بخصـوص أسئلـة التقـويم, المشكلـة إنـي أحـل المسـائل السهلـة واتـرك المسـائل الصعبـة والمعقـدة
والتـي تحتـاج إلى التفكيـر, واتكـاسل ولا أحـاول أحل تـرك المسائـل المهمة الصعبـة!! للأسـف ليسـت
لـدي تـلك الإدارة والعـزيمـة القـوية

أختي دموع قلم في شي أساسي و مهم أسمه الإجابة النموذجية ... المذاكرة مب كل شي لازم تحلين كل أسئلة التقويم و تفهمينها بشكل كامل و أسهل طريقة هي تحصلين مصادر فيها الإجابات النموذجية لأسئلة التقويم و تنقلين الإجابات للكتاب و يوم تذاكرين الكتاب مع أسئلة التقويم مع الأيام بتحسين إنج صرتي تسيطرين على المادة بشكل كامل و صدقيني هذي أوضح و أسهل طريقة و لو أنا كنت أعرف هالشي قبل ما أدخل الثالث الثانوي ماكانت نسبتي نزلت عن 98% يمكن تشوفين إن كلامي مبالغ فيه لكن هذا هو الواقع لأن معظم الإسئلة الصعبة في الامتحانات تكون أسئلة من التقويم الوقت له ثمنه فلو بديتي بهذي الطريقة من أول يوم و كل يوم شوي شوي و تبقى بعض الأشياء الخاصة محد يقدر يفيدج فيها أكثر من نفسج و انشالله أختي تكونين الأولى على الدولة في القسم العلمي و صدقيني هذا شي سهل فأنا مثلا إنسان درجة ذكاءه تحت المتوسط بوايد و غير هذا كنت أضيع الوقت طول أيام الدراسة في أشياء غير الدراسة و درست في آخر شهرين بس و بدون مدرسين خصوصيين أو أي شي و في النهاية نسبيتي كانت فوق التسعين طبعا لا تاخذين كلامي على محمل الجد لأن في أوقات كانت سيئة فعلا لكني إذا كنتي تطمحين لنسبة أعلى فلازم تحطين فبالج إن كل لحظة في حياتج في الثانوية العامة لها ثمنها و الوقت اللي يضيع مستحيل يرجع و الضغط من أول يوم في الدراسة لمدة 8 ساعات أو أكثر في اليوم هو السبيل الوحيد دايما البداية صعبة لكن الإنسان مصيره يتعود الوضع مهما كان سيء و يكون جزء من حياته في النهاية.

الملهم ... شكرا لاضافتك الطيبة أخوي