_-_مواقف فالجامعات والمدارس والكليات_-_

[ريم العين]

السلام عليكم والرحمه

هذا الموضوع يتكلم عن المواقف اللي تستويلكم فالمدرسه او الجامعات او الكليات

يعني كلكم قولو مواقف مضحكه

يعني تمصخرتو على الابله ولا الاستاذ

وضربكم وجي


يعني سوالف مضحه

نبدا

انا اليوم ما استوالي موقف لاني غايبه هههههههه

[الهيثــم]

وعليكم السلام والرحمة . .

؛
ريم العين
؛


ما شاء الله . . موضوع حلـو ..
وإن شاء الله اتحصليين تفاعل من الأعضاء

وأنا مريت بموااقف كثيرة .. لا تعد ولا تحصى
ومب متفيــج اذكرهن ...

بس ان شاء الله بحطهن فـ يوم من الأيام . .

وأقوى موقف مريت فيه يوم اتضاربت ويا الأخصائي ...

؛
؛

[راعي الزعـامه]

مرة المس كانت تبا تيلس عالكرسي جان يتحرك الكرسي واطيح عالارض

[أمواج]

وعليـــكم الســلاام و الرحمــه
موضووعج حلو

امممم مواقف وايد تستوي
يالفضيحه

في الجامعه اممم ماتستوي موااقف وايد
يعني
احضر كلاساات بالغلط ومن هالقبيل يعني هالموااقف عاديه
بس في المدرسه
لووووووول عجب العجاااب

ان شاء الله بقولج اياها يوم بفضى

لي عوده اوكي .

[ريم العين]

خطاب ...نتريا المواقف الكشخه*-*

عاشق القلم.....الموقف الصراحه روعه بالفصل الاول استوا تقريبا نفس الشي

الغير انه الابله وزعت علينا اوراق صغار امتحان من خمس درجاتوراحت ورا

يلست عالطاوله هههههههههههه والطاوله كانت مكسوره بس بنات الصف معدلينها

وطاحت ههههههههههه مت من الضحك دقت ضهرها وتعورت وتقريبا كل بنات الصف غشو هههه

المتفيرزه عالعرقوب...بانتضار المواقف الحلوه



انا اليوم استوالي موقف الثلاثه اللي طافت نقلوني من الصف عسب المشاغبه وارد عالابلات وجي ههههههههه

اليوم بتتوسط انا ابله الدين فديتها انا جان تتحرطم وحاولت وياها بعدين توسطت لي

بس الاداره مصدومين فيني يتوقعون وحده غيري مب انا تقول انتي المؤدبه والاخلاق تسوين جي

وانا ابتسم كنت مستحيه واحتشوري وبعدين قبل لا اظهر جفت لوعت الجبد ابله جغرافيا

جان تقول لو سويتي شي مره ثانيه بنردج كله منها اكرههااااااااااا

ادري تعبير هههههههههههه بعدين شليت شنطتي ورديت صفي والبنات مستانسات

زين افتكيت من العربي ما حليت الواجب ههههههههه

ادري بتقولو تعبير ههههه

[الثعلب الرمادي]

لما كنت في الابتدائية ...

كنت في الصف الخامس و ضربت ولد صغير قبل ما ينزل من الباص و المشكلة ان الضربة كانت خفيفة و ما صاح و لا استوا به شي و كان اليوم اللي بعده يوم الخميس و شباب الاعدادية يداومون اربع حصص و يطلعون فياب لي اخوانه و ربعه اللي في الاعدادية و كانوا وحوش مرعبة و صارت بيني و بينهم ضرابة كبيرة في الباص انتهت بضربي صح :)

هذا موقف سيء سووه الشباب اللي في الباص و كانوا طبعا أطفال في الابتدائية المهم واحد منهم كانت معاه غرشة مسافي مياه معدنية صغيرة فاضية :) و كانوا في آخر الباص عشر شباب و تموا يتفلون فيها و يتفلون فيه لين ما تعبت كاملة بالقذارة و العصارة المعوية و بعدين الباص كان يمشي ففرغوا محتويات الغرشة بالكامل على سيارة واحد زلمة تصادف إن كان يمشي بسيارته حذال الباص و بعدين لحق الباص لين المنطقة اللي بننزل فيها و وقف عند الباب و تم يسأل كل احد من اللي سووا هالحركة فيرد عليه الطفل الصغير والله مادري :)

