رواية رجاء عبدالله الصانع !! الي احدثت ضجه كبيره!

[طير الحب]

انا بديت أقراها وشدتني ...بس طريقه كتابتها مش مرتبه بالأحرى اللهجة الي مكتوبة بها القصه...بس الصراحه شدتني جدا أحس بدايتها واقعيه وهالشرائح موجودة.

[طير الحب]

الشوق...شمه ما قصرت طرشتها...واذا حبيتها يمكن أفكر أشتريها بعدين.

[تحفه]

هي ادري .. بس هم حتا ((عادي)) عندهم بنات يتمشون مع اولاد عيني عينكم .. ييلسون على نفس الطاوله .. إلخ!!

[طير الحب]

أم خدود...هذا في كل مجتمع نتيجة العولمة...والبعد عن الدين الأسلامي

[طفلة من هذا الزمان]

شمـــــــــــة،،

صــدق الصــدق ...

ليش مستغربـــة

فلنحــاول أن نلمس واقــع الشخصيــات الموجودة .. بالفعــل كل التفاصيــل مرت علينــا .. بطريقـة أو بأخـرى .. بمن حولنـا .. في جرائدنا اليوميــة .. بكثير من الطـرق ،،

فلم ندس رؤوسنـا في الرمــل و نمثل أننــا بخير في حين أننا لسنــا كذلك ،،

طفلــة

[تحفه]

لا لا .. العولمه مالها خص .. ونا مب مطوعه ولا إني ملتزمه بالقو - يعني عاديه -
لكن والله ايخسي جي يصير لي و إذا يعتبرونها من نتايج العولمه - فـ مفهوم العولمه فاهمينه غلط

انا اعتقد انها هاي نتيجة التربيه الغلط والضغوط الزايده

يعني اتوقع لو خلّوهم هم يقتنعون بالاشياء قبل لا يسونها - ديكور جدام اهلهم - ما كانو جي بيستوون

يعني ها ويهي لو وحده بتتصرف جي جدام اهلها !! المجتمع السعودي مب فري لين هاذاكي الزود عشان نقول يمكن مش متحجبين واهلهم عادي عندهم ولا يمكن زملاء دراسه ولا whatever !!

حشى .. بشاكريهم يخلونهم يسلمون بالغصب و ويعلمونهم عربي قراتن وكتابتن بالغصب . . اذا ادخلو في البشاكير .. ما بيننون عيالهم !!

[شمه]

طفلــــة
يمكن كــ قصــه مشــابهــه.. يعني سوالف حب و خربطان يمكن..

بس هذيل شوفي كيف.. يعني حتى سديم يوم ويا ولد خالتهـــا.. يعني قصير وحالتها حاله وفاله الشعر..

و لميس يوم ويا علــي في المطعم عيني عينك..

ولا مشيل يوم ويا فيصل..

انا ما اقول احداث ما تستوي.. تستوي بس مب بهذي الطريقـــــه.. و بعدين هي ما تعتبر روايــة
فيها عجز في الترتيب و التنظيم و الطرح...

[تحفه]

بس انا منصدمه كيف وحده تتلبس حق واحد بعده ما استوى ريلها لا وبعد يا سلام يسوون العمله السوده
لا والاخ الكريم بعدين اختفى طبعا وهي الخبله تقول *اذا* طاحت من عينه من بعد الحركه الارعى ..

قصصهم ماساويه .. اتوقع البنات نفسيتهم تنهار من هول الاحداث

[تحفه]

البنات = كراكتيرات القصه

[أتمنى]

ام خدود .. كيف الحااال

14 سنه في السعوديه و ما شفت اللي اسمعه

يغصبون الخدم على الاسلام

يجلسون مع شباب في اماكن عامة

اذا الاساتذة الرجال ما يدخلون جامعات البنات

و الاماكن العامة ما تخلو من الهيئة

كيف بيصير كل ذا

؟؟!

السعودية كبيرة و حضارة مناطقها مختلفه تماماً

مثال بسيط و يمكن يكون دليل على ما اريد ايصاله ..

الشرقية اذا شفتي بنت بعباية كتف يكون شكلها ملفت جداً !

و في جدة اذا شفتي بنت بعباية راس يكون شكلها غريب عن جدة !

،،

اما عن الرواية و هل فعلاً نستطيع حصر

نجاحها الاعلامي الغريب جداً لمجرد ان الشخصيات

اثرت بمشاعرنا و شدتنا الكاتبة باسلوبها

و تناسي انها حصرت بناااااات الرياض "وشوفو كم مساحه الرياض"

بين اربع بنات بتفكير / اخلاق متقارب جداً جداً جداً !!!

و انها ضجت بالاعلام و ضج الاعلام بها و تناسى

أدب يعلو الرفوف يوماً بعد يوم .. و هو اغنى بلا شك

عن تلك الرواية في الاسلوب / الابتكار / المضمون

و يضيفون له الغبار اكثر و اكثر

بتقدير "رواية" ظلم مسماها بها .. !

[طير الحب]

أتمنى...

بس مب غريب أنه أديب كبير مثل د.غازي القصيبي يشيد بالروايه في حين استهجنها المجتمع السعودي...وأنا معاج انها اخفقت في اختيار اسم الروايه.

[تحفه]

والله ما اتمصخر كل البشاكير الي كانو يشتغلون في السعوديه
اجبروهم يتعلمون عربي .. و عندنا ثلاث بشاكير مغيرين اساميهم ومسمينهم اسامي ( !مسكينه ! ) والسبه انها اسماء موجوده في بين احد افراد عايلتهم

مثـــــــال

بشكارتنا اسمها الاصلي (هدايه) بس جلبوه وصارت (وحيده) لان اسم يدت العايله الي كانت تشتغل عن
هم قبل في السعوديه هدايه

ووحده اسمها فاطمه سمّوها (زوال) ويوم يت عندنا راحو القنصليه وردولها اسمها!!

ووحده كانت مسيحيه اسمها فيكي غيرو ديانتها و اسمها وسمّوها (ضريبه) = والله صدق ما اتمصخر !! ويوم يت عندنا شكلها من كثر ما تعقدت هناك قامت اتظهر حرتها و سفرناها

حتا الحين ما قمنا انييب بشاكير كانو يشتغلون في السعوديه

بس والله صدق يوم تسمعين سوالف البشاكير .. تظهر كل البلاوي و الفضايح .. ألله يستر جان ما بشاكيرنا بعد ما انسفرهم يشوهون سمعتنا .. بس حمدلله بشاكيرنا زينين من الف سنه ويانا

---

والي ييلس وي شباب في اماكن عامه - انا شايفتنه بعيوني في فيديو كانت المس تراوينا رحلتها في السعوديه واليمن اجازة نص السنه غير عن الي يقولونه البنات الي يروحون السعوديه .. بس اكيد يعني هالشي ما يمثل كل بنات السعوديه .. لأنكم ماشاء الله سبع مادري ثمان ملايين نسمه

[أتمنى]

:: طير الحب ::

كلامك صحيح و كثير اللي استغربوا دعم الدكتور غازي

لها بالرغم ان الدكتور غازي معروف انه يدعم الشباب

و الكتاب الجدد بشكل كبير .. و ياخذ بايديهم ..

لكن ما تسلط الضوء الاعلامي على

الدعم و المدح الا على هذه الرواية ! ليه ؟!!

:)

،،

:: ام خدود ::

بس اكيد يعني هالشي ما يمثل كل بنات السعوديه

:)

عواافي الغلا