الله يخلي البنات.....................

**وعد** · 13-02-06 ||, 04:26 AM

اهداء لكل شخص متضايج عشان خلفته كلها بنات

حابه انقل لكم قصه حقيقه 100%
زمان في العشرينات من القرن الماضي كان هناك صديقان احدهما اسمه عيسي والاخر فهد .....تزوج
الصديقان في ليله واحده من امراتين فاضلتين وبعد فتره رزق كلا منهما بمولود فهد رزق بولد وعيسي رزق ببنت ..........
فجاء فهد يسال عيسي:ماذا ولدت لك زوجتك؟؟
رد عيسي: بنت جميله سمينها نوره
قال فهد وبكل شماته:انا زوجتي جابت لي ولد وسمينها محمد تعرف ايش معناة هذا الكلام؟
رد عيسي : لا عرفني
رد فهد:يعني الناس ينادوني بومحمد مو بو نورة ههههههههههههههههههه
مضت الايام ورزق الرجلين بمولود
ذهب فهد لعيسي : هه بشر ايش جابت لك زوجتك هالمرة؟
رد عيسي: بنت جميله سمينها مريم والحمدالله زوجتي بصحه وعافيه
ضحك فهد : هههههههههه اما انا زوجتي جابت لي ولد ثاني تعرف ايش معناةهذا الشئ؟
رد عيسي: لا والله
رد فهد: ويقولون المره الي تيبي ولدين ور بعض تكون حللت مهرها ......يعني انا خذيت زوجتي ببلاش ههههههههههههه
المهم مرت الايام ورزق فهد وعيسي بمولدين
وجاء فهد يسال عيسي : هه شو الاخبار بنت والا ولد؟
رد عيسي : بنت حلوه سمينها جواهر تشبهني وايد
رد فهد وهو يضحك ههههههههههههه انا جابت لي زوجتي ولد .....تعرف ايش معناة هذا الش
رد عيسي : لا والله يا ريت تعلمني
رد فهد : يعني صار عندي سند قوي بهالدنيا ام انت يا بو البنات هههههههههه ما عندك من يسندك ويحمل اسمك
رد عيسي: الحمدالله علي عطاياه انا له لشاكرون

مرت الاعوام والسنين وكبروا اولاد فهد وتزوجوا وكبروا بنات عيسي وتزوجوا
وكبرت زوجة فهد وصارت ما تقدر علي شغل البيت .......وكبرت زوجة عيسي وهم كذلك صارت ما تقدر علي شغل البيت
وفي احد الايام مر عيسي علي صديقه فهد فشافه يالس بالظل وصاير هزيل وثيابه وسخه ورثه
فقال عيسي : عسي ما شر يا فهد ليش حالتك جذي؟؟؟؟
رد فهد: والله يا ابن الحلال العيال كبروا وتزوجوا وكل صار في بيته وزوجتي صارت مره عيوز ما تقدر علي شغل البيت وما عندنا من يخدمنا ويعطف علينا غير اهل البر والاحسان.......سكت شوي
الا يشوف صاحبه عيسي سمين وثيابه نظيفه ومكويه........الا يقول: اشوفك يا عيسي ثيابك نظيفه ور يحتك حلوه وصاير متختخ وانت بعد بناتك تزوجوا و راحوا ما بقي بالبيت الا انت و زوجتك العيوز شلون صارت حالتك احسن مني؟؟؟؟؟؟؟؟؟
رد عليه عيسي: اسمع يا الحبيب بنتي العوده تجئ الصبح تجهز لنا الفطار وتنظف الحمامات وتخم المجلس وترجع بيتها
وبنتي الوسطي تجئ الظهر وتجيب معها غدانا وتغسل المواعين وتبخر البيت وترجع بيتها
وبنتي الصغيره تجئ بالليل تسوي لنا العشه وتجهز مرقدي انا وامهم وتغسل المواعين وبعد ما تطمئن علينا ترجع بيتها.............. تعرف يا فهد ايش معناة هذا الكلام؟؟
رد فهد: لا والله
رد عيسي: معناته انه ابو البنات ينام متعشي وابو الاولاد ينام علي الجوع هههههههههههههههههههههه

**وعد** · 13-02-06 ||, 04:40 AM

لا البنات احن وقلبهم علي اهلهم اكثر

**دموع العاشقين** · 13-02-06 ||, 06:18 AM

صح البنات احن من الاولاد
فديتنا والله

**وعد** · 13-02-06 ||, 07:50 PM

المشاركة الأصلية كتبت بواسطة المنسيه

صح البنات احن من الاولاد
فديتنا والله

صح المنسية
فديتنا والله

**خيال الحب** · 13-02-06 ||, 08:18 PM

lo0ol

ياحليلنا نحن الاولاد

**شمه** · 13-02-06 ||, 09:03 PM

البنات والاولاد.. كلهم نعمه من الله..
اللي عنده ولد يبى بنت واللي عنده بنت يبى ولد..

و انا اشوف البنت احسن.. لانها بتجابل اهلها لو شو ما صار..

**وعد** · 14-02-06 ||, 09:26 PM

الصراحه الاولاد والبنات نعمة من الله يوم يكونون صالحين

ويكونون نقمة اذا طلعو طالحين

شمة خيال الحب المنسية بوزايد
تسلموووون علي طلتكم

**المزيوونه** · 15-02-06 ||, 08:10 PM

في مسلسل اغنيته تقووووول
ابوو البنااات ابوو البنااات حامل ع كتافه حسنااات ..

هيهيهي كح كح ادري غبره ها المسلسل .. بس فديتنا البنوتات..

احم ..

كل شي من الله نعمه .. ونحمده ونشكره عليها ..
والقناعه اهم شي .. والتربيه الصالحه ..

الله حيه