آخـــر الــمــواضــيــع

صفحة 1 من 2 12 الأخيرةالأخيرة
النتائج 1 إلى 15 من 18

الموضوع: ذنـيـنـي و القرص و كيفيه تحضيره

  1. #1
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    ذنـيـنـي و القرص و كيفيه تحضيره

    السلام عليكم

    هذا اول موضوع لي في واحة التراث

    و بعلمكم فيه كيف تسوون اكله اماراتيه كانوا الرياييل يسوونها يوم يكونون مسافرين

    القرص

    القرص مكون من

    طحين و ماي و شوي ملح

    نحط الطحين و الملح و نحط فوقهم شوي ماي
    و نسوي عجينه, طبعا نضيف ماي الين ما نحس انه العجينه استوت متماسكه

    يوم بتستوي العجينه نسويها على شكل قرص دائري و نحطه على الجمر
    و الجمر يفضل انه يكون من الحطب هب من الفحم,,
    لأنه الفحم ريحته مب طيبه

    نخليه لمده خمس دقايق تقريبا على الضو و طبعا بيكون شوي محترق

    يوم بنطلعه لازم ندق القرص على شي يابس عسب يطيح منه الرمل و الرماد و الشوائب الي عالقه فيه

    عقب ما ينظف القرص من الرماد و الشوائب الي عليه ممكن انه ناكله خالي,, او مع السكر

    او ممكن انكم تتبعون الطريقه الي علمتنا اياها يدوه قبل ما نسير الرحلة
    و انا اشوفها الطريقه الافضل

    طبعا الريال الي قلناله يحط القرص على الضو غلط و حطه بالقصدير الي عليه,, كان المفروض انه يكون بدون قصدير


    و عقب حطينا الجمر فوق القرص



    و عقب طلعناه و نظفناه عن القصدير الي لصق عليه و ارد اكرر عليكم حطوا العجينه مثل ما هي فوق الجمر,, و عقب انفظوها,, مب تحطونها في قصدير مثل سوا صاحبنا

    الحين بقولكم عن الاشياء الي لازم تكون موجوده,, على قولتكم المقادير

    1- تمر
    2- سمن ذوابه, الي هو سمن البدو
    3 القرص الي سويناه

    لازم يكون عندكم منحاس عسب تحطون فيه المقادير و ادقونها عسب تنخلط عدل


    نطلع الطعامه من التمره و عقب نحطها فوق القرص في المنحاس,, و نحط فوقهم شوي سمن

    طبعا القرص لازم تقصصونه الى قطع صغيره عسب ترومون تحطونه في المنحاس



    و ندقه و ندقه و ندقه الين ما ينخلط عدل







    في النهايه جي بيكون شكله,, و طعمه قريب من طعم البثيث


    جربوه يوم بتسيرون البر,, و ان شاء الله بيعيبكم


    جميع الحقوق محفوظه لأخوكم
    ذنيني @ واحات بن دبي

    و الي يبغي ينقل الموضوع يرجى منه ذكر المصدر
    التعديل الأخير تم بواسطة ذنـيـنـي ; 03-02-06 || الساعة 09:14 PM سبب آخر: نسيت الصورة الاخيره

  2. #2
    عضوية الدكتوراه الصورة الرمزية أمواج
    تاريخ التسجيل
    Sep 2004
    المشاركات
    3,087
    قوة التمثيل
    392

    رد: ذنـيـنـي و القرص و كيفيه تحضيره


    ياســــــلام عليك يا راعي القرص
    طلعتوا مب هينين بعد ..
    يالله بعد جان خليت شي من القرص لأعضااء الواحات
    ..
    بس ماتحس انه القرص اللي على اليمر طعمه غير عن اللي انسويه في البيت .؟؟
    يعني له لذه >>>عيوزي اتقوول جيه لوول

    قرص البدو هذا >> وافديت البدو
    يسلمو راعي القرص على هالصور
    ومره ثانيه اعمل حســابي وياكم
    عيبني كلامك عن سمن البدو .. بطعمك سمن عيووزي يمدحوونه والله
    .
    .
    هنــا
    [ مفتــرق ]
    الطريــقــ .. !!
    .
    .
    شكــرا ً

  3. #3
    مـراقـب
    مـراقـبـة واحـة الخواطر
    الصورة الرمزية مــهــابه
    تاريخ التسجيل
    Apr 2003
    المشاركات
    11,014
    قوة التمثيل
    807

    رد: ذنـيـنـي و القرص و كيفيه تحضيره

    يـاســلام
    اليـوم انـا مـاكلـه قرص مـن ايد الوالـده الله يحفظهــا..

