رواية رجاء عبدالله الصانع !! الي احدثت ضجه كبيره!

**تحفه** · 25-01-06 ||, 06:00 PM

روايه الاولى لـ رجاء عبدلله الصانع

موقعها : http://www.rajaa.net/

رغم ان القصه سوت ضجه كبيره في السعوديه , وقالو ان مضمونها تافه و هدّام ومشوه لصورة بنات الرياض لأن الاحداث تدور حول اربع بنات لهم تجارب عاطفيه و تعرض قضايا حساسه .. إلا ان القصه عيبتني و طبعا ماما انتقدتها بعد .. لان ماما تكره نوع القصص الي اقراهم و تقول انها تافهه وبعديه عن الادب العربي وسطحيه !!

طبعا انا كل ما اقرى كتاب ماما تنتقده وتقول سطي , سخيف وماله هدف .. حتا المر و الفلاسي ما سلمو من لسانها

الموهيم

بس حبيت اشاركم بهالكتاب .. صراحه القصه عيبتني

الموهيم
في القصه : ان سديم وحده اطلقت من ريلها لانها .. يعني طلقها لانها ما تشبعه عاطفيا

وقمره اكتشفت بعد زواجها ان ريلها يحب وحده يابانيه !! وهي يوم اتزوجت اتزوجته تقليديا ويوم انتقلو لنيويورك عسب يكملون دراستهم عرفت انه ريلها خذها عسب يرضي اهله وهم مش راضيين انه يتزوج البنت الي هو يحبها

ومشاعل ما تقدر تزوج الي تحبه لان امها امريكيه .. واهل الولد وايد strict و يبون البنت تكون سعوديه ظهر وبطن !

ولميا هي الشخصيه الوحيده في القصه الي قدرت تزوج الي تحبه و نجحت في علاقتها !

نرجع الحين للكاتبه

الكاتبه صدرت اول روايه لها في لبنان وهي تواجه صعوبات في نشرها وطباعتها في السعوديه
والكاتبه وهي دكتورة اسنان توها متخرجه

والكاتبه تقول : إنها رمست عن قضايا حساسه والمجتمع السعودي قاعد يسد او يمنع النضر عنها ( سوري مب عارفه كيف اعبر نسيت الكلمه بالضبط بالعربي )
الموهيم

ويوم سالت الكاتبه في مؤتمر صحفي : تنوين القيام بكتابه روايه ثانيه بنفس المجال بس بـ قضايا اكبر
رد اخو الكاتبه أحمد وقال : الكاتبه بعدها مش متزوجه والمجتمع السعودي لا ينسى ولا يغفر !!!!!!!!!!

وهذا انتقاد قوي حصلته مكتوب على النت

http://www.asharqalawsat.com/leader....article=326981

وهذا بعد

http://www.aawsat.com/leader.asp?sec...666&issue=9918

الموهيم

تقول الكاتبه من بين العديد من الردود على هالايميل
تقول أب لبنت مطلقه حصل على الكتاب بعد ما طرشته له بنته المطلقه , والكتاب اثر على الابو و خلاه يصيح وقرر ان بنته ما بتعيش الحياه التقليديه لكل مطلقه !! ( طبعا انتو راعو ان المطلقات في السعوديه يعانون كثيرا .. يعني حال المطلقات عندنا ارحم بوايد من المطلقات في السعوديه )

انا ادعو الكل لـ قراءه هالقصه .. صراحه وايد حلوه

والسموحه على طريقة الكتابه الغير مرتبه

**الثعلب الرمادي** · 25-01-06 ||, 06:20 PM

و الله موضوع حلو اختي ام خدود و فعلا كتبتيه بطريقة حلوة و مختصرة

أرجع للرواية أنا فعلا قريت وايد روايات و في مختلف المواضيع و هذي الرواية سمعت عنها بسبب الضجة الكبيرة اللي صارت لكنها تخص الحريم و البنات اكثر مما تخص الشباب يعني شو يخصني أنا مثلا في تجربة بنت سعودية مهما كانت التجربة ما تعنيني اكثر مما تعني البنات

بس ما انكر شكل الرواية مسلية يمكن اذا كنت فاضي في المستقبل و مخلص كل روايات العالم و ما بتبقى غير هالرواية بعدين بحاول اقراها

