_-_افتح ايدك_-_

[ريم العين]

السلام عليكم والرحمه


فهالايام كل يوم تشوف ابله ماسكه عصا فالحصه

وتقول اللي مب حافظ العصا والاداره تترياه

او اذا رمسنا بالحصه يت الابله تظرب

وانا اقول ابله ما سويت شي بس رمست

من كم يوم ابله الرياضيات قالت حفظو النظريه

قلنالها بتظربين قالت ما بضرب لانه الفصل الاول ما فاد الظرب

فشو رايكم بالظرب مع انه الوزاره مانعتنه؟؟

[تحفه]

يوم الواحد يتعود على شي , يستوي عنده هالشي عادي حتا لو كان - مب عادي - مثل الضرب !

انا اول ما دخلت المدرسه ما كنت متعوده ان المدسات ايفاتنون على البنات .. بس احيد في صف خامس .. يوم المس فاتنت على الكلاس كلّـه * تمّـيت انا اصيح جدّامها وهي استغربت * حتا احيد اني كرهتها وماداومت اسبوع كامل

اممم ..

ربيعتي هالسمستر كانو منزلين في سكاجولها ان مس من المسات بدرسها , بس في اول كلاس استوى موقف بايخ:

زقرت كل الاسامي الي باللسته وياها وما زقرت اسمها
جان تقولها ربيعتي : مس ما قلتي اسمي
قالت لها المس اسمج مب عندي , إظهري من الكلاس شوفي *مشكلتج* وي الادفايزر مالج
جان تقولها : عادي اجيّـك سكاحولي هني ؟
قالت لها المس : لا اظهري احســن!

الي دايما يصير .. إنّـه الابنيه اتم في الكلاس خاصه ان اول كلاس ما ياخذون ابسنت وجي حتا لو اسمها مش موجودد على اللسته / ولا حتا يدرسون فيه عشان مثلا هي اتخرب على الكلاس !

لكن انها تطرد الابنيه من الكلاس جداام كلللل البنااات * ابدا مش حلوه *

آخر شي طبعا البنت غيّـرت السكـشـن .. بس بعدها كارهه المس لانها طلّـعتها من الكلاس بهالطريقه جدام البنات

--

مثل ما قلت لج .. العقاب ما يستوي عقاب يوم الواحد يتعود عليه
إساليني انا عن هالسوالف

[وعد]

انا ضد الضرب

[الدلووووعة]

نحن محد من المدرسات تروم تظربنا وحتى تشل عصى تي المدرسة

والله لو سوت ها الشي هي اللي بتندم وتعرف ها الشي

[راعي الزعـامه]

مرة واحد من المدرسين جرب يضرب واحد من الشباب
لكن للاسف الحال انقلب ضده
وعشره من الشباب نقزوا على المدرس وطاحوا فيه ضرب
وطبعا الجزاء الفصل من المدرسه
وانا ضد الضرب لاني ماشوفها وسيلة جيده للتعليم ..

تحياتي ،،

[الملهم]

انا ضد قضية الضرب .. لان ها الشيء بيخلي الطالب يكره المدرس ويعانده ..
وانا اشوف ايام المدارس كان الاستاذ يوم يضرب الطالب .. يخليه يحرج ويعصب واخر شيء يطلع
الطالب من الصف .. فالاستاذ هو اللي خلى الطالب يكره التعليم ..

شكرا على الموضوع

[أمواج]

وعليـــكم السلام و الرحمه
تبين نصيحتي يا ريم العين
شلي سماعه التلفوون و دقي حق الوزاره و خبريهم عن سالفة هالمعلمه
وهم بيتفاهموون وياها وبيسوون لها مجلس تأديبي اذا ماتسنعت

[ريم العين]

يوم الواحد يتعود على شي , يستوي عنده هالشي عادي حتا لو كان - مب عادي - مثل الضرب !

انا اول ما دخلت المدرسه ما كنت متعوده ان المدسات ايفاتنون على البنات .. بس احيد في صف خامس .. يوم المس فاتنت على الكلاس كلّـه * تمّـيت انا اصيح جدّامها وهي استغربت * حتا احيد اني كرهتها وماداومت اسبوع كامل

اممم ..

ربيعتي هالسمستر كانو منزلين في سكاجولها ان مس من المسات بدرسها , بس في اول كلاس استوى موقف بايخ:

زقرت كل الاسامي الي باللسته وياها وما زقرت اسمها
جان تقولها ربيعتي : مس ما قلتي اسمي
قالت لها المس اسمج مب عندي , إظهري من الكلاس شوفي *مشكلتج* وي الادفايزر مالج
جان تقولها : عادي اجيّـك سكاحولي هني ؟
قالت لها المس : لا اظهري احســن!

