اذا تقرا (2)

[مجموعة إنسان]

بنت الدلع ,,

العربي

لان مصطلحاااته عاامية من اللهجه السعودية

يعني
سوالف مرررررررره كذااا

[أنامل قلب]

كملت قراءة كتاب همس الجنون (مجموعة قصصية) للكاتب نجيب محفوظ !
مثل ما قلت ،، كنت متوقعه يظهر أحلى + كنت أحبذ لو كان الكاتب اجنبي !!

+ قريت كتاب [ الرجل والمرأة ] ووووما اذكر اسم صاحب الكتاب ..
هممم حلو عيبني ،، يتكلم عن الاختلاف مابين الرجل والمرأة مع طرح أمثلة طيبة من الحياه ..
ممكن اللي يقرا هالكتاب يتقبل شغلات كثيره وينبه لشغلات أكثر ماكان يلحظها بالسابق ..

هو احس احيانا يذكر شغلات بشكل مبالغ فيه ،، لكنها توضح صورة الاختلاف والترابط بشكل لفتني جدا !
وووذكرني بكتاب الرجال من المريخ والنساء من الزهره اللي شارته من فتره قصيره وللحين ماقريته =/

+ حاليا ببدأ بكتاب استمتع بحياتك للدكتور محمد العريفي =]
+ احتمال اقرا بنفس الفتره رواية ! ،، بس أي رواية بالضبط بعدني مادري ،، بشوف شو عندي بالبيت ^^"

,

[مزايا]

حاليـا بين أصابع يدي كتـاب ( كنت في أفغانستان )
للصحفي تركي الدخـيل



يرضي ذائقة محبي السياسة

[العجيبة]

حاليا هذا بين ايديني
من زمان ما قريت شي بالانجلش :/ فـ ربيعتي مسكتني هذا قبل العيد عشان ما انسى اللغة اونه خخخ

حلو لين الحين ...بس فيه كذا شخصية اممم مب على مزاجي :/




مزايا
اذا تبين الكتاب فال مال انتي طيب ...

[مــهــابه]

~ هالـكتاب يـضَحكـني ، سوالف نـوير تُحــفه . . .

قريـته بس للحين مب مخلصـتنه ، فـالاجازه بـتفيج لـه عدل

[مزايا]

العجيبه : مابستحي منج P:
أبغيه D:

[مزايا]

عافك الخـاطر :
محمد حسن أحمد شاعر ، كاتب ، سينارست وهو أيضا رواية لحاله
فأنا من أشد المعجبين فيه

[مجموعة إنسان]

مزايا
ومصور فوتوغرافي بعد

[عافك الخاطر]

هيه ماشا الله عليه .. وفلمه بنت مريم فاز هاي السنة في مهرجان دبي ، بالاضافة لحصوله على جوايز عالمية بعد..

[مجموعة إنسان]

بعد ازيدكم

لاعب كورة


وعنده اخو مخرج
واخو مصمم المابس في الأفلام


عشرة عمر معاهم
كانوا ربع اخوي
ودايم نلعب كورة عالبحر قبل ..


تنصحين بالرواية عافك الخاطر؟؟

[عافك الخاطر]

هيه اخوه مخرج بعد..احيد شفناه يوم يابوهم عدنا في الكلية ..شكلها العائلة الكريمة كلها سينمائيين..
مجموعة إنسان.. هيه انصحك بصراحة..لأن سرده للقصة رائع جداً، وكونه مخرج و مصور بعد خلا استخدامه للتشبيهات والصور في القصة رائع..
وبتحس بالانتماء في بعض أجزائها ؛ لأنه بالفعل ينقل لحظات أظن أغلبنا عشناها في طفولتنا ..
على الرغم من وجود تجاوز للخطوط الحمرا في بعض الأجزاء إلا ان الرواية ككل ما عليها كلام ..

[عافك الخاطر]

مزايا
الريال multitalented ماشا الله عليه .. و حسيته جداً متواضع يوم يابوه عدنا في الجامعة..يوصلج الفكرة بطريقة بسيطة بس مؤثرة..
مجموعة انسان ومزايا.. نسيت اقولكم ...هو كاتب في موقعه انها موجودة في مكتبة دار الحكمة في دبي ..و المجمع الثقافي في بوظبي ..
> اسميني مسويتله دعاية

[مجموعة إنسان]

ان شاء الله بروح المجرودي بدورها
ان شاء الله نحصلها بس


تسلمين عافك الخاطر

[مزايا]

عافك الخاطر & مجموعه انسان
كنت أقضي فترات طويله في تصفح موقعه الشخصي ( الوجه)
أقرأ يوميــاته بتمعن شديد مع تجاهل كل ماحولي
يالله ، كيف يجيـــــــــد رسم حروفه


بإذن الله سأبحث عن راويته :)

[مجموعة إنسان]

ايه والله يا مزايا

من اهم المواقع الي ازورها بشكل يومي تقريبا