فــيــصل خليــل يوقــع لشاوتورو لمدة 4 ســـنوات

[ألم ترى]

بسم الله الرحمن الرحيم ..

بالتوفيق إن شاء الله ..

شكرآ عـ الطرح ..

[كـلـكـلـووش]

بــكلامك تقــول انـك تشــبه النــادي في الــبيت ..

طيـــب ســر عــط البشــكاره عيــل اكــثر ممــا تعــطيه لولــدك و اخوانــك ..

النــادي يعــطي اللاعــب الاجنــبي اكــثر من المواطــن .. فــهل هــذا يعــتــبر بيـــت ؟
التشــبيــه مش في محــله يــا خــوي .,,

[عفاريتووو]

كلكلوش
كيف فيصل ما هرب !!
حتى لو مافيه عقود رسمية
هو ملتزم وياهم .. خلي نقول مشترك وياهم
وعنده مباريات المفروض يأديها في هالوقت
يعني عنده واجبات تجاه هالنادي في هالوقت
راح و تركهم دون ما يخبرهم
اعتقد ان ها هروب و خيانة
.
اتخيل ترمس شخص بالتلفون
لابينك وبينه عقود .. كيفه يسكر متى ما يبا
لو سكر دون مايقولك بسكر ما بتتضايق ما بتزعل !!
.
الدنيا مب بس رسميات الدنيا اخلاقيات

اسمحلي اخوي

[مسافرللجفا]

بس المفروض يكون في احترام للمكان الى طلع ونشأ منه ، ،

جان ما بقى في الامارات ولا لاعب

على العموم

الف مبـروك لفيصل خليل ع العقد

[كـلـكـلـووش]

عـفــاريـتـــووو و مســافرللجـفــا

انا ما انــكر الاخلاقيـــات .. لكـــن لازم في جــانب رسمي .. جــانب قــانونــي .. النــادي يبــي مصــلحته في يتــمسك في اللاعب .. و اللاعــب يــبي مصــلحته فـ بيــسير و بيحـتــرف .. فيصــل اخــطأ .. لــكن خــطأه مش قــانونــي عشــان نــقـدر نحــاســبه .. خــطأه أخــلاقــي .. فــ ما نقــدر نسميـــه هــروب .. الهــروب يــكون من شي قــانونــي .. مش كــلمه !

الهــروب يكــون لمــا يكــون لك الحــق في استرجــاع من هــرب من عــندك .. بس هل نــادي الاهــلي الآن عنــده حق في استــرجــاع لاعــبه ؟ لأ ما يقــدر لأن قــانون الفيــفا يحمــي فيصــل .. فـ كيـــف نقــول عنــه هـــارب ؟!
هــل نقــول عنــه هالكــلمه لأن صــحيفه كتبت هالشي ؟ اتمعـنــو في كلــمة هــروب .. و مصطلحهـــا .. و شــوفو هل هي تنــطبق علــى فيصــل خليــل و لا لأ ؟!

فيصــل اعــطى الكــثــير للنــادي الاهــلي و ما بخــل عليـــه بـ لحــظه .. و كــانت مشــاكل بيــنه و بــين الاداره .. لكنــه ظــل و اعــطى للــنـادي ..

ادفوكـــات لما رحــل عن المنتخــب بســـبب هـــفوه في العقــد .. و ذهــب لتــدريب كوريـــا .. هــل اطحــنا اللوم عــليه ام عــلى الاتحــاد الــذي نــسى هــذه الهفــوه .. ؟

و فــيصــل وجــد هفـــوااات كــثــيره ..

أخــواني .. اللي أنــا ابى اوصــل له .. دام ما في اوراق رسمــيه بتشــوفون الكــثير من اللاعـبــين يتبــعون هالخــطوه .. بما ان النــادي يعــاملهم كـ لاعبــين هــواه و ليــسو بمحترفيـــن !

الورقــه هــي اللي تحــفظ الحــقوق مش كــلمه يعــطيها لاعب لنــاديه او نــادي للاعــب .. !

اللاعــب المواطــن عنــدنا متأثر من شي .. هو تعــامل ادارات انــديتــنا مع اللاعبــين الاجــانب .. بعـكس المعــامله مع اللاعــبين المواطــنين .. كــ مثــال .. انــديتنا معــممه الحــين على اللــعــيبه المواطــنين في المــطار .. كأنهــم مجــرميــن ! محبــوسيــن في ســجن .. شو تتريــون من هاللاعــبــين ؟ شوفو المعــامله هنــي .. هي اللي تــجبر الـشخص انه يرحــل عن بــيته و يســافر امريـــكا ..

فــيصــل خــطأه بسيـــط بالنســبه لخــطأ ادارة الاهــلــي و اتحــاد الكــره .. !

و بالنســبه للــوقت .. انا اعتــرف ان الوقــت مش منــاسب ابــدا لأن منتخــبه بحــاجه له اولا قــبل النــادي الاهــلي .. لكــن هــذي فرصة الــعمر .. اتي مــره وحــده .. و الحيــن فيصــل بما انه وقــع العقــد بأمكانه الــرجـوع للمنتـــخب ..