من أيام قريت رواية مذكرات جيشا اعتقد بيصدر لها فلم من هوليوود هالسنة أو يمكن يكون صدر و الله مادري و الرواية تتكلم عن تجربة وحدة يابانية تشتغل جيشا من الملل و القهر قريت الرواية و خلصتها ... تعجبني الرواية يوم تكون عن ريال و كل اللي فيها رياييل و في شوي حريم بس يعاملون الحريم باحتقار و على الهامش يعني ما تكون الحرمة في الرواية شي اساسي لكنها اضافة تافهة لا بد منها أنا حبيت رواية آلموت للكاتب فلاديمير بارتول فيها شوي حريم و كلها رياييل الرياييل مسيطرين على كل شي و ما يرحمون حد و كلها حروب و اضافات حلوة صعب تتكرر في اي رواية و بعد تعجبني الروايات اليابانية المصورة مثل Lone Wolf and Cub هذي بكل بساطة تحفة فنية مستحيل تتكرر قصة حياة الرياييل بدون اضافات تافهة

**أتمنى** · 25-01-06 ||, 06:35 PM

ببساطه الكاتبه كانت تريد ان تكون

حديث المجالس و الاعلام و و و

و حققت ما تريد ! و أي مدح أو ذم سوف يبهجهها

على فكرة ..

لو أن رجل تعرى امام الناس في مجتمعنا لوصلت شهرته آخر الحدود ..!

و على فكرة "ثانية" :o برنامج استار اكاديمي من اشهر البرامج حالياً ............

اذاً الم تستحق تلك الكتابة الضجه الخاوية

~

ببساطه سيأتي احدهم و يقول الروايه " بئس الواقع"

و يأتي آخر ليقول الرواية " كووول "

.
.

من وجهة نظر خااااااصة .. حرام نطلق على

مذكرات شخصية لاربع فتيات .. أو محادثات مسنجر

اسم روايه !!!

الاسلوب ركيك جداً و المضمون سطحي للغاية

و ضياع الجمال الادبي في كل شيء !!!

.
.

باختصــــــــار

اذا علمنا لماذا نجحت و اشتهرت رواية "شفرة دافينشي" التاريخية العلمية

و رواية "عالم صوفي" التي تتحدث عن تاريخ الفلسفة

اذا علمنـــــاااا لماذا نجحت تلك الروايات هنااااااااك

سنعلم لماذا نجحت "دردشة" بنات الرياض هناااااا

**طير الحب** · 25-01-06 ||, 07:32 PM

وين ممكن ألقاها...؟

**العجيبة** · 25-01-06 ||, 08:10 PM

وصلتني الرواية ع الايميل ..

نزلتهـا على اساس اقراها في وقت ثاني

ما ادري في أي ملف حطيتها

نسيت سالفتها

أم خدود ذكرتني اليـوم !

من اللي كان مكتوب في الايمـيـل .. انـه الرواية عـاديه ، بس الناس سووا ضجة ع الاسم !!

رأي الاخت أتمنى واقعـي وجميـل ..

مشكورة أختي أم خدود .. طلعتي مهتمه بالثقافة في مجالات كثيره .. أحييج على هالشي ..

**الحساس** · 25-01-06 ||, 09:25 PM

يمكن لان الروايه بناتيه اكثر.. وبالتالي عيبتج ام خدود..
ودام بشكل عام .. رغم اني ماقريت الروايه الا ان المعظم ينقد الروايه وهذا يعبر عن رائيهم...

واضم صوتي للعجيبه..طلعتي مهتمه بالثقافة في مجالات كثيره .. أحييج على هالشي ..

**حلم الطفوله** · 25-01-06 ||, 10:17 PM

من فتره استضافها زاهي وهبي ببرنامجه وكان يناقشها عن الضجه بسبب روايتها

اعتقد والله أعلم إنها محاوله منها عشان تشتهر وتواكب برامج الواقع بإسلوبها بإنها تحدث ضجه بروايه عن بنات دولتها ؟؟ فعلا شيء غريب وعجيب؟؟ تكون شهرتي على حساب بنات بلادي ؟؟ وين الانتماء ؟؟

