يــــــا ألله بـــاجر دوام >,<

[تحفه]

باجي اقل من خمس ساعات على التيرم الياي .. شو احاسيسكم وستعداداتكم ؟
عن نفسي مول مب متزهبه .. ولا معبره الجامعه باي شكل من الاشكال .. حتى شنطه لاب توب مب شاريه .. حتا لابتوبي مادري وينه !! اعتقد نسيته في بوظبي هههههه .. ابي اغيب .. والله من بدا التيرم الي طاف ونا متولهه على الصيف

[شوق القلوب]

الســـــلام عليـــــــــكم...
.
.

هلا بالحلــــــــويــــــــــ ــــن ^_^

ماعليـــج.. انت افتحي الكبت... و زهبـــي شو بتلبسين من يديـــد باجر... و بتحسين بالأجواء
.
.

عســــــــــااااااه يا ربـــــي فصــــــل خيــــر عليــــــكم..
.
.

[أنشودة المطر]

الله يعينج و يعينا يا أم خدود

ترا مثل ما طاف التيرم الأول بيطوف هذا بعد
و بيي اليوم اللي تتخرجين فيه إن شا الله و تتولهين على الجامعة

بالتوفيق

[المزوحي]

يالله .. بسم الله الرحمن الرحيم ... الحمدلله خذتوا إجازة وبسكم أم خدود ... عن الطفاسه ..
قومي .. شو هذا ماتبين اتداومين .. عيل نحن شو نقووووول ؟؟؟
ندوام على مدار السنة خميس وجمعة إجازة ويمرن كالبرق ... والإجازة هاااااااي 30 يوم بس ..
أصيح يعني وإلا أصيح ..قولي ؟؟
خلي عنج الكسل والاهمال والدلع .........
وفي الصيف بنقولج دبي دانة الدنيا :)

[حبوبه دبي]

ههههههههه

انـــا مــاضحكـت الا مــن رد المــزوووحـــي

صدقـــه شــو بعد لــووول بسكــــــــم هالاجــازه ،،

يالله ربــي يــوفقج ان شالله

ارقدي مــن وقـــت وراااج نشــه خخخخ نذاله

[الدلووووعة]

ولا انا مالي خاطر اسير المدرسة وعوني عصب

[صدى جوفي]

كـــــــــــدوا..

تراني بطالـــــية ولا بعد ناشة الصبح جنة علي دوام

عاد العمر بيمر وبتتخرجون ان شاء الله ولا كأنكم درستوا وكديتوا

بالتوفيق .. وبشهر ستة لنا كلام غير

والسموحــــــــة..

صدوي ... صدق مصدية

[أمرين]

اخــــــــــــــييييييج
ردينا للكلية وصدعتها ... يعني لازم أنش م الساعه 7

أنا ما اداني إلا أول يوم لما أشووووف ربيعااااتي ...


بس لكم البشارة بعـــــــــــــــــد (( يوم الأربعاااء بيكوون إجازة رأس السنه الهجرية ))

يالله مبــــــــروك عليكم من ألحيــــــــــن



محبتـــــــــــي: أمــــــــريــــــــن

[راعي الزعـامه]

اليوم كان ملل غير طبيعي في الكلية
مافي حد ... يعني كلاسنا من 21 بس الحاضرين 7 !!
والجدول الايديد

مانقول الا الله يصبرنا .. وشدوا حيلكم وان شاء الله كلكم متخرجين ومتفوقين ..

[طير الغرام]

احم احم
أنا بعدني ما بديت
وما ودي اتخلص إجازتيه >> عن تحسدوني عليها ترا ما تم حد ما حسدني حتى اربيعيته شككتني وقالت اليوم دوامات

الله يوفقكم إن شاءالله ^_^

[انامل]

اللهم نسألك خير مافي الكورس الثاني وخير ما فيه
ونعوذ بك من شره وشر مافيه

أم خدود بيمر مثل ما مر غيره

شدي الهمه
من قلبي أتمنى للجميع النجاح والسعاده والفلاح دنيا وآخره

[خيال الحب]

مرحـــــــــــــــبا


شو اليوم دوامــــــــــــات


عيــــــل انا ليش بعدني قاعد في البيت ومارحت الجامـــــــــــعه



بعده الدوام يانـــــــــاس الاسبوع الياي


<<<< بخرب معلوماتكم


والله انا طال عمري فديتني الله يخليني عطيت عمري اجازه اسبوع زياده


لاني طال عمري حسيت هالاسبوعين ما كفوني

فقلت اكملها اسبوع زياده


وبـــــــس

يلا انتو سوو مثلي اول اسبوع مصخره مافيه شي

تراني خربت سفير الخيال خليته يروح السبت

[الحساس]

ناس تشتكي من الدراسه وناس تشتكي من الفراغ!!

انتوا تبون الاجازه وانا ابغي الشغل!!

في هالدنيا بنعيش وبنشوف اشياء متناقضه .. وكلن يدور الشي الي ماعنده..

عن نفسي من سنه ونص ماداومت الا يمكن 3 شهور (وكل شهر بعيد عن الثاني) يعني بالمتختصر بطااالي من سنه ونص ..مندس بالبيت.. للدراسه ..
الحين ان شاءالله بشتغل ومابرقد بالبيت بعد!! في المستشفىP:

احلى ايام ايام المدرسه والكليه والجامعه استمتعوا فيها قد ماتقدرون صدقوني ما تتعوض ومايعرف قدرها الا الي محروم منها ..

بالتوفيق للجميع

[سفير الخيال]

الله يوفقكم جميعا :)

والله يعينك يالحساس وإن شاء الله اتحصل شغل حبووووب
وانا حاس إنك بتحصل شغل بعد كمن شهر بإذن الله :)

[فركوشه]

والله العظيم لوعت جبد.. واول ما فجيت عيني الصبح قلت حق عمرييه اغيب ولا..

الحمدلله ان جدولنا حلووو..ثلاث بريكات فاليووم..قبل كان ابريكين بس

وام السعف والليف بس اتدرسنا كورسين..قبل كان ثلاث

ويوم الاثنين ما بنشوف رقعة ويها..