أتمنى ان درس فيصـل يكــون عــبره .. و تعتــبر منه ادارات الانــديــه ,,

انا مش ويه فــيصل و لا ويــه راشد و لا ســرور و لا الطويــله .. انا ويــه واقــع .. شي نحن عــايشينــه .. نــادي الــشعب اللي انا من عيــاله .. طــلع من راشد و ســرور و ســارو سويــسرا .. و كنت ويــاهم مش ويــه النــادي .. لأني ادري ان النـادي غلــطان .. بس لمــا شــفت ان الســالفه مسرحيــه و تمثيـــل عــرفت اني غلــطان .. لكــن فيصــل ذهــب يــبحث عن حقــه المشــروع .. و هو الشي اللي ما لقــاه في الاهــلي .. اللي هو الاحـتــراف ..

صــدقوني لو كــل نــادي يوقــع عقــود مــع انــديتهم جــان حــُــلت المشـكله .. لكــن انــديتنا مصــممه عــلى انها تعــامل اللاعـبــين كــهواه .. و ما تعــطيهم اكــثر عن هالــشي !

ســـلام
كـلـكـلـووش

[الدلووووعة]

انا بنظري ماشوف فيصل هرب
لنه من حقه ها الشي ومحد يروم يقوله شي
وبعدين لو نادي الاهلي مهتمة فيه جان عطته شرات ماعط للاجنبي
والله انا اشوف فيصل يلعب شرات الاجانب ليش ماكانو يعطونه شرات مايعطونهم ولا بس لنه هم اجانب وها مواطن
والحينه خلاص الريال وقع عقد وخلص يعني مابيدكم شي تسونه
غير انكم تتعوله يتوفق


( بس مهما يكون المفروض من الجماهير مايقولن انه الفريق من ون فيصل يلعب
يعني الحينه نسيتو فيصل بهاي السرعة )

[عفاريتووو]

الهــروب يكــون لمــا يكــون لك الحــق في استرجــاع من هــرب من عــندك .. بس هل نــادي الاهــلي الآن عنــده حق في استــرجــاع لاعــبه ؟ لأ ما يقــدر لأن قــانون الفيــفا يحمــي فيصــل .. فـ كيـــف نقــول عنــه هـــارب ؟!

عندي سؤال اول شي
قوانين الفيفا بس تمشي ع المحترفين ما تمشي ع الهواه؟

لو تمشي عليهم عيل في قانون من قوانين الفيفا قريته قبل جم من يوم في البيان انه
لا يحق للاعب الانضمام او الالتحاق او دخول طبعا اذا كان بغرض التعاقد الى نادي اخر الا بعلم النادي الاصلي المسجل لديه في الاتحاد المحلي

واعتقد ان فيصل مسجل لنادي الاهلي في الاتحاد المحلي صح ؟
صح انه مافيه عقود بس مايخصني اسمه مع الاهلي
.

الدلوووعة
الاهلي كإدارة ماقصرت وياه لا بالاحترام ولا بالمعاملة ولا بالمكافآت
مب كافي طردت بلاتشي عشانه

[كـلـكـلـووش]

[CENTER]

عندي سؤال اول شي
قوانين الفيفا بس تمشي ع المحترفين ما تمشي ع الهواه؟

لو تمشي عليهم عيل في قانون من قوانين الفيفا قريته قبل جم من يوم في البيان انه
لا يحق للاعب الانضمام او الالتحاق او دخول طبعا اذا كان بغرض التعاقد الى نادي اخر الا بعلم النادي الاصلي المسجل لديه في الاتحاد المحلي

واعتقد ان فيصل مسجل لنادي الاهلي في الاتحاد المحلي صح ؟
صح انه مافيه عقود بس مايخصني اسمه مع الاهلي
.

الدلوووعة
الاهلي كإدارة ماقصرت وياه لا بالاحترام ولا بالمعاملة ولا بالمكافآت
مب كافي طردت بلاتشي عشانه

القـــوانــين تــمشي لــكن بأرواق رسمــيــه

يعــني يكــون محـتـــرف .. مش هـــاوي .. هو مســجل في الاهــلي .. لكــن مش مسجــل كمــحتــرف .. كــ هــاوي .. و اذا النــادي ما يطــبق الاحـتــراف عليــه .. فــ من حــق اللاعــب الذهــاب و البحــث عن مستقـــبله .. طبعــا اذا حصــل نــادي ثــاني يعــامله كـ محـتــرف مش كــ هــاوي ..

يعـني كمثــال ..

انا موظــف في اتصــالات .. ما في عــقد رسمي بيني و بيــن اتصــالات ,, و حصــلت وظيــفه افــضل في ادنــوك .. مع عقــد رسمي يحفــظ لي كل حقـــوقي في حــال تقــاعدي او في حــال رفــضي من العــمل .. فــ وين الافــضــل ؟

اخـــتــي الفــيــفا يحــفظ حــق اللاعــب مثــل ما يحفــظ حقـــوق النــوادي ..

بس ادارة الاهــلي قــصرت بشــي واحــد .. ألا وهــو الاحـتــراف .. و كــل انــدية الــدوله تقــريــبا مقــصره مع لاعــبينــها في هالــشي ..

و بـــلاتــشي بروحــه ما كــان يــبي يــدرب .. و النتــايج هــي اللــي جــبرت الاداره انهــا تقــيــله .. و مشــكلة فــيــصــل كــانت ايضــا من الاســـباب ..