السلام عليكم
ودي ابكي لين ما يبقى دمووع
بس الدمووع ان خلصت تتجدد بمواقف ثانية
بصدمات اصعب و بجروح اعمق
.
.
ودي اشكي لين ما يبقى كلام
بس يوم تكون صدق تتضايق ما تلقى حد !! مع انك كنت دووم تحاول انك تشاركهم همك
حتى لو ما نجحت بس كنت تحاول !!
و الحين محد منهم حاول !!
بس صدق هم شو ذنبهم يتحملونه وياك .. كلن له همومه
بس ناس عمرنا ماتوقعنا انهم يكونون قريبين منا
هم اللي واقفين ويانا .. وما يروحون الا و متأكدين الدمووع فارقت عيونا
الله لا يحرمنا منهم
.
.
اتحملنا هموم واييدة شهوور بس هاي غير
.
.
ودي اصارخ باعلى صوت و اقولهم انتبهوا .. دخيلكم انتبهوا
بس ما يسمعون .. يقولون السالفة انتهت !!
بس نحن شايفين شي ثاني .. مادري حاسين بشي ثاني سموه اللي تسمونه
بس انتبهوا .. الله يخليكم انتبهوا !!
بس ماشي فايدة
بس هم ما يتحملون اي شي ممكن يأثر فيهم
ويقولون طعنة الصديق تعور اكثر
وهم اغلى الناس لنا .. ماننبا نخسرهم .. لو خسرناهم بنخسر الدنيا كلها
بس ما يسمعووون !!!! يقولون اوهام يهال !!
.
.
مادري يمكن من كثر ما سمعنا قصص تعور القلب قمنا نتوهم
يمكن من كثر الضيق و الصدمات قمنا نصير حساسين
ان شالله نكون نتوهم ان شالله .. بس ما يصير فيهم شي
.
.
الله يرحم ايام قبل يوم اول يوم دراسة كان صدق يضايقنا
بس الحين من كثر الضيق ما حسينا فيه
ليتني طفلة اكبر همومي لعبتي
اللهم لا اعتراض
( اللهم لا نسألك رد القضاء ولكن نسألك اللطف فيه )
.
.
مجرد فضفضة يمكن ما تنفهم
بس يقولون اللي يفضفض يرتاح
رد مع اقتباس
مواقع النشر (المفضلة)