:: مطبــات :: ( المطبــه السادسه 6)

[المقاتل]

.. الســلام عليكم ورحمــة الله وبركاته ..

:: .. مطبـات .. :: برعايـة المقاتل والشـوق :: .. مطبـات .. ::

مطبـات برنامج واحاتي مستمر بدأ من الآن في كل يوميـن نكتـب لكم مطبـة جديده وشيقـه .. مطبات برنامج ترفيهي نذكر فيها لكم مواقـف محرجــه نتمنـى ان لا تقعون فيهـا إن شاء الله .

المطلـوب :-

هو أن تشاركـ في الموضوع وتكتـب لنـا ردة فعلك أو إلي راح إتسويه إذا لا قدر الله وقعـت في هاي المطبـه .. وأذكّـر مشاركتكم وتفاعلكم في الموضوع بيشجعنـا أكثـر بأن نستمر في كتـابـة المزيـد من المطبـــات .

.. :: المطبـــــــــــة الاولـــــــى :: .. ( لحظة الامتحـــان ) .. :: المطبـــــــــــة الاولـــــــى :: ..

اتخيل نفسك في لجنة الامتحان وانت انسان دايما تطلع من الاوائل شطور .. وكانه نهاية السنه .. لكنه من كثر شطارتك يلست اتحل وما اترييت المدّرس عسب ايي ويقرى الاسئله فطلعت من الصف وخلصــت وفي وقت المراجعه ويا الطلاب او الطالبات اتفاجات ابـ اسئله موب موجوده على ورقتك وكل مراجعه تتفاجـــأ ان اسئلتك أتزيــد !! .. عقب تتخبر يا ناس .. ليش جي انا ما عندي هالاسئله ؟؟ ليش انتوا كم ورقه حليتوا ؟؟ .. الا تتفاجا ان اوراقك ... هي ثلاث اوراق وعدد اوراق الطلاب الباقين خمس .. يعني ( ورقتين عندك ناقصين ))

شو راح اتسوي .. .. شو راح يكون موقفك .. نبي احسن موقف واظرف موقف .. راح اتسويه او اتواجهــه !!

وإلي .. بجاوب وبقولنـــا اظرف موقــف وأروع موقــف بنعطيــــه ورده .. !!

لا تنســــون نبا موقـف حلو

نتريــــــاكم

.. المقاتل ..

[فركوشه]

اول شي تسلمون عـ الموضوع..

ثاني شي ما عندي موقف حلوو.. حق هالمطبه

ان شا الله فالمطبه الثانيه اللي صوب شارع الكورنيش اللي فعيمان بظهرلك موقف..

[الشوق]

اختي مودي ..
نحن ما نتريا يكون عندج موقف حق هالمطبه
نحن انقول اتخيلي اذا كنتي في هالموقف شو راح اتسوين
؟؟

[الدلووووعة]

تسلمون عالمضوع الحلو
انتو تقصدون اني ظهرت من الامتحان وبعدين عرفت ان الورقة الامتحان اللي عنجي ناقصة ورقتين

اول شي بسويه اني بصيح هيل ارورقتين هب سؤالين

وطبعا ماظن الادراه بتسويلي سالفة لنه اكيد بيقولن اني انا الغلطانه ليش ماحسبت عدد الورق ومن ها القبيل

يعني خلاص عليه العوض بس اللي اروم اسويه اني ايلس وصيح ^_^

[مــهــابه]

بـرمسـهم إذا مـا عـادوا لـي الامتـحان بـتـصل بالجـريده وبخليـهم يحطـون هالخـبر ، وعـاااد انـتوا تعرفـون الجرايـد مابتقصـر ،عقـب غصبـن عليـهم بيعيدووون ، وفـي البدايـه اكيـد بصيح ، واذا كانـت
الابـله مصريـه بقص عليـها بقـول لـها نهيـان بن مبـاركـ اربيـع ابويـه بتـخاف وبـتعيد صح؟؟

[العجيبة]

اممم بتـوتـر شـوي ، بخـاف شـوي ، بتـأكـد من عدد الأوراق من أي أبله أشوفها جدامي
اذا تـأكـدت ، يزيـد التوتـر شوي ، يزيد الخـوف شـوي ، وفي ثواني بتوقع الدرجات اللي بتضيـع منـي
وفي نفس الثوانـي ، أدور حيله وخطـه للكـارثه اللي أنـا فيهـا ، حقي ولازم آخـــذه .. بطيب أو غصب

عقـــب ..

أسيـر عنـد الوكيلـه ، أو إذا وايد رايقـه بخطف ع المديـره ، وأنفـذ الحيلة أو الخطه اللي قررتها
وافقـت إني أكمل الورقتين ، أهلا وسهلا وجزاها الله خيييـر ما قصـرت ..
رفضـت وعاملتني بسـوء ، بستخـدم الواسطه > وانا اصلا كيف عايشه الا بهالواسطات <

الأكيــد والأكيييــد .. إنه مستحيــل تنـزل دمعـة من عينـي !
هالشي الوحيد اللي ما عرفت اصيح له > مستواي العلمي سواء كان عالي أو متدني <

وبصـراحة ، هالموقف صار لبنـت ، بس ما درت إنها ما حلت ورقة كاملة من الامتحـان
الورقة موجودة بس ولا نقطة حبـر فيهـا ، المدرسـات فيهـن ضميـر ، فزقروا البنت من الباص
أحيييـد اتأخرنا ذاك اليوم بس عشان خاطر الاخت اللي نست تحل الامتحان خخ


وكلمة أخيـرة ..
موضوع جميييـل ، تسلم يدينكـم المقاتل & الشوق

ويا مرحب الساع ..