[دمعة شوق]

اممممم جـان ألا بـقـولكم مواقـفـيه في المـدرسـة
عـز الله قـمااري اليـوم

،.،

بـقـولكـم أحـدث موقـفـ أسـتوا من كمـن يـوم ،،،
أولـت مبـارحـة كـان عليـنا اجتمــاع ( لـوعـة الجـبـد ) وهالمعلمه فيها انفصام شخصـيـه ( ماابا استغيبهـا ) ،، الموووهيم وكانت الحصة السابعـة ،،، وكان الـجـو طاااااااقع حده
فـقـلنـا خـلا الـيوم ببـلاش الجو طاقع ،،،
وربيه يسـلمكم الحـل كـان الشـرده ،، بس عقب مردنـا للصف عقب الحواطـه
ردينا ودشيـنا جان تقولـنا وبـكل صـراحــه

أخـرجججـوووا بـراا


هنيــه نحن طاااخ بالباب ،،، قعدنا نسولف عدال الصـف ،،، جان تشـوفـنـا الصـقيـوو الوكيـلة من فـووق ،، وأنا كنت مبـيـنـه وتعرفنيه الحبيبه وتزقرنيـه دمعوووووه ،،، ماعـرفت شو اسوي غير الدسـه ،،،
وانخشينا عنـها ،،، وهـي تشـوفـنـا ،، ونحن على بالنـا ما ننشـاف ،، جـان يـظـهـرلـنا الـوحش من جـدامــنـ ـــــا ،،
،.،
هـني نـحن قـلـنـا

بـس صـدق فشـله تـزقـرنيـه كمـن مـره وأنا لا حـياة لمن تنـادي ،، على بـالي مـا أنـشاف


،.،

وواايد مـواقــف
يـوم بـذكـر بـيي وبـحـطـهـا ألـكم

،.،

يـامــرحــبــــانـــي

[ريم العين]

الثعلب الرمادي تكسر الخاطر بالموقف الاول والله لو مكان بصييييح لين ما اشبع

والموقف الثاني يلوووووع بالجبد ما حصلو غير التفال يععع حرام عليهم يسوون جي
تسلم اخوي عالرد والموقف الحلو والحزينه ههههه ونتريا مواقف يديده

دمعة الشوق ...هههههههههههه حليلكم موقف حلو يالله نتريا المواقف الاحلى وتسلمين عالمرور والرد

احين بقول موقف استوالي ههههه
كانت ابله العربي ماخذتنا حصتين وكان الجو حلو وتبا تجمعنا ويا صف ثاني يعني استوت 3 حصص
بنتحر انا يلسنا نحاول فيها ماشي فايده شلينا كراسينا ورحنا للصف الثاني ووقفنا عند الباب برع وهي تقول يلا ادخلوا وهني انا وربيعتي استهبلنا عليها ونحسسها بالكره وجي جان تقول روحوا ما باكم ودخلت وسكر الباب فويهي هههههههه ففتحنا الباب حليلنا كافي المشاكل اللي عندنا وراحت لبنت فصف اللي حذابلنا قالت لها هاييل يوم تيييلكم الابله قوليلها انهم مطرودين ودخلوهم وياكم ونحن ما نبا ندخل ويلسنا نحاول ويا الابلهوعصبت وصارخت علينا ورحنا للبنت قلتنالها لاتخبرين الابله شي والحمدلله البنت وافقت وهي بعد ربيعتنا فرحنا صفا ويلسنا نلعب فاتحين الدرايش ونسولف انا وربيعتي زدق الجرس رحنا لابله العربي نغصص فيها وقلنالها ابله نحن ما دخلنا ويا الصف الثاني وقهرناها وقالت مسموحين واستانسنا بس في بهالموقف شي انهر منه ما قلته ايدي عورتني واستموا تعبير ههههههههههههه