الي دايما يصير .. إنّـه الابنيه اتم في الكلاس خاصه ان اول كلاس ما ياخذون ابسنت وجي حتا لو اسمها مش موجودد على اللسته / ولا حتا يدرسون فيه عشان مثلا هي اتخرب على الكلاس !

لكن انها تطرد الابنيه من الكلاس جداام كلللل البنااات * ابدا مش حلوه *

آخر شي طبعا البنت غيّـرت السكـشـن .. بس بعدها كارهه المس لانها طلّـعتها من الكلاس بهالطريقه جدام البنات

--

مثل ما قلت لج .. العقاب ما يستوي عقاب يوم الواحد يتعود عليه
إساليني انا عن هالسوالف

مشكوره عالرد ذكرتيني بموقف استوالي صف اول اعدادي كانت ابله الرياضيات شرحت المساله
وانا فهمت ونقلت المساله للدفتر جان تشوفني جان تعصب وتمسح المساله انا زغت
جان تقولي تعالي اكتبي المساله فجاه نسيتها كتبت بس شويه والباجي نسيته جان تضربني بكل قوه
جان اصيح ودق الجرس قبل لا تطلع قالت احسن يوم تصيحين وراحتوموقف ثاني استوالي بصف ثاني اعدادي ما اقدر اكتبه بعدين بكتبه الله يعينا منهم

[ريم العين]

انا ضد الضرب

وانا وياج

[ريم العين]

نحن محد من المدرسات تروم تظربنا وحتى تشل عصى تي المدرسة

والله لو سوت ها الشي هي اللي بتندم وتعرف ها الشي

شكلها مديرتكم طيبه.... جان زين مديرتنا مثل مديرتكم

[الثعلب الرمادي]

أشوف الضرب مفيد لأنه يخوف الطالب و يخليه يذاكر بس على المدى البعيد و إذا ما حصل أحد يضربه حتى يذاكر يمكن تستوي عنده ردة فعل عكسية و يترك الدراسة أو يتدهور مستواه مع الوقت.

[دانة حتا]

الضرب ممنووووع
وبعدين مب اسلوب حضاري
المفروض الدرسين يعرفون انه هذا مب اسلوب يتعاملون
به مع الطلاب بصرااحه مصخره...
اتحملواا وامركم لله محد يقدر يمنعهم ...
الله يعين الطلاب

[دموع قلم]

وعليـكم السـلام ورحمـة الله وبركــاته

تتقلـب الأطبـاع والمزاج في مرحلـة المراهقـة, وهي أصعـب فتـرة لتـربيـة الأبنـاء, فـ الأب والأم
يتعبـون كثيـرا عنـدما يوجهـون أبنـاءهم للطريق الصحيـح, أو نصحـهم لتـرك عـادة مـا.. !!

لـذا ليـس بأمـر سهـل أن ينصـح الأستـاذ طلابـه, وتـلك المهنـة تحتـاج للصبـر شـديـد, وبـرأيـي الضـرب
هو أسلـوب فـاشــل وقـديم جـدا, فـ هنـاك طرق كثيــرة لإرشـــادهم للطـــريقـة الصحيحة, منهـا النصــح
باللطف واللين, والمعاملـة الحسنـة, حتـى يتـأثـر الطـالـب في معاملـة الأستـاذ


ريــم العيـــن..
أشكـرك على الموضـوع المهم, وينقـل للواحـة العلميـة
قسـم المـدارس والجامعـات, كـونهـا الأنسـب

:)

[ريم العين]

مرة واحد من المدرسين جرب يضرب واحد من الشباب
لكن للاسف الحال انقلب ضده
وعشره من الشباب نقزوا على المدرس وطاحوا فيه ضرب
وطبعا الجزاء الفصل من المدرسه
وانا ضد الضرب لاني ماشوفها وسيلة جيده للتعليم ..

تحياتي ،،

انتو اولاد نحن بنات لو انا ولد محد يقدر يدقني او يقولي شي

اتخيل اظرب الابله ههههههههه اخاف اضربها
بتكفخني هههههههههه يسلمو عالمرور والرد الحلو

[ريم العين]

انا ضد قضية الضرب .. لان ها الشيء بيخلي الطالب يكره المدرس ويعانده ..
وانا اشوف ايام المدارس كان الاستاذ يوم يضرب الطالب .. يخليه يحرج ويعصب واخر شيء يطلع
الطالب من الصف .. فالاستاذ هو اللي خلى الطالب يكره التعليم ..

شكرا على الموضوع

انا يوم حد يظربني اعاند وجي حتى انهم من اسبوع نقلوني من صفي وردوني وقالولي يوم الثلاثه اللي طافت شكلنا بننقلج مره ثانيهبس ربيعاتي اونهم يقولولي لاتعاندين وخلج مؤدبه ومادري شو لانهم يبوني وياهم فديتني يحبوني
ويسلمو المرور والرد الطيب