:: مطبــات :: ( المطبــه السادسه 6)

[حبوبه دبي]

اول شــــي بنصـــدم بقــول فـ خــاطــري : شـــــووو هالنحـــاسه اللـي ظــاربه فـ كل مكـــان !!!!


ثــاني شــي : بتــم افكــــر كيـــف اخــرط عليــهم واقنعهــم عشــان مــايفــرونـــي

واذا مــاااااشي فــايده خلاااااص ،،

بتــم لااااازقــه فـ الكــرسي مـابتحــرك لــو شـووووو

مشكلــتهم

[أمواج]

ابغي اعرف انتوا من وين إتيبون هالمطــبات
الصراحه مطبات عجيبه غريبه ..
المهم لو صادفتني هالمطبه ..
اممم اول شي بحــاول اتحــايل عليهم
وبقوولهم دوروا من بين الموجوودين واحد متعود ينط من الطيارات ..
..
واذا مارضوا ..واصروا إنه انا اللي يفرووني
شو اسوي بعد . بستسلم وخلاص

[الملهم]

بقولهم انا انسان مصاب وعندي دوار يوم انقز من مكان مرتفع ..
وبقولهم عندي اهل يتيروني واقولهم اني مسكين واحاول ابكيهم وارق قلوبهم ..

وبعدين اعطيهم الحل : اخليهم يدورون على شخص اعزوبي ما له خص في الدينا
يبا يريح عمره وبس ^__^
و.... شكرا

[مــهــابه]

انـا لـوكنـت في مكـانه تـدرون شو راح اسـوي
اول شـي بقـول اوكي .. وعـقب بيلس انـاقز وبخلـي عمري خبلـه وبتجلبـ ع كـبر الطيـاره
وبيلـس اصـارخ ، اونـه يــتني حاله ، وبيـغمى عــلي ، وبحشـر الطيـاره ، اكـيد بيخـافون وبيقـولون خـلاص غيـروا

[نجمة دبي]

بوافق ..

وبقول لهم عطوني براشوت ونزلوني على جزيره مهجوره ههههههه

وبس :)



نجــــــ دبي ــــــــمة

[الدلووووعة]

انا بقولهم اول شي دورو واحد مال قوات مسلحة وخاصة يشتغل في القطاع الخاص لنهم مدربين عالنط من الطياره فالجو واذا ماحصلو بقولهم اوكي هاتولي هاي المظله اللي يستخدمونها مال قوات مسلحة وبعدين بنط

وبس منها تجربه منها بشوف شو شعرو هيل اللي جي يسون ^_^

[المقاتل]

عـــــــدنـا ،،

هموم الحب وسيلــة ذكيــة للتحايـل بس اظني يوم بتحشرينهم وبسوين هالزوبعـه بيقولون لو نتخلص منها احســـن هيهيهي ..

بس

مبروك عليج الورد لفوزج في المطبـه الثانيـــه كونـج ابتكرتي اظرف موقـف ،،

احم احم

المطبـــه رقم 3 .. ( ييـــت الوزيـــر ) .. المطبـــه رقم 3

اتخيــــل لو كنــت راقــد ونشيت مره وحـده ولقيت نفسكـ متأخر على الدوام ربع ساعـه و الوزير ياي في هالوقت يشـوف شؤون الموظفـين ( وكنـت في منصب عالي ) .. وانـت كنـت ساكـن في الطـابق العـاشر واللفـت كان خربـان وسيارتكـ ما فيها بترول شو بسوي ساعتهـــا ؟؟ شو راح اتسوي .. .. شو راح يكون موقفك .. نبي احسن موقف واظرف موقف .. راح اتسويه او اتواجهــه !!

[الدلووووعة]

انا اللي بسويه بتصل بالمدير وبقوله السموحة منك بس انا اليوم تعبان ماروم اداوم ومن ها القبيل
وبرد برقد بدال مانزل من الطابق العاشر وامبوني متأخر ربع ساعة لين مانزل وركب السياره واسير الدوامإلا المدير واصل ووخذ جوله وظهر وانا بعدني ماوصل

فمالي غير اني اقول للمدير جي واكمل ارقادي ^_^

[مــهــابه]

المقــاتل:
صـدقــني بيخـافون وبيخــلوني في حــالي،
شــكراً ع الــورده الحــلوه..

