ماذا تعلمت من الحياة ................

[دانة حتا]

انا اللي تعلمته ان الدنيا ما تسوى اللي نسويه عشانها

افضل اني ما اعيش على اني اعيش وارتكب معاصي

[أمواج]

اممم تعلمت من هالحيااه
اني ما احكم على الشخص من اول ما اشووفه
او ما احكم عليه من مظهره الخاارجي

لان ساعات المظهر الخارجي يكون عكس الباااطن

فأحكم على الشخص من خلااص تعامله واسلووبه
مب من شكله

[الـيـاه]

سلااام

صعب !!
اني اختصر حياتي بكم كلمة وأوجز فيهن كل اللي تعلمته منها

وصدق في هالفتره الاخيره وايد اشيا غيرتها فـ نفسي
من عقب ماعشت لحظات الله لا يردها عليـّـه .. بس الحمدالله اني تعلمت منها وايد اشيا


سبحان الله ؟
فـ دراستنا نتعلم الدروس عسب نقدر نواجه الإمتحانات ونحل زين
بس فـ الحياه المشكله إنا نواجه الإمتحانات وعقبها نتعلم الدروس

احس المواقف هي اللي علمتني

تعلمت ان الواحد يوم يكون مثقف أو متعلم مايعتبر قوي في هالعصر شرات مايقولون
بس تطبيق هالعلم والثقافة بشكل صح هو القوة

تعلمت اني ما اخذ كلام الناس أو بالتحديد ( الحساد و اللي شاطرين بس يهاجمونك ) بشكل جدي
هالشي وايد خرب عليـّه ؟ وشرات مايقولون عرفت أن
" الشجرة المثمرة هي اللي يهاجمها الناس "

تعلمت اني اقدم للناس حتى اللي ما اعرفهم ولو ابسط الاشيا وهي الإبتسامة
صح انها شي بسيط .. بس صدقوني تعني الكثييير لغيرك

وأهم شي أهم شي فـ الحياه
الوقت + الصبر
لازم نداري على هالشيئين عسب نتعلم أكثر


شكلي وايد ارمس واهذرب
سمحيلي حبوبــه ومشكوره على هالموضوع الحلوو

لماح : حبيت ردك والقصيدة خاصـة

.
.
.

[وعد]

لمّــاح دانة حتا المتفيزره عالعرقووب الـيـاه

كلامك حكم


الياه بالعكس يا البي ما تهذرين وايد

[بنوته صغيرونه]

لا تركـن الى الدنـيا ومـا فـيـهـا . . . فالمـوت لا شـك يفـنينـا ويـفنيـها

ولدتك أمك يابن آدم باكيـا و الناس حولك يضحكون سرورا .. فاجهد بنفسك ان تكون اذا بكوا يوم موتك ضاحكا مسرورا ..

تعلمت ان لا أبكي ولا أحزن على الفراق لانه هذه الدنيا هي دار فراق مهما طال بنا الأمد

تعلمـت أن لا أشكي ولا أبكي ولا أظهر حزني إلا أمام الله لأنه لا يوجد شخص سيخفف عنك اكثر منه - سبحانه و تعالى -

" إنما الحياة الدنيا لعب و لهو "

اتعلمت أشياء كثيره لو بعدهم مابخلص