في انتضار المشاركات

[هزاايم]

أحلى حااجه رااح ناخذها من المدرسه>>بعد العلم..اشك بالأمر..الذكرى الطيبه والسوالف والغشمره


الله يسلمج حنا من أول مادخلنا علمي والإداره تحن وتزن فوق رووسناا حولوا ادبي ماراح تتوالموون
وهذا موقف عمريه ماانسااه دومنا بالإثنين قبل إجازة الوطني وأول مره مااغفي بحضة الكيميا

الله يسلمكم داومنا يوم الإثنين عسب نستعبط شوي ولأن عيال العلمي الله يطول بعمارهم ناويين يراوونهم البلاوي....
طبعا الكل متحمس إن يغربل المدرساات ليش يخلونا ندااوم فبدينا يومنا بأول حصة كيميا>>إلي يبغي ينام يقرب هذي الحصه<<<تأخرت المدرسه لين ماتحضر تقريبا ربع ساعه وحنا مش مصدقين والبنات يقولون بلاها ماتطلع من الغرفه الثانيه تصلي استخاره وش تعطينا اليوم وفجأه تظهر لنا وتقول نحول للمختبر عااد الكل شق الويه يعني ماشي درااسه
دخلنا ودخلت معانا وتعطي توصيات يمعووا المقالم كل وحده بس يكون معاها قلم رصاص ولي تشخبط راح تمسح بيدها ولي معاها حبر مدري وش بنسوي فيها وإلخ .......خلصات كلامها نحن سطلنا قرت الأسامي عسب حركة فرق تسد المشكله طلعت أنا في مجموعه الله يهديهم كلهم هاديات يعني الله هادنهم >>>يعني خلاص انا بنخمد ....ووزعت علينا قشاار التجربه >>>تجربة الأدله<<<وشتغلوا البنات و انا خلاص عيوني تتبند إلا انقز ذيج النقزه اصد عسب ألقى الدفشه إلي فلعتني بالمساااحه تقولي شوفي شو يذكرج هذا توريني الأنبوبه قلت امممممممممم مااروم اتذكر تقولي دبه حجي راسج وتذكري أقولها إنتي حجي راسج وخلني اكمل رقادي قصد انتباهي للبنات ترى خلوني زعيمتهم قصدي رئيستهم مش شرات نااس تقولي روحي شكلج مسطله سمعي أشوفها تش قلمها وقاصده تضرب الأنبوبه إلي بأول دقه من القلم انكسرت الأنبوبه ومن صدمتها فرت هي باقي الأنبوبه إلي بيدها يعني الأنبوبه راحت ونحن رحنا فيها تصد علي إن شاء الله لين ألحين مافهمتي وبلشتيني قلت إيييييييييييييه دعاية تانك تقولي الله بالخير انا الله بالنور والسرور وتقولي رحنا فيها أقول ليش رحنا قولي رحت فيها وتعقد حياتها ومدرسه دخلت علينا عسب تشوف النتايج ويوم وصلت عندهم بنت من مجموعتهم خبرتها هوأصلا كذى لاكذى نحن بنقول يعني مش خايفين بس عسب نتأخر على حصه إلي عقبها لووولز تفكير منطقي فديتنا والمدرسه تقول إلي كان سبب ينظف ويوم بيدق الجسر تبقى بالمختبر عسب توقع وخرابيط ربيعتي تناديني وانا محطيه راسي على الطاوله أقولكم ماخلت قلم إلي فلعتني به شافت ماشي فايده جاات صوبي ومطتني من شعري يا الله قومي ننظف قلت ليش قالت ترى كل منج يادبه بغيت اصييحج من رقادج وبتلشت وإنتي بعدج مسطله قلت صح حليل حالها نظفت وياها ويوم دق الجسر تميت معاها عسب ادخل عمري بسالفه ونتحاسب ويا بعض جااتنا امين المختبر>>>ربيعتنا<<<سلمت وسولفت وقالت ليش إنتوا تامين هنا قلنا لها إن كسرنا إنبوبه وشكلكم تبغون تحبسون شو هالزط إلي فيكم عسب انبوبه شي عيل اخبرج يوم كنت أول ثانوي كسرت كااس بوخشم >>يعني دورق على مااظن<< وماسويتوا لي شي ألحين عالإنبوبه بتحبسونا إلا تقولي في ذكيه بالعالم تفضح عمرها قلت احم قلتي ذكيه بعد قالت عيل ادفعي إنتي جيمه الدورق وإنتي جيمه الكاس وخذوا هالأوراق عسب نعرف وش كسرتوا ونحطي صوركم بالمختبر إن إنتوا مصدر ضرر على المجتمع العلمي ..اطالع ربيعتي اقولها نضحك ألحين ولا نضحك تقولي تصدقين مدرستنا وااايد حركات مش قدها يسوونها أقولها من صجج والأمينه تتطالعنا وتقول يا الله شلوا قشاركم وروحوا ولا تاخذون الأوراق ولاتدفعون ونحن: لا نبغي ندفع شو ها عيل كل يوم كاسرين لكم شي تقول فكوني واطلعوا قلنا لا حرام وكذى شلينا الأوراق وهي تبغي تمط منا ونحن نمشي إلا نسمعها تقول كاسرين شي ثاني بعد وساكتين>>>طلعن بنات صفنا مش هيناات يكسرون ويسكتون<<< عااد شغلنا التوربو ولحقنا على حصة الرياضيات


