جريدة الوطن السعوديـة ( تسخر من الدين ) ؟

[الـيـاه]

صدقك والله العفن ..
الله يلعنهم !!

[ناصر الخالدي]

اختي الياه تحية طيبة وبعد ...........

في البداية شكرًا لحرصكِ على الإسلام وغيرتكِ على المسلمين ولكن............اعلمي ان ما نشر إساءة الى الارهاب ولي للمسلمين هذا من ناحية من ناحية اخرى كان من باب اولى ان لا تنشري هذا الموضوع إلا بعد التحقق والتأكد والإتصال بإدارة التحرير في جريدة الوطن السعودية والتي بها اصدقاء مسلمين لا يقبلون بأي اساءة وكذلك عندما قلتي (( حقارة ونذالة )) انتي مسلمة وعربية وانسانة متعلمة وهذه الفاظ غير مقبولة ثم اعلمي ايتها الاخت العزيزة هذه الجريدة تضم نخبة من افضل الصحفين وفيها اناس مختصين في الدين فعل يعقل ان يسكتوا عن مثل هذه الأمور .............وايضــًا وللأسف الشديد الأخوة الذين شاركوا في الموضوع لم يتأكدوافقط مجرد مشاركة وهذا أمر مؤسف ...............ما نشر من صور يقصد به الارهاب والتطرف والتعصب الديني ........نحتاج الى قليل من الهدوء ويجب على كل واحد منا ان يسأل نفسه ماذا قدم هو للإسلام حتى يطالب الناس...........


ناصر الخالدي

[ألم ترى]

بسم الله الرحمن الرحيم
اخي الكريم
صح نحن لو ماقدمنا للأسلام والمسلمين شيء مش مهم ولكن انى نشوه سمعته فهذا مش مقبول طبعآ هذا من ناحيه وانا اريد اسآل اذا هناك ناس فاهمه بالدين مش الأوجب انها تدعوهم للطاولة بدال ما يالسه تتكلم فيهم وفي مشايخهم ؟! نحن كلنا ضد الأرهاب سواء كان اسلامي ام صليبي لكن ما نتكلم فيهم او نذمهم وانا اقصد الأسلاميين واذا تكلمت فيهم اتكلم ببصيره لا بصور فيها لحيه وهذا شعار المسلم ونحن لا نقبله سواء كان متعصب ام منفتح
ردي هذا مش لأقنعك بشيء انا مقتنع فيه ولكن حبيت اني ارد لا غير
والسموحه عزيزي بو الوليد وربي يحفظك

[تحفه]

إممممم .. تبون تعرفون تفسيري الشخصي : هذا انتقاد للي قاعد يستوي - مش اعلان ارتداد ولا شي - !
هم قصدهم شي ثاني وهو ( اهمية وجود ردة فعل للي قاعد يصير )

وهم يالسين ينغزون السلطات العُـلـيـا مب اكثر ولا أقل

مجرد رأي لا أكثر

والسموحه !

[حزينة الشحوح]

لاحول ولاقوة الا بالله ..

اللهم أر ِهم قدرتك ..

[لمّــاح]

السلام عليكم ..

اخويه نـــاصر الخـــالــدي ..

انا الصور الي حطيتها بنفسي حصلتها في موقع جريدة الوطن، رابط الموقع موجود في ردي، افتحه و تأكد بنفسك و بتشوف انه الموقع الرسمي للجريدة ..
الرسومات نزلت في سنة 2003 ..

ام خدود ..

مافهمت الي قلتيه بالضبط، ممكن توضحين أكثر .. ؟؟

و بخصوص النغزات و الرســمات الي رسمـــوها، اختيه هناك حديث أو آيه عن الرسول ما اذكر شو بالضبط لكن بما معناه انه الي يستهزء بالدين أو سنن من سننه، فله عذاب اليم جدا ..

و لو اتلاحظين، هناك رسمات عن رمـــي الجمرات و رمي الجمرات في فــريضة الحــج ، ليش الاستهزاء .. ؟؟

مادري اذا الي قلته مفهوم ولا لأ، اتمنى انه الفكرة توصل ..

[الـيـاه]

ناصر الخالدي

مرحبا اخويه .. اشكر ردك الجميل
بس حبيت اقولك .. قبل ما انا ارد اتأكد للمره الثانيه .. تفضل موقع الجريدة الخاص
وشوف بعينك .. واخويه لماح حط اللنكات اقرا الموضوع عدل كله وشوف اللنكات ..

ثاني شي
افتخر اني مسلمه وثاني شي اني عربيه .. وادلها الحشمه صدقني
لكن اذا انت تشوف ان هالموضوع بالذات ينسكت عنه فـ هذا شي ثاني ..

وترا نفس الحاله كل العرب والمسلمين لعنوا وحقروا الاجانب اللي سخروا من الرسول
وحتى شي من المشايخ .. مادري اذا جفت البرنامج اللي نحط في قناة الشارجه ؟

واذا بعد اعتبرت ان ألفاظ كل هالناس غير مقبولة في حق الدنماركيين وغيرهم
فـ مادري شو اقول !!

والسموحه منك
وارجع اشكرك على ردك ع الموضوووع

[الـيـاه]

أم خــدود :

معاج ان في كم كاريكاتير عن حكوماتهم ( لكن بعد مشوهين الدين فيها )

لكن شوفي باجي الكاريكااتيرات .. لا يرمسون عن السلطات ولا شي
كلها عن المدنيين والعرب .. دشي لنك الجريدة وشوفي !!

وشرات ما قال اخويه لماح
شدخل فريضة الحج بهالسوالف ..


والسمووحه

.
.
.

[شمه]

لا تعلــــــيق..

بس الله ينصر المسلمين ع اعدائهـــــــم..

[تحفه]

يعني .. . ..

نحن متعودين دايما ان الكريكترات تنقل شي واضح ومفهوم

بس هني الانتقاد ملبسينه

مثل ما نحن نتشمي في الحر ونتغشمر ونقول يالله سلام .. ثلج ثلج .. متيمده من البرد .. هاذيلا قاعدين ينتقدون الافعال و يترجمون نظرة الناس للعرب المسلمين بهالطريقه

--

عموما .. هذا الرسّام يدور الحريه في زمن الحريّـه !

يعني لازم يكون لنا الحق نمارس عقيدتنا وشعايرنا من دون اي حد يقلل منّـا و يطنز ويهين دينّـا

ورسوماته بهالطريقه تفسيرها إنّـه يقول ( السلام عليكم يا حلوين .. شعائرنا و عاداتنا صارت تّعتبر ضمن نطاق المّمارسات الإرهابيه .. لين متا ناوين تسكتون -يعني الوضع صار ماصخ وايد ووصل لمرحله مب هينه يله تحركو نفس الناس والاوادم وردولنا الاعتبار )

هذا والـــله أعلم

انا اول ما شفته جي ترجمته .. مادري عاد شو بنية الريّال

[ولد الشحوح]

لا حول ولا قوة الا بالله .... الصمت احيانا افضل من الكلام ...... الياه اشكرج عالتنبيه

[إسهر معي ليله]

الله لا يوفقهم ،، ويخسفهم

سواء كان مسلم او كافر يستهزء بالإسلام

والقهر يوم مسلم يعتبر ناس من امته ارهابيين،، الله المستعان

[لمّــاح]

ام خدود فهمت ..

كلامج صح، و كلامي حتى صح لأنه ولا واحد منا قال شي و هو متيقن منه، كلها افكار و تخمين هل هالرسمة تعني هالشي ولا هالشي و كل واحد يرمس من وجهة نضره الخاصة ..

و برأيي الخاص، انسان مثل هالرسام قبل ما يرسم و ينزل الصورة المفروض يحط بعين الاعتبار ان الي بيشوفون الرسمة مب كلهم نفس تفكيره، هناك الجاهل و المتحضر، الأمّـي و المتعلم، الكبير و الصغير، و حتى لو كان انسان كامل بهالثلاث اشيا يتم مستوى تفكيرة و طريقة تحليله للأشيا غير عن باجي الناس ف بتختلف التحليلات ..
و انا اشوف انهم كذا مره كررو هالنوع من الرسومات، مادري، هل نسو أو تناسو ان بفعلتهم هاذي ممكن يشوهون صورة الاسلام، حتى لو كان هدفهم نبيل ..!

[تحفه]

لمّـا الواحد يسوي عمل فني (رسمه او whatever) .. ما يرسم للناس كثر ما يرسم لنفسه ! - وهالشيء يصير يوم هو deeply متاثر

[الـيـاه]

اوكي يتأثر ما يتأثر مشكلته هو ..
بس مب ينشرها فـ جريدة نفس هاي ويرمس عن الشعب عامـة ..

بغض النظر ان كانت يقصد هالشي والا

بس شرات ما قالوا كل واحد بيشوفها بمنظور ثاني .. فـ مايستوي مول ينشر مثل هالاشيا
ويشوه سمعة المسلمين والعرب خاصة ..

ولانه شي مب عادي

عسب جي شي من المحلات في السعودية قاطعت هالجريدة وماقامت تبيعها
بس تمت الصور تنشر ..


.
.
.