************

[المزوحي]

يوم كنت صغير كنت أتمنى أكبر بسرعة وأقول متى بكبر متى بكبر ويوم بكبر ويوم بكبر ...
الصغير محتاج الحنان .... وأنا همي أكبر ...
ويوم كبرت قلت أتمنى أصغر ... وأقول لو أنا صغير لو أنا صغير ...
وحتى الحين محتاج حنان

ياترى الانسان كتلة مشاعر ... كان طبيب وإلا خياط وإلا راعي دكان .. فمن يراعي هالانسان .
اللي يكتب لكم ويريد لهاذي الفضفضة عنوان ...

من يحط إيده بيدي ويقول هااااا أنا يا فلان ... نام وارتاح ترى الناس نيام ...

[عافك الخاطر]

فعلاً غريبة ..
لمّا انكون صغار نتمنى نكبر.. ولما نكبر نتمنى نصغر..!
ياترى شو اللي كان موجود في عالم الكبار ..وكنّا نتمنا تمر السنين عشان نعيش لحظاته ..يمكـن الطـول .. نعدي المراحل الدراسية.. نكون اسرة .. نلاقي الاحترام والتقدير ..الخ
كانت كلها أحلام طفولية ..
لكن ألحين الوضع اختلف..
نتمنى لو يرجع الحنان اللي مفتقدينه ألحين .. لو ما كنّا فهمنا الحياة وتشوهت عدنا معاني العفوية اللي كانت تتميز فيها طفولتنا ..لو ..لو ..الخ
دور حولك ..أكيد في مصدر للحنان .. مازال موجود ..لكن يمكن انت غفلت عنه او العكس..!
:)
موفق خيّو ..
..
.

[وعد]

اتمني ارجع طفلة مره ثانيه اتمني
لكن هذي سنة الحياة لازم نكبر وتكبر احلامنا ومشاكلنا معنا للاسف
اخوي المزوحي انت تحتاج تضع يدك بيد نفسك وتساعدها علي الراحه لانه الراحه والحنان مصدرها الانسان نفسه انت مو محتاج للاخرين انت محتاج لنفسك بالاول

تحياتي لك

[المزوحي]

عــافك الــخاطر .. عــاد هــذا مــصدر الــحنان هــو اللي يــذبح
أتــمنى أكـــبر ...... لأســـباب عــــــــديدة لــــكن أبــغي أصــــــغر لــــسبب

[المزوحي]

وعــد أنا أحــتاج لـــنفسي وأحــن عــليها .. فأنا الإنـــسان اللي يــنبع مــني الــحنان ...
حــتى أعــطي نــفسي الــحنان ... لــكن وين الــطرف اللي تــستمد مــنه الــحنان
في عــالم الــخيال .. وأنا أقــول نـــكبر وتــكبر هــمومنا

[نور الإيمان]

بسم الله الرحمن الرحيم

السلام عليكم و رحمة من الله تعالى و بركاته اما بعد ..

كلمة "الحنان" .. ما ان تقولها و بصوت مسموع .. ستشعر مدى سحر هذه الكلمة على قلبك .. و منه يسري على جميع اجزاء جوارحك .. لفظها جميل و احرفها الطف على الروح ..

مهما كبر الإنسان او صغر .. يود دائما ان يهيم في عالم الحنان .. عالم يسوده حب و مودة و لطف كبير .. فالحنان عنوان الرحمة .. عنوان النقاء و جمال القلب .. من منا لا يحب الحنان؟؟ جميعنا بلا استثناء .. انا .. انت .. انتم و غيرنا .. و لولا حبنا للحنان .. لما تزوج الناس .. لأن كل نفس تجد السكينة عند الطرف الآخر .. الذي يحنو عليه و يرحمه ..

الصغير ربما لا يعرف معنى الحنان ... و لكن الكبير يدرك اهميته .. و حاجته الكبيرة لها .. فالحنان سُكنى الروح .. و وجوده اساس قوي لاسترجاع المعنويات السليمة و تصحيح خطايا القلب إلى ما فيه الخير بإذنه تعالى ..

جزيتم خيراً

[المزوحي]

نور الإيمان .. الرد على الموضوع ذكرني بشخص يلقي محاضرات ومره قال بنفسه إني لما اتضايج
أسير أحط راسي على ريل أمي ..،،، حسيت معناها كـــبيرا ..

[طير الغرام]

الحيـــــه محطــــات
تعلمنـــــا الكثيــــر
وتحملنـــــا الأكثر مرات

كلنا تينا هاللحظات اللي نتمنى فيها انرد اصغار
ما كنا انحاتي أشيا كثر الحينه

اعذرني أخويه ع ردي البسيط

بس
أقوى من جيـــــــه ^_^

[دانة حتا]

سؤالكم ما اعتقد له جوااب
انا كنت ابا اكبر والحين هونت
يمكن نريد نكبر عشان الاحترام والاهتمام اللي يحصلونه الكبار
ونبا نكون يهال لانه ما علينا من الدنيا في ذاك الوقت
ولانه اهلنا يعطوناالحب والحنان لكن يوم نكبر لازم نحنا اللي نعطيه
ما ادري شـــــــــــــــو الافضل صغاااار والا كباااار

تسلم على طرح الموضوع