فـي الموقـــف الثـــاني:
طبــعاً انـا متـاخرة وكـل هالبـلاوي صـايره لـي ، بــنزل وبـاخذ لــي تكـسي وعقــب بخليــه
يـودينـي المسـتشفى ( هـي ضايـعه ضـايعــه ) جيـه ولا جيـه انـا متـاخره ، المهم ، بـروح
وبقـص عليــهم ، بـقول انـي طحـت من الـدرج ، وانـه احســ بألم فـي ريـلي وايـدي ، بخليـهم يلـفونهم
وعـقب بروح الدوام بيـشوفوني مـتعوره ، ومـاراح يـقولون لـي شي( منـ ليس لـديه حيلـه فل يحـتال)

[العجيبة]

ههه عطوني ورد .. لحظة بروح أصدق عمـري

انا يوم شفت العنـوان ، ما دشيت ..
رحت أدور العنـوان الأولي ، أتحرى هذاك موضوع وهذا يديد
لكنكم طلعتـوا مب هينين ! تغييــرووون العناوييـن

دام السالفة فيهـا تخيـلات ..
بنش من الرقـاد بسسســرررعـة
أتعـدل وأكشـخ ع الســرريييـع
ما أمشــط شعـري ..
لأني بفتحه وبنـزله من الدريشة أو البلكونه
وباستخـدام شعري بكون تحت في أقل من دقيقة
اممم ما بمشط شعري لانه ما عندي وقت .. فـ بضطر اني أقصه
عقـب ..
بدور يمين يسـار ، سيكـل أي بتـانـي هنـاك ، أو حتى لو شي دراجة بشلها
وإلى الدوااااااااام ..

خخخ



ولو في الحقيقة والواقع ..
بضطـر إنـي أعتـذر لهم ، كل انسـان وله ظروفه
والوزيـر يقـدر يتـأكد من إلتـزامـي ، والدليل في السجـلات !

وكان الله غفـور رحيـم

[نجمة دبي]

من قريت المطبة الثالثه ضحكت ههههههههههه

اول ما بنش بتصل الدوام .. وبغير صوتي .. وبقول لهم ان نحن حاطين قنبله عشان نذبح الوزير ..
وعقب طبعا بيفضون المبنى كله ومن هالخرابيط .. في هالوقت بتلبس وبكشخ على راحتي .. وباخذ لي تكسي وبسير الدوام ..
بحشر روحي بين الموظفين اللي طالعين برع ..
وبسالهم .. هاه ؟ لقوا القنبله والا ؟ الوزير وينه ؟ خخخخخخخخخخخخخخخخ


فلم اكشن سويت


نجـــــــ دبي ــــــــمة

[سفير الخيال]

بتصل بالوزير.. وبقول له


يعني ما توحّمـــت على الييه إلا اليووووم


صدق قهر

[صدى جوفي]

بنش من الرقــــــاد جنة يــايني ياثــــوووم

أكشخ بسرررعة.. هني هناك هالبس رسمي شوي

زين ماشيييي حاله

ويهي والع ضو .. ماي بارد .. يبالي أولاي..

شوية شحــال تخوز الرقاااد عن عيني

شو شو بعد .. هي اتذكرت

الشنطة.. الموبــــــــــايل... اممم صامت.. لا لا نغمة تنبيه واحدة

الحمدلله .. إن شاء ما انسيت شي مني مناك

>>

....



.....



تعالوا أنتو.. من متى الوزير يلتزم بمواعيده؟؟؟!

وأنا مشتطـــــة.. يبالــــــه جي ساعة .. ساعة ونص عالأقل لين ما يينـــا

أحم أحم.. بكل محاولة تهدية أعصاب..

حبة حبة عالدري.. المهــم ما نسيت شي

لين ما عبيت البانزين ووصلت الدوام.. حصلت لي كمن كلمــة من المدير

وأقوله عقب زيارة الوزير بأشرح لك ظرووفي

طبعـــــاً مديري ما يرد لي أي طلب.. المهم حصل خير

أستــــــانس مديري على انطبــــاع الوزير عنا (ونسى سالفــة التأخير)

[أمواج]

عادي بكمل رقاادي شو يعني
دام خرباانه خرباانه
يعني يوم العرب شادين حيلهم ويداومون ماشرف حضرته إلا يعني يوم رقدت
خله يولي

[الشوق]

نجمة دبي .
مبرووك عليج .. خطه حلوه اتفيد الواحد يسويها يوم يقع في مثل هالمشاكل
خاصة يوم اتحس الناس كلهم محتشرين وانتي اللي فاضيه وتتعدلين .. طلعتي مب هينه هيههيه واتفضلي هالباقه



عدنــــــــــــــا ..

.. :: المطبـــــــةالرابعـــه:: .. ( الــــــبر ) .. :: المطبـــــــة الرابعـــه :: ..

اتخيل نفسك / نفسج... رايح... البر ويا اثنين من اهلك ... وسرتوا واستانستوا .. وقضيتوا وقت .. وطبعا البر يعني ما شي لا انيس ولا ونيس .. المنطقه اللي رحتوها مهجوره ..والتيلفونات في ذيج المنطقه ما فيها ارسال .. المهم دخل عليكم المغرب وقررتوا ترجعون ..وفجأه وانت اتسوق التاير اتبنجر والاكل قرب ويخلص .. ولا المشكله انه ما عندك اسبير ... وانت في نص الصحراء ...فانت هي انت كيف راح ترجع وكيف راح تتصرف

شو راح اتسوي .. .. شو راح يكون موقفك .. نبي احسن موقف واظرف موقف .. راح اتسويه او اتواجهــه !!
لا تنســــون نبا موقـف حلو

نتريــــــاكم
الشـــــوق