص ، من غير ألوان ..

يحتوي على الأشكال الرئيسية للأطراف وبكل الأوجه /
توضيح لتركيب الاطراف إلين رسم الأنسجة والعظام /
رسم الأطراف بتعابير مختلفه , حركات عامه وأنشطة شائعه ..

,

من مكتبة المجرودي كالعاده ..

[لمّــاح]

الســلام عليكم ...
(1)
قبل اسبوعين تقريبا انتهيت من قرائة رائعة من روائع بباولو كويلو .. Elevin Minutes

همم شرح الرواية صعب اكتبه، لكنها من احلى الروايات الي قريتها !! حتى فليل كل ما اقول خلاص هذي آخر صفحة، ارد اجلب و اقرا الي عقبها
الرواية تكلمت عن الجنس، العلاقات العائلية، الكفاح لأجل العيش، استغلال الناس ...الخ
عيبتني وايد و انصح بقرائتها .. خصوصا انها True story
(2)
عقب الضجة الاعلامية الي سوتها، قررت اني اشتري كتاب الاستاذه وداد لوتاه و اقرا كتابها ..
سري للغاية ..

الكتاب زين للي مقبلين على الزواج، يتكلم عن نفسيات الرجال و النساء، الحياة الزوجية و الجنس بمنضور ديني (و كل شي موثق بأمثلة من الرسول و الدين) ..
خلصته في جلسة وحده و كان حلو ..

(3)

لاتحزن للشيخ عائض القرني .. كتااااب حلو و انصح به ....




------
بديت في قرائة رواية ايضا لباولو كويلو اسمها Veronica decides to die

وصلت النص و وقفت ... يمكن ارد اكملها ..
و عندي مجموعة كتب بشوفهن، و الي بخلصه بكتب عنه ..

[لمّــاح]

وينكم ..؟؟

[أنامل قلب]

موجودين ومتابعين =)
بس حاليا مو قاعده اقرا وايد ،
مكتفية بقراءات عشوائية من كذا كتاب ومن النت وجي !

بس احتمال ابدا اقرا رواية THE CHOICE
how far would you go to keep the hope of love alive ?

ما بديت فيه للحين ، بس ببدأ أكيد =)

,

يزاك الله خير ع تواصلك أخوي لماح ،
متابعين لكل ما تطرح أكيد ، ونستفيد أكيدين ..