    ذنيـني ظـهرت مـب هين بـعد..

    ثـانكس ع الموضوع الحــلو..

    تحيــاتي لكـ

    هـموم






    مؤمنه بّ / آن اللہَ سيمنحني أجمل مَمآ آريد ♥'



  4. #4
    بروفيسور متميز الصورة الرمزية الدلووووعة
    تاريخ التسجيل
    Mar 2004
    المشاركات
    4,230
    قوة التمثيل
    455

    رد: ذنـيـنـي و القرص و كيفيه تحضيره

    تسلم اخويه عالموضوع الفنتك

    ونرقب يديدك

    وطبعا سمن البدو مالنا غنا عنه ( الوالده نص اكلها منه ^_^)

  5. #5
    عضوية الماجستير الصورة الرمزية فركوشه
    تاريخ التسجيل
    Oct 2003
    المشاركات
    2,263
    قوة التمثيل
    363

    رد: ذنـيـنـي و القرص و كيفيه تحضيره

    وعليكم السلام ..

    انا كنت اتحرا تعلمنا كيف نقرص الاوادم..

    وانت حليلك اتعلمنا كيف نسوي خبز يمر (القرص)..

    انا ما يعيبني بس شكله فالصوره لذيذ..واحس انكم واايد تهرسونه..

  6. #6
    عضو فعال الصورة الرمزية حركات
    تاريخ التسجيل
    May 2004
    المشاركات
    334
    قوة التمثيل
    258

    رد: ذنـيـنـي و القرص و كيفيه تحضيره

    نحن انسميه قرص مبثوث وانسويه ويا الشكر (السكر)

  7. #7
    عضو موقوف الصورة الرمزية أحلى منصوري
    تاريخ التسجيل
    Aug 2003
    المشاركات
    4,055
    قوة التمثيل
    0

    رد: ذنـيـنـي و القرص و كيفيه تحضيره

    وعليـــك الســـــلاام والرحمـــة يالنعيــمـــي ,,,

    نورت التراثيــة بك وبموضووعــك ويعلنـى ما خلينــا منـــك ومن ( مواضيــعــك ) ,,

    البــر يا خوووك ما ينراااح بالظهــر .,, يمدحونــه الليــــل ’’

    صــار لنــا فتــرة نظهــر البــر صوب الذيــــد ومرات انبيـّـــت بس الشـبــاب الله يهديهــم ما اييبون معاهم عدة القــرص

    وبزيــدك معلومــــة .. شي ناس اتحط القرص في المنحاس وبعد ما يكسرونه يحطون عليــه العســل مع حليــب البوووش جرّب وما بتندمـــع :vampire:

    وشرات ما قلت لازم انحط العينــه على طول على اليمـــر

    موفــق ونرقب أكلاتــك اليـايــه

    لا تتحيـّــر علينـــا

    أخــوك
    المنصــوري

  8. #8
    عضو ممتاز الصورة الرمزية صدى جوفي
    تاريخ التسجيل
    May 2005
    المشاركات
    1,172
    قوة التمثيل
    288

    رد: ذنـيـنـي و القرص و كيفيه تحضيره

    أمممم.. عاد احنة نسميييه خبز يمر>> على أساس مسويينه عالجمر

    ولمـــــا ندقه نحط عليه السمن والسكر..

    المرة اليــــاية بنجرب طريقتكــــــم.. شكلها لذيييذة

  9. #9
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    رد: ذنـيـنـي و القرص و كيفيه تحضيره

    يا حي الله من يانا ..
    مرحبا بك اخويه ذنيني .. والله نورت التراثية وغيرك ما شاء الله منورين من عقب غيبه ...
    أحلى منصوري وحركات .. الله يزيدهم ...
    بخبرك شي بس لا تخبر عليه >>>>>>>> تراني ما اعرف اسوي قرص .. الحين بتشتغل اسطوانة اميه .. بس والله اعرف اسوي اشيا ثانية ...

    بس ان شاء الله بنطبق طريقتك في البر .. مع اني من زمان ما سرت .. بس ان شاء الله بنسوي قرص وانا اللي بسويه ...

    مشكور اخويه على تواجدك ولا عدمناه ...
    اسمحولي عالغيبه ..