وخخخخخخخخخخ واايد كتبت بس نااقص احطي الصور
تسمين يالشيخه
خلاص سجليني من مشاركين ومتواجدين

[جنون امرأة]

اذكر مره دخلت عند الدكتور عسب يوقع الورقه كان يرمس فالتيلفون و يحاول يقنع (طالب غبي) اعتقد اسمه طلال ..

و كل دقيقتين يرد يقوله يا طلال ما ينفعشي يا طلال

و انا اتريا بس التوقيع و مسوي لي اكبر طاف ..

جان اعصب و احط الورقه ف ويهه .. قلت له : بـــــــــــــــس توقيييييع

جان يعصـــــــــــــــــــــــــــــــب وهزأني جدام ربيعاتي و صدق احترق ويهي


و طبعا الحين كل ما اشوفه اتذكر ذاك اليوم

[الجامعيه11]

بقول لكم موقف صار لي ف الجامعه ..

بدايه السمستر انا ما كنت مداومه لاني ما كنت مسجله غير مساق واحد قلت ليش اروح الجامعه وانا مب مسجله وبعدين تسجلينا بكون ف ثاني الويك اند يعني بكون فالبيت .. المهم انا ما رحت .. ووااايد بنات ما راحوا لانهن مب مسجلات شراتي ... بس البنات سوا راحوا الارشاد واحتشروا وجيه وفتحوا التسجيل .. وانا بعدي فالبيت ..
المهم انا ف البيت سجلت وعاادي ماهمني شي لانهم ما بسجلون الغيابات فاول اسبوع ... وسجلت مساقات وانه انا مستانسه وجيه .. ورحت اداوم وما حفظت مكان الكلاس وما اعرف جم رقمه .. المهم انا حفظت مكان كلاس واحد بس ماعرف اذا هالكلاس عندي اليوم والا اليوم اللي بعده .. ويحليلي انا يالسه فالكلاس واداوم .. وداومت اسبوعين .. تتخيلوون ؟؟ انا اشوف الدكتور يشرح وجيه والمواضيع غير عن اللي سمعت البنات يرمسن عنه .. لا وبعد سويت برزنتيشن وجيه وتعبت .. تتخيلوون .. وسمعت الدكتور يقول الاسبوع الياي كويز .. انا استغربت .. قالولي ماشي امتحانات ف هالمساق .. المصيبه ان وحده وياي ف المبنى ف نفس المساق .. وما سألتها .. بس ف ثالث اسبوع دخلت الكلاس وقلت لوحده هذا كلاس شو ؟؟ قالت لي كلاس مدخل لغات .. انا انصدمت .. انا مب مسجله هالمساق اصلا ... المهم ماعرفت شو اسوي .. روحت السكن وشفت الجدول .. طلع الكلاس اللي المفروض اخذه مقابل الكلاس اللي كنت اداومه بالغلط ...

