اذا تقرا (2)

[العجيبة]

شو أحلى من هيـك عيـديـّـة ؟!

^__^


على فكرة هن مجموعة كتب اللي وصلني ، بس صورت هذا لاني اعرف ان وايدين اهني يدورونه خخخخ

[بنت الدلع]

سؤال
شو الي أكثر شي ممتع في القرايه

بنات الرياض بالعربي ولا بالانجليزي؟

[مزايا]

العجيبه شو هالحركــات !!
شو رايج تسوين عليه مزاد علني ؟ ياختي تعبنا من كثر ماندّور عليه

[مجموعة إنسان]

بنت الدلع ,,

العربي

لان مصطلحاااته عاامية من اللهجه السعودية

يعني
سوالف مرررررررره كذااا

[أنامل قلب]

كملت قراءة كتاب همس الجنون (مجموعة قصصية) للكاتب نجيب محفوظ !
مثل ما قلت ،، كنت متوقعه يظهر أحلى + كنت أحبذ لو كان الكاتب اجنبي !!

+ قريت كتاب [ الرجل والمرأة ] ووووما اذكر اسم صاحب الكتاب ..
هممم حلو عيبني ،، يتكلم عن الاختلاف مابين الرجل والمرأة مع طرح أمثلة طيبة من الحياه ..
ممكن اللي يقرا هالكتاب يتقبل شغلات كثيره وينبه لشغلات أكثر ماكان يلحظها بالسابق ..

هو احس احيانا يذكر شغلات بشكل مبالغ فيه ،، لكنها توضح صورة الاختلاف والترابط بشكل لفتني جدا !
وووذكرني بكتاب الرجال من المريخ والنساء من الزهره اللي شارته من فتره قصيره وللحين ماقريته =/

+ حاليا ببدأ بكتاب استمتع بحياتك للدكتور محمد العريفي =]
+ احتمال اقرا بنفس الفتره رواية ! ،، بس أي رواية بالضبط بعدني مادري ،، بشوف شو عندي بالبيت ^^"

,

[مزايا]

حاليـا بين أصابع يدي كتـاب ( كنت في أفغانستان )
للصحفي تركي الدخـيل



يرضي ذائقة محبي السياسة

[العجيبة]

حاليا هذا بين ايديني
من زمان ما قريت شي بالانجلش :/ فـ ربيعتي مسكتني هذا قبل العيد عشان ما انسى اللغة اونه خخخ

حلو لين الحين ...بس فيه كذا شخصية اممم مب على مزاجي :/




مزايا
اذا تبين الكتاب فال مال انتي طيب ...

[مــهــابه]

~ هالـكتاب يـضَحكـني ، سوالف نـوير تُحــفه . . .

قريـته بس للحين مب مخلصـتنه ، فـالاجازه بـتفيج لـه عدل

[مزايا]

العجيبه : مابستحي منج P:
أبغيه D:

[شمعة أمل]

يالسه أقرى
a thousand splendid suns
وصلت النص، بعدني ماخلصت
كنت متوقعه أكثر من الكتـاب من كثر ما يمدحونه.. يالسه أقرى وأقرى واتريا هال"وااااو" الى اسمعها من كلحد.. بس بعدني..

خلصت أقراه من كم يوم..
الصراحه
ماحبيته!
كله عن السياسة والمشاكل في أفغستان.. والناس كله ينذبحون ويموتون
كانت القصه "متعبه" بحد مـا.. لانه هالقصه الصغيرونه عباره عن كل الاحداث الى استوتلهم في ثلاثين مادري اربعين سنه

عوّرلي راسي


بس في نفس الوقت... عند النهايه .. تشوفون كيف هالبنت ضحت بحياتها لـ البنت الثانيـه.. ونفس الوقت كيف زواجهم فاشل من شخص والأشياء البايخه الى تعوّر القلب الى استوتلهم.. مب عييييشه الى يعيشونهاا .. عذاب في عذاب

[عافك الخاطر]

الرواية أنعشت ذكريات الطفولة بكل تفاصيلها..
جمال النص و دقة التصوير أكسبتا الرواية متعة وتشويق..
.
.

[مزايا]

عافك الخـاطر :
محمد حسن أحمد شاعر ، كاتب ، سينارست وهو أيضا رواية لحاله
فأنا من أشد المعجبين فيه

[مجموعة إنسان]

مزايا
ومصور فوتوغرافي بعد

[عافك الخاطر]

هيه ماشا الله عليه .. وفلمه بنت مريم فاز هاي السنة في مهرجان دبي ، بالاضافة لحصوله على جوايز عالمية بعد..

[مجموعة إنسان]

بعد ازيدكم

لاعب كورة


وعنده اخو مخرج
واخو مصمم المابس في الأفلام


عشرة عمر معاهم
كانوا ربع اخوي
ودايم نلعب كورة عالبحر قبل ..


تنصحين بالرواية عافك الخاطر؟؟