<font color='#000000'>الســـلام عليـــكم....
ماشاءالله النقاش هنيه و صل احدوده...
و اعجبنــي كلامك اخوي ملك الذئاب.. وغيرتك على بلاد و طنك...
الحمد الله... يوم انسافر... عباياتنا و اشيلنا ما انهدها... بس حبيـــت اوضح شغله معيـــنه..!
بالنسبـــه للبنات اللي يوم يسافرون ما يلبسون عبـــي... ويكتفون بلبس محترم... مع الشيله او الحجــاب طبعا..!! اتوقع انه هاذا مافيـــه شي... دام انه اللبس واسع و ما يحدد الجسم...
العبـــاه... هاي يمكن تكون من عاداتنا و تقاليدنا.... و صح احنا وااايد متمسكيـــن فيها ... بس مب معناه اللي ما تلبس عباه هاي مب محتشمـــه..!!
عيل البنات اللي في سوريا و الاردن ... وهالاماكن... لبسهم كله ما يعتبر محتشـــم..؟؟!!!
شوفوا بناتنا هالايام... يلبسون العباه... و الشيله.... لـــكن الشعر كله برع... و البنطلون يبن من تحت العباه... هذا اتسمونه احتشام..!!
وبعدين في شي مهم.. بلاد برع... لما يشوفون هالسواد... العباه ... يستغربوون ... ويتمون يطالعون الواحد باستغراب... ( و انا ما اتكلم هنيه عن لندن و بلجيكا و هالاماكن الملياااانه عرب ) ..
فليش اخليهم يتموون يشوفونا بهالنظره..؟؟ البس بدله واسعه .. وحجاب يغطي شعري... وهذا يوفي بالغرض...! المهم انه مافي شي طالع من جسمي ولا محدد...!!
مره درست برع في الصيف ( وكنت في عمر 16 سنه )... وكنت البس جلباب و حجاب.... كانوا يستغربون من لبسي... ويقولولي... انتي اتمين بهاللبس طول اليوم...!! وليش تلبسينه...؟؟؟ وووووو.... وليش دينكم جيه.... وليش وليش....؟؟؟
سمعت هالكلام... و انا لابسه جلباب.. وملون... ف شو بتكون نظرتهم لو كنت البس عباتي السودا..؟؟!!!!!
مثل ما قلتوا.. الواحد لما يسافر برع.. يكون صوره عن بلاده و دينه.... وانا بهالطريقه.. يمكن اعطي صوره سيئه عن ديني..
الغرب عندهم فكره جدا سيئه عن دينا ... انا سمعتهم و عرفت افكارهم... واحنا المفروض انفهمهم... و نحبب له.. مب انفرهم باشكالنا..!!
اخـــواني...
اتخيلوا انكم تلبسون كناديركم يوم اتسافرون..!!! شو بيكون موقفكم..!!!
اخوانــي...
لو كنتوا اتناقشون سالفه البنات اللي ما يلبسون برع عبي... ويلبسون بدالها بناطلين... انا وياااكم في كلامكم.... ولكم الحق في هالانتقادات ...
لكـــن مب كل اللي ما تلبس (عباه ) يعني مب محتشمه...!! لكن البنت اللي عليها انها اتعرف شو تختار من اللبس.. واتعرف اللي يناسب ..
و الســـموحه...</font>
مواقع النشر (المفضلة)