[ذنـيـنـي]

بقولهم انه الغلط غلطكم, و انتوا لازم تتحملون المسؤوليه

و فوق هذا بتصل في عبدالله راشد بن خصيف >> بوراشد

و بفضحهم فضيييييحه بخلي الناس يرمسون عنهم 3 شهور

[دموع قلم]

وعليـكم السـلام ورحمـة الله وبركــاته

طبعـا.. ما بخليـهم في حـالهم, تـرا صفحتيـن مـو أسئلتيـــن, فـي البـداية بكلـم مــدرسـة المـــادة وأظنهـا
بتقتنـع لأنـي مـؤدبـة في الصـف , وإذا مـا اقتنعـت بكلـم الوكيـــلة, عنــدي واسطــة منهـا, وإذا
مـا اقتنعـت بعطيـهم اختيـاريـن, إمـا يعطـونـي الـورقتيـن وإمـا يعطـوني درجـة كاملـة في هـذه الورقتيـن

إن شـاء الله مـا يستـوي لي هـالموقـف..


أشكـركم الشــوق & المقـاتـل على الفكـرة الرائعـة
ويثبـت الموضـوع لـ يتسنـى للأعضـاء المشـاركــة

:)

[الملهم]

السلام عليكم

بالنسبة لي بشتكي .. مش مشكلتي ..
اولا لانهم ما منعوني من الخروج من الصف .. هم اكييد بيعرفون
ان الاستاذ بيضيف اسئلة .. فاكييد الحق معايه واطالب باعادة الامتحان ^__^

تسلمين على الفكرة الغاوية

[الشوق]

الملهم ..
الاسئله كلها في خمس اوراق .. وفي ايدك بس ورقتين .. ومكتوب عندك اعلى الصفحه ان عدد الصفحات خمسه بس انت ما حسبتهم ... وانت مااترييت المدرس ايي عسب يراجع الورقه ومن شطارتك خلصت وطلعت برع الصف ويلست اتراجع ويا الاولاد فاكتشفت المصيبه !!!!
فشو راح اتسوي

[الملهم]

هييه يعني غلطتي اني ما شفت عدد اوراق الامتحان ^___^
اممممم ... بضايق وبزعل ويمكن اصفع عمري ^__^ ..
و... بسير عند الوكيل واجامله وامدحه واتمصلح وياه عشان يعيدلي الامتحان ^__^

[أمواج]

اممممم اول شي بنصدم بهالشي اكيد
ووبكلم المعلمه بخصووص هالغلطه ..واذا راعة هالشي اكيد بتعيد لي الامتحان
او بتعطيني الورقتين اللي ناقصااات ..
واذا مارضت .. اعتقد أدل طريق الاداااره و بكلم الوكيله و بكلم المديره واذا كلامي ياب نتيجه ويااهم زين ..مانفع بطرش عيوووزي >>لوووول تتفاااهم وياااا المديييره ,, المديره ربيعة عيووزي عشان جيه بتستوي لي واسطه ,,
ولكن إن مانفع شي .. بتصل حق الوزااااره و بقوولهم مشكلتي ..
ولكن مستحييل اصييح عشان هالشي
اياام قبل كنت اصيييح .. بس الحين اوفر دمووعي حق شي يسوى
××××××××

تسلموون على هالموضووع
استمعت بقرااءة الردوود

[نجمة دبي]

وعليكم السلام والرحمة


تسلمون عالموضوع اقصد المطبات الحلوه ..

بصييييييييييييييييييييييي يييييييييييييييييح ..

بمسح دموعي ..

وبسير عند الاداره .. وبدون ما ادق الباب .. بصارخ عليهم ..

يا انكم اتعيدون لي الامتحان .. يا اني انتحر


وبظهر


بترياهم يتصلون فيني عشان يعيدون الامتحان



نجــــــــ دبي ـــــــــمة

[الشوق]

العجيبه ..

مبروك عليج هذي الورده ( لفوزج في المطبه الأولى )


.. :: المطبـــــــــــة الثانيه :: .. ( لحظة الطيــران ) .. :: المطبـــــــــــة الثانيه :: ..

اذا كنت من ضمن المسافرين في الطياره .. واستوت مشكله في الطياره .. وقال الطيار علشان اتطير الطياره ..لازم واحد من الركاب يتخلصون منه .. ويعقونه من الطياره .. وبدت علامات القلق والتوتر عند الركاب..وسو القرعه .. باسماء جميع الركاب .. وفي النهايه اتفاجأت ان الاختيار وقع عليك انت ( نعم انت )

شو راح اتسوي .. .. شو راح يكون موقفك .. نبي احسن موقف واظرف موقف .. راح اتسويه او اتواجهــه !!

وإلي .. بجاوب وبقولنـــا اظرف موقــف وأروع موقــف بنعطيــــه ورده .. !!

لا تنســــون نبا موقـف حلو

نتريــــــاكم

.. الشـــوق ..

[طير الحب]

بقولهم عندي قنبله وبفجرها في الطياره عقب ما انزل...هههههههههههه