مش ناقصين قلة أدب

[الملهم]

السلام عليكم ورحمة الله وبركاته

من زمان ما حطيت موضوع في
الواحة المفضلة لدي " الواحة المفتوحة "

قبل شوي شفت فيديو كليب شد انتباهي كثير ..
لا وفي قناة دبي !! ..

الذي يغني في الفيديو كليب هو الذي فاز ببرنامج نجم النجوم ..
المهم ها المغني يمثل انه جالس بروحه مطعم وبعد شوي شاف وحدة ابنيه يالسه ويا ربيعتها وهو يالس يطالعها وبعد شوي هي طالعته وابتسمت وهو ابتسملها .. وبعدين هي تمت اتشوفه واتراقبه وادور عليه .. وبعدين هو جا لعندها وكلمها وجان يترابعون ..

المهم والمقصود من موضوعي هو أن كيف تضع
هذه القناة فيديو كليب كهذا ؟؟ ..
اذا رأى أي مراهق او اي شاب عادي فانه سيتأثر .. يرى شاب مثله في عمر لا يتجاوز الـ 22 يذهب مع فتاة ويأكل معها في مطعم ويشتريلها الورود .. سيتولد عنده القهر وربما سيقلده ..
صحيح ان هناك من لا يتأثر بهذه الاشياء ويقزز منه .. ولكني اتكلم عن الجانب الاخر ..

فالمشكلة هنا اولا بالبرنامج نفسه .. لماذا تكون الجائزة انشاء فيديو كليب خاص للفائز ..
والفيديو كليب فيه قلة ادب .. على الاقل يحترمون المجتمع ..

اتمنى ان يعجبكم موضوع ..
وارى تعليقاتكم عليه ^__^ ..

اخوكم .. الملهم

[تحفه]

خلني اضحك بليز على الي صاير في الدنيا

[تحفه]

أنا ما يقهرني غير يوم ايوون اولاد يستغلون اليهّال في تقردين البنات .. والله هايلا الي يبالهم صلب

[دموع العاشقين]

صج ،قلة أدب

[راعي الزعـامه]

صح كلامك اخوي الملهم

والله يهدي الجميع

[وعد]

اخوي المهلم
هذا ولا شئ من القاعد يصير علي محطات التلفزيون
يلا شنقول غير
ان ما استحيت افعل ما اشتهيت

[الملهم]

أشكركم على الردود ..
اسعدني جدا ..

ام خدود ..
الشباب استغلوا كل الاشياء في تقردين البنات " ما خلوا اي وسيلة ^__^ "

وعد ..
اوكيه حنا انشوف في المحطات اخس عن كذا .. ولكن يقولون انهم بيخلون
قناة دبي قناة مفيدة ومتطورة .. واللي قاعد اشوفه قناة مهبطة وغير حضارية ..

[وعد]

أشكركم على الردود ..

وعد ..
اوكيه حنا انشوف في المحطات اخس عن كذا .. ولكن يقولون انهم بيخلون
قناة دبي قناة مفيدة ومتطورة .. واللي قاعد اشوفه قناة مهبطة وغير حضارية ..

الاعلام بشكل عام مو بس بالخليج لعبة بيد ناس تبي تخرب ما تبي تفيد

[بيور]

وانا ويااااكم ,, قله أدب لأبعد الحدود ,,

والسموووحة ,,

[ألم ترى]

بسم الله الرحمن الرحيم ..

وعليكم السلام والرحمة ..

حبيت اقول ان هذي نقطه فـ بحر وانت يزاك الله خير لئن ايمانك هو اللي خلاك تكتب مثل هذا الطرح ..

الصراحه بتتعب كثر ما تكتب ولكن هذا مايمنع انك ما تحارب مثل هاي المنكرات ..

ربي يعطيك العافيه وتسلم عـ الطرح عزيزي ..

[بوسلطان]

السلام عليكم ورحمة الله وبركاته

ياخي هذا اقل شي يسونه .. زي ما قال اخوي محب الشيخين نقطه فـ بحر .. ويقولون اصلا الغنيه ما بتنجح الا اذا كان الفديو كليب مثل هذا او اخــس ..

ومشكوور اخوي الملهم على الموضوع ...

مع تحياتي- بوسلطـــــــــان

[سمو الامير]

شكرا بس الله يستر علينا زمان كانت المذيعات في تلفزيوناتنا يتحجبن ولو بس شويه من شعر المذيعه طلع للمشاهد تشوف الناس تكتب وتحتج في الجرايد والمجلات ليش شعر المذيعه بين للمشاهدين 0000 يعني زمان كانت الناس عندها غيره شديده ل 00000000 لكن اليوم للاسف لاغيره الا من رحم ربي وستره والله المستعان ممكن تراجعون الاعداد القيمه من جرايد ومجلات وبتشوفون الفرق الكبيربين أمس واليوم والله يستر من باجر وأسف طولت وشكرا للجميع0