الانسان يشتغل عسب يكسب كم فلس يعيش عليهن..
وهالبيزات اذا اخذهن ورماهن بالشارع.. شو تقولون عنه؟

نفس الشي شخص مادرى ان المنتج دنماركي واشتراه... وقبل لا يوصل البيت عرف انه دنماركي!! شو يسوي يرميه بالشارع؟؟

الله في كتابه العزيز قال:

(( لا يكلف الله نفسا الا وسعها ))

المال نعمه من نعم الله .. ليش نجحد هذه النعمه لشي صار خارج اردتنا (شراء المنتج قبل مانعرف انه من المنتجات المقاطعه)

في رائي غلط الولد في حق ابوه ..

وفي بيتنا يوم بدت المقاطعه خبرتني الوالده ان عندهم زبده لوبارك ونشدتني ارميها؟؟ رديت عليها وقتلها .. ترمين نعمه هب حرام؟ انتي مالج ذنب انج اخذتي المنتج قبل المقاطعه .. لكن اذا كان بعد المقاطعه هني شي كلام ثاني ... وطبعا مارمته واتخدموه..

المقاطعه : على قدر المستطاع يجب ان نقاطع.. هب مني ودرب انيي ونقاطع!!اذا شي دوا وماينصنع الا بالدنمارك شو بتسون؟ ناس بتموت والسبب انهم يقاطعون الدوا الي يخفف الامهم ويشفيهم.. بعد الله سبحانه..