وجااااان اضحك على عمري ...

ادري اني طولت عليكم واايد ...

والسمووحه

[قمره]

لووووووووووول مواقف حلوووه

الي اذكره ... اني مره رقدت في الكلاس لابعد القهر قاعده جداام الدكتوور

[فطمطم]

عندنا دكتور في الجامعة واايد يحط علي!

كل مرة يهزئني و يهددني انه بيطدرني برع. في يوم من الأيام دخل علينا الكلاس جان يشوفني على الطاولة اللي جدام و كنت أسولف مع ربيعتي. ابتسم و قال "Sorry, I don't want you in my class today, go bye"


جان أنا أقوله "ليش انا اليوم ما سويت شي غلط، انت ليش وايد حاط علي اليوم انا لو شو يصير ما بطلع برع الكلاس، لو تذبحني ما بطلع!

جان يعصب و يقولي " انتي ليش ما تسمعين الكلام؟ أنا من زمان مهددنج انه في كلاس لازم تنطردين منه"

جان أقوله "يعني إذا أنا طلعت الكلاس بيصير هادي صح؟"

جان يقولي "yes !"

جان أنا أضحك و فتحت الباب عشان أطلع لكن الشيطان قالي عشان أعاند جان أصد صوب الدكتور و أقوله "ما ابغي أطلع عشان ملل برع و ربيعاتي عندهم كلاسات يعني إذا أنا طلعت وين بروح؟


جان يقولي "اطلعي و لا تخليني أعصب، أطلعي!

عاد أنا ذيج الساعة خفت و شليت عمري و طلعت، بس أقولكم شي بصراحة، لما الأستاذ طردني صحت صياح لدرجة انه كان عندي كلاسين ما قدرت احضرهم من القهر!!!!


و اللي يضحك انه الأستاذ عقب ساعتين شافني و ضحك و قالي "sorry for kicking you our of the class, we had to watch a movie and I was sure that you would make noise if you watched the movie with us, you are a talkactive girl"


و أنا ويهي صار أحمر و افتشلت، يعني كل هالمغامرة و آخر شي يطلع طاردني عشان هم بسلامتهم يشوفون الفلم و أنا يعتبروني مصدر إزعاج لأني وايد أتلكم!


هههههههههههههههههههههه



حلوة السالفة؟

[فطمطم]

أنا أول ما دخلت الجامعة تقريبا في أول اسوبعين كنت تكرمون أبغي أروح الحمام. و كنت مستعيلة لأنه كان عندي كلاس. المهم رحت و دخلت الحمام و أنا طالعة من الحمام انتبهت انه في نوته على الباب مكتوب عليها "Male Toilet"

جان ألقط ويهي و أركض بس الحمد لله أنه الحمام كان فاضي. بس تعرفون، أنا لما طلعت من الحمام و مشيت شوي انتبهت انه واحد دكتور كان في طريجه للحمام و دخله!


يعني زين ما دخل و أنا موجودة في الحمام!!!!!!!!!


ياي فشييييييييييييلة وااااايد بس شنسوي، هذه هي الحياة يوم لك و يوم عليك.

[دلع امونتي]

هالسنه فيوم من الايام دق جرس الفرصة
طلعت من الصف اشوف ابلة الجغرافيا من فوق تزقرني
وانا احب اعاند بهالابلة عسب اسمع حشرتها خخخ
رحت لها اشوفها شوتبا جان تقولي ازقر البنت اللي فالصف اللي جدامنها
هي فرصه اعاند فيها وجان اقولها انا مب مفيجة ازقرها وشردت عنها خخخخخخ
وبحصتها اسميها عصبت علية ..
وعندي وايد موافق ويا هالابلة وغيرها بكتبها فالمرات الياية