بكل مجتمع تناقضات وأغلب هالشخصيات إلي تناولتها رجاء دوشه

موجوده نماذج منها بكل المجتمعات الخليجيه على حد سواء...طبعا من خلال ملخص ام خدود عرفت المضمون

الكاتب بدال ما يتناول قضيه تخدم وطنه وتعالج سلبياته ...صار يستثمر رواياته للربح لا أكثر ولا أقل
كل ما زادت الضجه زادت الطلبيات على الكتاب .....مع إنه المضمون يكون أقل من العادي

فيه كتاب يتناولون مواضيع مهمه برواياتهم وأكبر مثال لو شفتوا مسلسل حور العين...يراوي المشاهد سلبيات العمليات الارهابيه على اهل للبلاد والوافدين ...صدق إنه المسلسل يمكن يكون عادي ..لكن شارك فيه الممثلين من كل الوطن العربي ...بهالحاله نقدر نقول إنه مثل هالروايات تعبر عن برامج الواقع بكل حذافيره لأنها تناولت سلبيه واقعيه بحياتنا وحاولت تعالجها على الأقل

وايد رمست أدري

....بس ليش الناس يهتمون بتفاصيل ونشر غسيل الناس ويزداد فضولهم لمعرفة النهايه ...؟؟ مع إنه واقعنا الحالي فيه مشاكل يشيب شعر الراس منها ومحد تكلم عنها

**بيور** · 25-01-06 ||, 11:35 PM

الصراحه انا اول مرة أسمع بهاااي الروايه ,, وحتى الكاتبه ,,
بس شكلها الروايه حلوة ,,

تسلمين ام خدود على الطرح ,,

المتفيجة ,,

**عنود الريف** · 26-01-06 ||, 12:24 AM

انا سمعت عن هاي الروايه والضجه اللي سوتها وانتقادات كثير من الناس عليها وخصوصا اهل السعوديه ..
انا لازم اقراها عشان انتقدها والا امدحها .. تسلمين اختي ام خدود بس عطيني اسم الروايه الغاليه لاني نسيتها .. اعرف الروايه باسم الكاتبه ..

**وعد** · 26-01-06 ||, 12:55 AM

بقرا القصه وبشوفها
مع اني احب قصص اغاثا كريستي

تشكرات خيتو ام خدود

**تحفه** · 27-01-06 ||, 10:43 PM

بخبركم شي .. انا خلاص مب مع الروايه ولا ضدها !!
توني مخلصتنها .. صراحه صدمتني ( على فكره الكاتبه تكتب بتحرر فضيع واحداث البنات وسوالفهم مب زينه

) اممممم هي تكتب على استايل قصص احلام مستغنامي بس على خفيف - بس مب وايد خفيف بالنسبالي صاعقه

( والله مادري كيف اقولكم .. ان شاء الله اييب لكم ايها من النت )
للحين ما اصدق انه هالقصص ممكن اتصير واقعيه

.. اليوم كنا نتكلم عن البنات قالو بنات جده ادمر من بنات الرياض !! معنه قصة البنات كانت فضيعه وايد .. عندهم شيء عادي البنات يطلعون بتناننير قصيره والشباب ما يلبسون لبسهم الوطني!! ..

خذت القصه مني تقريبا 10 ساعات .. وهي فعلا فعلا مالها هدف بناء .. غير انها تعرض قضايا حساسه قاعده اتصير وهي الشيء الي الكاتبه بغت تعرضه من خلال القصه

والسموحه

**نبراس الليل** · 28-01-06 ||, 04:14 AM

بعد ماقريت ردود الاعضاء

استنتجت شي واحد

الراوية روت هذه الرواية طلبا للشهرة والمال
وهذا ماوصلت اليه بكل سهولة

فهي تجاهلت أن من المتوقع أن تترجم هذه الرواية إلى لغات أخرى مما ستعكس صورة غير مشرفة للمسلمين عامة وللسعوديين خاصة

يتباهون بامتلاك الاقلام
كتباهي الطفل باالالعاب

**خيال الروح** · 28-01-06 ||, 01:10 PM

وايد سمعت عن هالرواية ,, ونزلتها بس لين الحين ماقريتها ,,,

حاولت انزل الروايه ,, بس كل ما انزها يكتبلي انه حجمها كبير ,,
فبحاول اجزئها ,,, وانزلها لكمـ ,,,

:
.
,,