  10. #10
    عضو فعال الصورة الرمزية مشغووووب
    تاريخ التسجيل
    Jul 2002
    المشاركات
    414
    قوة التمثيل
    285

    رد: ذنـيـنـي و القرص و كيفيه تحضيره

    السلام عليكم ورحمة الله وبركاته


    وعادت أمجاد واحة التراث

    تذكرت أيام الكشته في الجيب الجديم ...



    القرص ألحين تطور ....

    وهذي طريقة عمل القرص المتطور

    أول شئ يسوون القرص في الزيت

    وبعدين ما يدقونه بالمنحاز ( يحطونه في المكينه اللي تقطع الخضروات )

    ويضيفون له قطع التمر و الدهن والسكر البني والهال والناريل ( مبشور جوز الهند ) ..

    والنتيجة قرص متطور ... جربوه طعمه لذيذ بس قرص الضو أحلى



    ذنيني

    تسلم على الموضوع والمعلومات والصور


    والسموحه

  11. #11
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    رد: ذنـيـنـي و القرص و كيفيه تحضيره

    يثبت الموضوع ولي عوده للاستمتاع يما اجاده
    ذنيني في واحة التراث ..
    تدري ذينيني " سلمت هالايادي

  12. #12
    عضو جديد الصورة الرمزية احلى منصوريه
    تاريخ التسجيل
    Jan 2006
    المشاركات
    56
    قوة التمثيل
    224

    رد: ذنـيـنـي و القرص و كيفيه تحضيره

    تسلم يمناك ياذنـيـنـي على الموضوع العجيب

    انا عيبتني طريقة قرص مشغووووب .. بجـربه

  13. #13
    بروفيسور متميز الصورة الرمزية خيال الحب
    تاريخ التسجيل
    Dec 2001
    المشاركات
    6,085
    مزاجي
    Crappy
    قوة التمثيل
    575

    رد: ذنـيـنـي و القرص و كيفيه تحضيره

    ياسلامي عليك...

    كشخه الصراحه..

    عاد ما عزمتنــــــــــــا ^__*

    قبل اسبوعين كنت رايح ويا الشباب البر وكانو الشباب يايبين وياهم
    طعمه لذيذ الصراحه:)

  14. #14
    مـراقــب الصورة الرمزية حبوبه دبي
    تاريخ التسجيل
    Jul 2003
    المشاركات
    2,551
    قوة التمثيل
    379

    رد: ذنـيـنـي و القرص و كيفيه تحضيره

    يــم يـم

    ذنيــني اتحــراك مــاتعــرف شــي !! بــس مـاشالله عليــك

    تسلــم هالايـــادي ،،

    ايـــــــــااااام والله بــس حلاااته فالليـــل ،، شــو مــودنكــم الظهــر !!

    مــاشي قــرص حقــي !!

    نتـــرقب اليديد منكـ فـ هالواحــه


    والسمــوحه

  15. #15
    بروفيسور متميز الصورة الرمزية دمعة شوق
    تاريخ التسجيل
    Feb 2004
    المشاركات
    4,708
    قوة التمثيل
    481

    Talking ييييييييييه يـاحــافـظ على ذنيني


    مــرحبـــــــــــا الســـــــــــاع بـ ذنـيــنـــي
    نــورت الـواحـه
    عنبووه مابغيـت تـحدر عليــنــا في هالـواحـه ..!!


    ،,،
    بصــــــارحــك بــشــي okk
    امممم أنا وحـده لين الحيـنه مب متعشـيـه أوكيه وبـزيـدك بعـدنيه انيه هب متغديـه
    ووأبـااا هـالقــرص >>> مشـكـلـتـك جـنـيت على عمـرك خكخكخ

    ،,،

    لا لا القـرص تـرتـوب صـراحـه بس في وصفـه ثـانيه اللي هـي أنك
    تحـط عــليه عــوال وسمــن طشـونـه ووو
    بـالـعــافــيـة

    ،,،
    المنصـوري الـوصـفـه هـاي
    تــرتــيييييــب

    ،,،

    امممم بـدايــة موفقـة وجميـلة خيـوو
    والسـمـوحـوو
    ,

    قـُلــوْبّ تُـرِيــدْ وَ رَبّ يـشَـآءْ } ~



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كيف أسوي فورمات ؟؟؟
    بواسطة أسير الذكريات في المنتدى واحة الإنترنت و التكنولوجيا
    مشاركات: 1
    آخر مشاركة: 18-06-03 ||, 05:09 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •