نـداء لأهــل الشارقــة الكــراااام ,,

[أحلى منصوري]

السلام عليكم ورحمـة الله وبركــــاتــه

يا أهل الشارقــة الكراااام .. صار ليه حول الـ 3 سنوات في هالإمــارة ,, تقريــبــاً كل المطاعم اللي حوالينـــا وقريبـة من الجامعــة كلنــا منهــــا

ابغــى اعرف اسامــي مطاعم في الشارقــــة .. سواء كانت قريبة من الجامعــة أو بعيـــدة ,, بس فتح خطهــا يبــدأ بـ 06 هب اتودوني دبــي

ارقبكم

ولو سمحتوا مع موقع المطعم
..

والسموحه

أخــوكم

[الدلووووعة]

ماعرف والله لني انا اصلا هب من اهل الشارجة ( بس ماعرف ليش رزيت الفيس )
يمكن يعطونك رقم يبدأ06 بس يظهر مال عيمان ولا ام القيوين شو بتسيو به ^_^

ان شاءالله يفيدونك


بس اقولك ليش المطاعم دام انت موجود سير سو طبخة محترمة وحط الصور هني من زامان ماشفنا طبخاتك ^_^

[مــهــابه]

انـت قـلت اسمـاء مب ارقـام

عـندكـ فطايـر الخليج( للفطاير والبـيتزا) عجييب، مطـعم المشـوار ، انـا ماحبه وايد بس يقوولون انه زييين هـذا اللـي اتذكـره

تبـا غيـرهم حـاضـرين

[أحلى منصوري]

يمكن يعطونك رقم يبدأ06 بس يظهر مال عيمان ولا ام القيوين شو بتسيو به ^_^

SIZE]

هالبنت ذكيـــة :ghostface

يطولي بعمرج ماشي وقت للطبيخ

شكرا اختاااااااااااه على المرور

..[/CENTER]

[دمعة شوق]

وعليــــــــكم الســـلام والــرحمـــه



عــــــاده في الشــارجـه..!!

لو قـلت في العيـن بنــقـول ,,،،

،,،

المــوهيــــــم

اممم عــنــدك
أطيـب طــازج في شارع الملك فيصـل
مكان نظيف وأكلـه ترتووب

،,،

ووعنــدك مطعم حاتم العراقي
في صـحـاري

أكلــه فــن

،,،

ووووعندك مطعم الشـلال في شارع الوحـدة
يمدحـونـه
،,،

ووبعـد مطعم الايـراني في شارع الميـنـاء

،.،

ووووآخـر شي أعرفـه مطعم كوكتـيل اممم عدال حديقة بوشغارة


،,،

وهــذا اللي أعرفهن وعـاد خـل هـل الشـارجه يدالـوك
وإن شاءالله يعيـبـنك
وتسـد بـهن يــوعــك


،,،

اللـه حيــبـه

[شمه]

انا بقولك وانت طالع من الجامـــــعه.. سير سيده من صوب معسكر الفلاح.. مب اللي مجابل المطار الجهه الثانيــــه...

وتم ساير سيده بتشوف كافتريات تحت البنايات اظن طلبتوا منهم..انزين سير سيده..
بتشوف مطعم كل و اشرب.. اظن طلبتوا منه ,, واكيد اكله بايخ..

ما عليه بعد سير سيده ...
بتشوف مطعم حضرموت.. اظن مب مقصرين كل يوم مندي..

بعد سير سيـــــــده.. بتشوف المطاعم.. شنغهاي و سمكمك.. قوس قزح.. و وايد مطاعم انت اختار..
لو ما عيبك .. سير دوار الساعه بتشوف مطعم شيراز اكله حلو..

ولا سير صوب شارع البحيره.. ورا السينما .. مطعم بر و بحــــــــر..

شو تبى بعد.. ؟!!

اي مطعم .. نحن في الخدمـــــه...

بس سؤال يا المنصوري.. وين المطاعم الزينــــه في بوظبي.. لا اتوديني شارع حمدان ولا الكورنيش.. ابا اماكن ما فيها زحمـــــــه..

[أحلى منصوري]

همــــوم الحـــب ’’

فطايــر الخليــــج مااااال أول ,., غبـّــر من كثــر ما ناكل منـــه
بس وين مكان مطعم المشـــوااار

ونبــى أكثــر كان عنــدج يطولي بعمــرج

موفقــة

,,

[أحلى منصوري]

دمعـــة شـــوق ,,

حييــتــي

ويــوم بنييهــا العيـــن بننشــدج كانــج من أهــل دار الزيـــن ,, عندكم مطعم الكبــاب الخــاص جيــّــد

مطعــم أطيــب بنروح وبنشوووفـــه ,,

بس مطـعــم حاتــم هب العراقــي ( حاتم العراقــي مغنــي ) ,, اسمه حاتــم الإيرانــي وطفرنــا منــــه ,, حتــى مرات اييب لنا صراصير في الأكـل

وبنخطـف على مطعم الشلال وكوكتيــل وكانهــن هب شي يا ويلــج

شكــراً يطولي بعمــرج

..

[أحلى منصوري]

شمـــه ــ//

أول حايــه مبروووك عليــج الترقيـــه وتستاهليـــن هالمنصــب والله يكون بعونـج على ( أهل ) واحة الألعــاب

,,

ثانــي حايــه ::

كل واشرب .. عافانا الله هب شي بالمــرة مع انيه آكل الحصاااا
حضرومـــوت والمنــدي العشق الأبــدي بس نبـــى انغيـّــر ,,
وبزيدج من الشعر بيت ,., فتحوا على شارع الإمــارات اللي يخطف من الشارقة مطعم الجلسة للمنــدي
شيراز وصدف كنـّــا امبيتين عنده في رمضــان وطفرت منــه لدرجة اني بديت اسب الإيرانيين
مطعــم البــر والبحــر كلت منه مرة وحده بس مكاااانه صــدق حلوووو ,, والشباب يمدحون ليــه أكله مع انيه ما اتذكر كيف أكله لأني يوم كلت منه كنت متعشي بس مرتيــن ( عن الحســد )
شلــة المطاعـــم ذيك دوم زحمــة عندهــا واذبحوني ولا اتودوني صوووب الزحمــة بس لازم انروح لهــن

وإذا عندج زيادة قولي

..

مطـــاعــم بوظبــي .. فديتهــا بوظبي

يطولي بعمــرج عندنــا مطعــم قصــر الهنـــد وأكيــد اتعرفيــنـــه

شاميــات عنــد مستشفــى الكورنيش مكانه روعــه ويقولون أكله غــدى أخيــر عن أول بواااايد وفي ذمــة المصــدر لأنيه عدني ما جربته بعد ما اتعدل

كان تبيــن مطاعم عربيــة عندج صوب النــادي السياحي مطعــم أوتااار ( وايـــد عجيــب ) وبتلقيــن عنده مروش وزهرة لبنــان ( أكيــد كلتــي منهــن ) وشي صوب معسكر البحرية في النادي السياحي فرايديز وعنده كذا مطعم عجيـــب ,,

وبعطيــج مطعــم العرب ( مطعم باكستاني ) بس كل شباااااب بوظبي طايحيــن عنــده ( جربي العيش الخصوصي من عنده والدياي المسحــب .. ابداع لا مثيــل لـــه )

اممممم شو بعــد عنـــدج ,, عنــدج في المرور مطعــم نصــر ( اشوفه أخيــر عن مروش وزهرة لبــنــان وخاصة الشاورمــا الدياي )

كان تبيــن بعــد فالــج طيــب بس عطيني مطاعم وبعطيـــج :ghostface

تحياتي الحارة لــج

..

[أمرين]

شووف احسنلك تم على المطاعم الاوكيه اللي تعرفها ...

انا اكثر المطاعم اللي اعرفهم في دبي ...


لكن اذا مصر اتغير
باجر بييب لك لسته بالمطاعم اللي عندنا فالشااااارجة ...

وعلى فكرة مطعم المشواار ... أحيده فالخوور

[أحلى منصوري]

أمريــــــن ,,

( كل ما اشووف اسمج اتذكــر اغنيـــة عمرووو ديــاب .. امريــن )

يطولي بعمــرج ,, هاتي لستــه كانج اتروميــن لمطاعــم الشارقـــة وما نباها دبي

هييييه صح مطعم المشوار اللي في شارع الرقة او المرقبات او الضيافه ( ما اعرف اي شارع بس اعرف بان عنده وايد مطاعم )

ارقبـــج

والسموحه

وتحياتي

[كـلـكـلـووش]

شكـــلي بعـــزمــك عنــد مطعــم حــاتم اللي حذال بيتنا ..

صوب جمعــية الــيــاش لوول

[شمه]

كلكلـــــووش..
مطـــــــعم حاتم اللي عند الجمعـــــيه.. وااو حمصــــهم وجبنهم وايد حلوو ( الناس يدورون وجبات و انا ادور مقبلات..).. هيه احلى منصوري ومطعم حاتم جريب من الجامـــــعه..

انزين احلى منصوري.. مطعم اوتـــار ..شي دكتور مدحــــه وايد.. انزين ومطعم العرب.. حلوو ؟؟ يعني اقصد اكلهم شرات اكل مطاعم الشارجــــــه..؟!! انزين وين مكانــــه ..

[بنوته صغيرونه]

يطولي ابعمرك فيه مطعم اسمه الشوكه الذهبيه ( سنديز سابقا ) اذا كنت اتحب السي فود سير هناك
و على نفس الشارع بتحصل وايد مطاعم يابانيه اظن و لبنانيه و بسك عاد بتنفجر من الأكل ،،

[حلم الطفوله]

أفا عليكم يا شباب الشارجه

المنصوري في داركم وتخلونه في رحمة مطاعمكم؟؟

ما عليك يالمنصوري عقب ردي هذا بتهل عليك العزايم ....وبتاكل أكل بيت معتبر ...

الله يرحم ايام البيض والطماط والباستا ؟؟ اطبخ شو وراك ...شيف أحلى منصوري