شوالحل مع هي البنت اليكم القصه

[إسهر معي ليله]

السلام عليكم

نفس القصة صارت لواحد كنت أدرس معاه،، شاب ملتزم والحمد لله متزوج احين

البنت اللي اتصلت فيه وحده مثل ما تقول مب عارفه طريجها،، اتصلت مغلطه واظن انعجبت بصوته،،
بس الريّال نصحها،، ----> وبالتالي انعجبت فيه أكثر ،، ما تعرف للبنات،، التزمت انعجبت فيك،،
تصيّعت انعجبت فيك،، اي حركه منك تثير اعجابها،، هرمون الإعجاب زايد عندهم ،، المهم،، كل اللي سواه انه خلى اخته تكلمها
والحمد لله البنت اهتدت وطلعت وحيدة امها وابوها وكله روحها وهالسبب خلاها فاضيه !! بس المشكلة تمت تطرش مسجات بس كلها ادعية وكلام طيب!!

قصص وايد تمر علينا مثل هاي،، وقد تكون اختبار من رب العالمين،، واكيد رأيي انك تسوي مثل ما سوا صاحبنا،،
يعني اذا نيتك انك تباها تلتزم خل حد من اهلك يكلمها،، اما انها تظل معاك فـ هالشي مب زين

ولي تعقيب عاللي قالوا اتصل فالشرطة// هالشي ما وراه الا المشاكل لك اول شي،، وللبنت

وتعقيب آخر على ريم العين// عيب الواحد ينشر ارقام بنات،، هالحركه اشوفها بايخه لأنه مرات وحده تتصل لواحد وتكون مغلطه
وبالتالي يروح ينشر رقمها،، ويسبب لها مشاكل بسبب غلطه غير مقصوده


هذا رأيي// الله يحفظك

[الفارس]

عادى جدا جدا
واذا تبى افضل حل اسمع منى الحل
أكيد بطاقتها مدفوعه ما يبيله كلام ها الشي بعد.
الحل هو ... لما تتصل رد عليها وعطه بالويه طوالى ... بهذه الطريقه راح ايخلص الرصيد وراح اتموت من القهر وعلى ها الموال والله ايهديها يا رب.
أخوك .. الفارس ...
شخص من هذا الزمان .... ودمتم سالمين

[المرعب]

السلام عليكم ورحمة الله وبركاته

وصلت انهايه ويا البنت يوم السبت سرت المركزالشرطه عند صديق لي وتصلت فيها من المركز وخوفتها اذا اتكرر الاتصل بنتصل في اهلج خافت البنت قالت خلاص مابتصل فيه قلت خلاص ارتحت منها يومين بس بعد يومين وصل مسج منها فيه معلومات كمله عني اسمي بلكامل وسم امي ونوع السياره الاولى وثانيه والثالثه ومكان السكن وفوق هذا حصلت تهديد قوي منها اصبر عليه انا مابتصل ولا بطرشلك مسجات بس احلفلك انك بخليك مثل الخادم في ادي استغربت من وين حصلت على هي المعلومات قلت يمكن احد امطرشنها عليه ومارقد طول الليل وانا افكر امنو هاي البنت المهم مارمت اصبر نشيت الصبح طرشت مسج قلت لها من وين لج هاي المعلومات كلها عني ؟؟؟!!!! وصل ارد منها اتقول من رقم اتيلفون ومقر شغلي في ثواني وانا يلسه على الكمبيوتر ظهرت كل شي عنك المهم هذي انهايه الي فهمته منها انها تبا اتسوي عمل لي ومظهره اسمي وسم الوالده !!!!!ومن امس لين اليوم ماشفت اي شي منها ...في ظنكم اتروم اتسوي شي!!!!! يالله انا لي الله سبحانه وتعالى وتوكل عليه... حبيت اخبركم شو انهايه وهذي كانت ،،،،

[نبراس الليل]

أخوي المرعب ماتروم تسوي لك عمل او ماشابه الا بعد ماتحصل صورة منك او شي يخصك

[ألم ترى]

بسم الله الرحمن الرحيم ..

يمكرون ويمكر الله والله خير الماكرين ..

صدق سالفتك عجيبه !! ..

عليك بالمعوذات كل فرض تصليه وربك يحفظك من كيد الكائدين ..

ربي يحفظك ويصونك ..

[ريم العين]

سويلها طاف

والله ما يتسويلك شي بس سويلها طاف

[بيور]

هاااي صدق تزيغ ,,!!!!!

الله يعيينك على مبتلاك ,,

[شوق الصحارى]

الله يعينك... ويهديها يارب صدق انها وحده فاضيه...

[العجيبة]

هاي بتستوي فيها ابتزاز اذا بينت انك خايف منهااا ..

خلك واثق من نفسك ، وسير بلغ عليها " ازعاج هاتفي " ، اللي مثلها ما يستاهلن الاحترام !

[المرعب]

السلام عليكم ورحمة الله وبركاته

جزاكم الله خير على كل من نصحني وربي يحفظكم من كل شر

اختي انور الايمان او سهم الشوق هذي القصه قديمه قبل سنه والحمدلله اخذت اطريق الصحيح حبيت ابين لج شي صحيح هذي قصدي بس كانت تسليه في السوالف لا غيرلني كنت اخاف الله والحمدلله على كل حل ... وشكرج على اهتمامج في الموظوع ... وبخصوص البنت كل شي انتهاء وتم سحب الصوره من جهاز الكمبيوتر .. ولي اعرفه يمكن اخراج المعلومات من مركز الشرطه او الجوازات وهي تعمل في هذا المجل اكيد وبنسبه لرقمي هذا عمري معطيط اي بنت لي رقم اخر ...لا اجذب عليج احس ابشعور ثاني من امس ليس لي رغبه في الجلوس في البيت غير دقايق وخرج منه وشي غريب يسحبني الى البر وتم اقرالمعوذات ورجع البيت هذا اشي الي اتغير عليه من امس......

[وعد]

بسم الله الرحمن الرحيم
المووضوع وصل لانها تسوي لك عمل سترك يارب
اخوي المرعب اظن هالبنت تعرفك او احد دزها عليك
مو معقوله تتعلق فيك لهذي الدرجه بس من خلال مسجات ومكالمات

[صدى جوفي]

ما عليك يا المرعب..

ها بس وسواس .. لا غير

عيش حياتك عاااادي.. وطنش الســـــالفة والسحر

واقرى آية الكرسي الصبح والمســــا بعد

وبيكون لك حرز من الشيطــــــان,,,

والسلام..