.. أ لهذه الدرجــه .. فصخـن الحيـاء ..

[المقاتل]

.. عـــدنـــا ،، ..

حي الله من يونـــا .. أهلا وسهلا .. يا مرحبا مليااار ولا يسـدن .. ( الياه - خيال الروح - العجيبه - اخت اختي ) لي عوده معاكم وإلحينه مع الـ : -

.. اليــــاه ..

بمـا إنج ما وافقتي إن البنت إتم بين اسرة اجنبيه .. عنـدي لج سالفـة .. ( يقولج هاي قصه سمعتها ) الله يطولي عمرج .. هاي وحده اماراتيه .. سارت بيت أسرة اجنبيـه .. وكانت هاي الأسرة مكونه من أب وأم وبنت ولـد عمره 9 سنين .. اتقول البنت الحمدالله كل شي تمام .. فـ عقب فتره كل ليلـة تسمع حد يدق عليهـا الباب فالليل عـ الساعه 12 .. الله يحفظـج السالفه إن ولدهم لصغيـر يدق على لبنيـه الباب لغرض إبليسي ( ) .. عنبوا حتى لصغار ؟؟

أولا وأخيرا .. أنا أعارض مبـدأ العيش بين أسرة اجنبيه بالنسبه للولد والبنت .. اول شي هالشي لا من ضمن عادتنا ولا تقاليدنا .. ثانيا .. كيف الوزاره تسمح لهالشي يحصل ( خصوصا إذا كانت بنت ) .

والله تحصل بلاوي .. وأما عن سفر البنت بروحهـــا .. انا شخصيـــا أعارض هالشي .. ( أعارض إن كانت روحهـا في الغربـه ) لأن شرعـا ما يجوز سفر البنت بلا محرم .. فكيف أهاليهم يرضون إنهن يسافرن رواحهـــن .. كيف يتطمنون ؟؟
عندي شي ثاني .. كيف البنت تأمــن بأنها تمشي روحهـا في الغربــة ؟؟ ترا الغربه شينـه !!

اعذريني على الاطالـه في الرد ،،

ولكـن بخصوص لبس العباة .. قالولنـا .. بأن الأجانب يخافون من العباة الســـوده .. لبسناهم أحلى لبس بأحلـى عباه .. والعباه ألوان وأشكـــال .. وترا إلي تبا الستر الله بيستر عليهـا .. بس إلي تقول .. شو أسوي ؟؟ الله يكون في عونها .. من هاي الأشكـال وايد .
والله محلاة العباة السوده والشيله السوده .. هنه الله يعزكم مفاصيخ .. والله عفتهم من الخاطر .

شكرا على مرورج يالـ الياه .. ولا تحرمينا من وجودج ..

[أمواج]

وعليكم السلااام والرحمه
هلا والله بمقااتلنا
موضووعك حلو و اعجبني الصراحه
ياطويل العمر و السلااامه يوم بنااات البلاااد هنيه في بلاااادهن فاصخاات الحيا
وين في بلااااد غريبه ؟؟..
انا ما اقووول كل البنااات .. بس في فئه - الله يستر عليهم دنيا وآخره - ماشالله اتقووول كشختها حق عرس مب حق طلعه - ربي حسيبهن -
انا عن نفسي ما البس عباه لما اكوون مسافره بس الحمدلله لبسي زين ومب لافت للنظر ..
بس انا استغرب من هذيل اللي اول ما تطب ريلهن البلااد الغريبه مووول تتغير كليا - جنها ماصدقت - حتى اللي ماتسويه في البلااااد اتسويه برع .. انا ماعرف شو السبب ؟. عقول متخلفه والله _ ارجع واكرر مب كل البنااااات _

وبخصووص الاسئله اللي وجهتها لنا
1- ماعندي ماااانع بشرط وياها حد من اهلها ..الصراحه البنت ماتتخلى برووحها
2-طبعا لا ما اوافق على قعدتها ويا عايله اجنبيه .. الواحد مب مأمن فيهم ..فكيف يخلي بنته عندهم

[حلم الطفوله]

وعليكم السلام ورحمة الله وبركاته

المشكله يا أخوي مب في البنات والأولاد ...المشكله في أهاليهم الله يهديهم

الدلع الزايد وتنفيذ اوامرهم بدون تفكير بالعواقب المترتبه عليها

والمشكله لكبيره يا أخوي كلمة (عااااااااااادي) ! ...الله يرحم كلمة (منقوووووووود) برحمته

الكل منا يسافر ...والكل يشوف إنه العباه السودا وحتى النقاب موجود على الحريم والبنات بلندن وألمانيا وتايلاند.. يعني بكل مكان .... مش شكل قبل لما كانت عيون الاجانب تستنكر هاللبس الأسود

يمكن في فتره من الفترات وبعد عمليات الارهاب لمواطنات خافن يلبسن العبي السود فكانوا يلبسون لبس واسع وبنفس الوقت محتشم وساتر ...

نظرة البنت لنفسها كبنت عربيه شرقيه مسلمه لازم تكون أقوى من نظرة الكل لها ... أنيقه بحدود ...جذابه بحجابها ... ثجيله بعقلها ...رزينه بتصرفاتها ....

والآن نرجع لمحور حديثنا أقـول ما رأيـكم في سفر البنت للخارج لوحدهـــا ؟؟ منقوووووووووود ولو عدها طموحات خياليه ..فبلادنا موجود فيها أحلى التخصصات إلي تقدر كل بنت تتميز فيها
ومارأيكــم لو سكنـت بين أسرة أجنبيـــه ؟منقووووووووووود ...حتى ولو كانت هالأسره مسلمه ...وجودها مع رب أسره غريب عنها حتى ولو كان شيبه ومكحكح بعد الله ما يرضاه ...

استانست بالرد على موضوعك ...والله يكملك بعقلك يالمقاتل حسيت بإنك رجل والرجال قليل