BMW Z4 كوبيه

**ذنـيـنـي** · 25-01-06 ||, 03:13 AM

Z4 M بقوة 343 حصان
و الـ Z4 العاديه قوتها 265 حصان

**طير الغرام** · 25-01-06 ||, 03:31 AM

عجيبـــــــــــه الصراحه

تسلم أخويه ع الصور ^_^

**الـيـاه** · 25-01-06 ||, 03:32 AM

ون قلبيييي ون

انـــــــا اباااااااااااااااا .. ابا شرات الموتر الرصاصي لكن اســوووووود

.
.
.

**حبوبه دبي** · 25-01-06 ||, 03:42 AM

خطيــــر المــوتـــر

تسلــم نصــــــــور ع الصــور ،،

**ذنـيـنـي** · 25-01-06 ||, 03:45 AM

طير الغرام

تسلمين على مرورج
=========
الياه

ون قلبي ون و الحشا ذابِ
لوووووولز

اناابغي الزرقاء مثل ما هي,, بدون تغيير اللون,,
بتسابق وياج خخخخخخخخخخ

**ذنـيـنـي** · 25-01-06 ||, 03:47 AM

حبوبه دبي

تسلمين على مرورج الخطير, لول P=

**الـيـاه** · 25-01-06 ||, 03:59 AM

اوهوو

شو ها كل حد يصرقها مني ههههه ..
خلاص خلاص بس بعلمك انت .. يوم بتشوف شي حلو وتتذكر شي قول ون قلبي ون اوكي ؟

اوكي انت اشترلي اياها اول
وعقب بتسابق وياك قد ماتبا

.. ان شاء الله نوصل خط الاستواء

وبس لول
ماطلبت شين كثييير

**أمواج** · 25-01-06 ||, 03:21 PM

عجيـــ ـ ـ ـبه السياره
واللي لوونها ازرق وايد حلوه
تسلم على هالصور

**راعي الزعـامه** · 25-01-06 ||, 05:09 PM

السيارة عجيبة

بس الــ BMW

**الثعلب الرمادي** · 25-01-06 ||, 05:40 PM

مع احترامي لسيارات الـ بي ام في لكن الـ Z4 بالذات حالة خاصة يعني سعرها مرتفع بشكل كبير و يقترب من سعر الــ M3 ما أشوف إن شراء مثل هذي السيارة فكرة حلوة خاصة إني في سيارات أغلى منها بالسعر بشوي و أقوى منها بوايد مثل دودج فايبر SRT-10 و أعتقد إن أفضل سيارة رودستر من كل النواحي القوة و السعر و الشكل و الأداء هي سيارة هوندا S2000 عيبها الوحيد إنها بدون الانظمة المساعدة في القيادة يعني السائق المحترف بس يقدر يطلع كل قوتها عكس Z4

و شكرا على الموضوع الحلو أخوي

**ولد الشحوح** · 26-01-06 ||, 12:53 AM

صراحة حلوة بس احلى BM جفته M6

**ذنـيـنـي** · 26-01-06 ||, 04:04 AM

تسلمون على ردودكم

الثعلب الرمادي

الهوندا S2000 او المسماه S2K تعتبر سياره (( للقياده )) الرياضيه حيث انه لا يوجد انظمه ( غبيه ) تخرب عليك اللحظات الخاصه الي تعيشها و انته تقود سيارتك
يعني الي بيشتريها لازم يكون انسان محب لقياده السيارة بمعنى الكلمه الحقيقي

و اصلا معروف انه انظمه الامان المساعده تعتبر العدو الرئيسي لعشاق (( قيادة )) السيارات

ما اعتقد انه في شعور اجمل من شعور انك تشم ريحه اطاراتك و انته تسوق سيارتك بكامل نشاطك و عنفوانك, بدون تدخل الانظمه المساعده الي ترفع ضغطك بسبب تدخلها في اوقات غير مناسبه.

انا اشوف انه قمه المتعة بالنسبه لي راح تكون في سوبرا او او احد السيارات الامريكيه الصعبه مثل الكورفت او الفايبر,, و طبعا السيارات هذه تتفوق من ناحية "متعه القياده" لكن يفهم معنى القيادة الحقيقي ,,

لكن اذا كان الشخص الي بياخذ السيارة بنت او "شاب دلوع" او شخص ما يعرف لذه القيادة الرياضية, فالافضل له انه ياخذ BMW على انه ياخذ كورفت او فايبر, لأنه بيقول ليش مافيها شاشه, ليش مافيها DVD, ليش مافيها ما تنزل جير اتوماتيك, ليش ما فيها مانع الانزلاق و مانع الانغلاق و مانع الـ ما ادري شو