الله يرحمـج يا حرم "محمد"

[مملوح الوصايف]

الله يرحمها ويغمد روحها الجنة
اليوم في الجريدة حاطين الخبر الصفحة الأولى بس التفاصيل ما حد يعرف عنها شي
مسكو اللي جتلها
واحد باكستاني الله لا يوفجه ولا يبارك فيه
الله يصبر اهلها إو ريلها على هالمصاب

[طير الحب]

الله يرحمها ...

أمس بالأخبار أعلنوا أنه تم القبض على الفاعل...البيدار الي في البيت.

[تحفه]

يقولون لكم الزراع كان يبي يسرق ويوم شافها ركض وراها وذبحها
وما ذبحها ذبحه عاديه .. نحرها !!

وجاتل اثنين وياها يقولون .. الله يرحمها برحمته

[شهوووودة الأمورة]

الله يرحمها .. يحليلها والله..
الله يصبر أهلها وريلها..
انصدمت

[شوق الصحارى]

الله يرحمها .. ويصبر أهلها

[المزيوونه]

الله يرحمها ويغمد روحها الجنه ان شاء الله ..

تعور القلب والله . الله يكون فعون اهلها وريلها ويصبرهم على فراقها ..

):

[أمواج]

شرطه الشارقه تعتقل قاتل مواطنه

تمكنت شرطه الشارقه - إدارة البحث الجنائي- من إلقاء القبض على المدعو (شيروز خان جمروز خان ) (22)عاما باكستاني الجنسيه بعد ارتكابه جريمه قتل مروعه وراحت ضحيتها المواطنه
( ن . ح .ع) البالغه من العمر (18) عاما مساء أمس الاول الخميس في مدينه الشارقه .
وحول تفصيل و دوافع و ملابسات الجريمه يعقد العميد صالح على المطوع مدير عام شرطه الشارقه مؤتمرا صحافيها في الثانيه عشر من صباح يوم الشبت في مبنى الإداره العامه لشرطه دبي

جريده الخليج ص 25

[لمّــاح]

السلام عليكم ..

انا حتى انصدمت يوم خبروني السالفه، الله يرحمها برحمته و يدخلها فسيح جناته ..
محد يدري، هاذي حكمة رب العالمين و الله كاتب انها اتموت بهالطريقة، اللهم لا اعتراض ..

و بخبركم السالفه مثل ما وصلتني اليوم، من ناس مقربين مني و من الوالده و من اربيعي ..
السالفه ان الباكستاني هذا مزارع البيت و كان بينه و بين ريل هالبنت خلاف ف مثل ماتقولون عشان ينتقم قام و جتل مرت الي متضارب وياه ..

الله يرحمها برحمته، والله يهدي الباكستاني ..

[عنود الريف]

الله يرحمها ويغفر لها
والله يصبر ريلها واهلها ..
انا بعد سمعت نفس اللي قاله لنا الاخ لماح ..
وقالولي ان ما قالوا حق يدتها انها مجتوله .. قالوا لها انها مسويه حادث بالسيارة ..
الله يعينهم ..
والسمووحة

[العجيبة]

الله يرحمها ويغفـر لهااا ..


الله يصبر أهلها ..

[مسافرللجفا]

الله يرحمــها




والله ينتقم من الظالمين

[أتمنى]

.
.

[rams]http://quran.islamway.com/agmy/001.ram[/rams]

.
.

الله يرحمها برحمته الواسعه و يصبر أهلها على هذا الابتلاء

.
.

[مملوح الوصايف]

سبحان الله واحليلها كانت بتسير بيت أهلها بس ما مداها
بس إذا في خلافات بين المزارع إو ريلها شيخص العروس بالخلاف
خل ينتقم من ريلها هب من الحرمة
صدق عورني قلبي عليها
الله يصبر أهلها

[طير الحب]

أرى من الأفضل أن يكون هذا الموضوع للدعاء لها..

لأنه فعلا شيء يضايق أنه حد من أهلها يقرأ كل التكهنات الي طلعت عن مقتلها..أنا بعد سمعت سبب ثاني للقتل بس خلاص ما يفيد أنه نذكر هالأشياء.

الله يرحمها ويغفر لها

[لمّــاح]

السلام عليكم ..

الكلام الي انقال صحيح، و مافي داعي انزيد و كل واحد يحط تخمين من عنده :)

الحرمة معرسة و اكيد الناس بيتضايقون خصوصا انها ماتت ميته مب طبيعية ( مجتوله ) و الاشاعات لاعبه دورها ..

اتمنى انه مانطلع خارج نطاق الموضوع و انخليه للدعاء لها، و الي حاب يعرف سبب الوفاة يقدر يراجع الردود القديمة أو يسأل اي حد لكن خارج الواحات و الانترنت (( عشان يكون بعيد عن الاشاعات و يكون المصدر موثوق فيه )) ..

السموحه و الله يرحمها ان شاءالله ..