أصعب موقف!!

[اخت اختي]

السلام عليكم ورحمة الله وبركاته،

أصعب موقف في هالحياة يوم تغلط أو اتزعل أعز إنسان!!
هل مريت بهالموقف..؟

حابة من الكل أن يتفضل ويخبرنا الموقف وشو سوا.. يقولنا كيف راضى أعز ناسه.. ويعطينا بعض النصايح..

سؤال صريح: هل انت مستعد اتذل نفسك علشان ترضي أعز ناسك.. وإذا نعم، لأي درجة؟

بالنسبة لي.. مستعدة أذل نفسي علشان شخص تعب في يوم لأجلي... علشان شخص عطاني الثقة في نفسي.. علشان شخص حسسني إن الدنيا ما تسوا بدوني.. علشان شخص يحبني ويحترمني.. اختي..

أتمنى من الكل يشارك

[وعد]

الصراحه انا مريت بهالموقف
يعني زعلت اختي العوده مني علي شئ تافه ما يسوي وبعد فتره طلع كلامها هي صح
وفكرت كيف اراضيها وذيج الفتره كان ولدها الصغير منوم بالمستشفي وكان يوم عيد ميلاده
فدخلت عليهم المستشفي ودخلت غرفة ولد اختي واختي كانت موجوده وشافوني داخله بالكيك والزينه والنفافيخ حق حفلة العيد ميلاد كانت مفاجاه لانهم نسوا موضوع العيدميلاد وسويت عيدميلاد ولد اختي بالمستشفي واستانس وووووووايد وحتي اليهال الي منومين معه بالجناح استانسوا سويت لهم حفلة عيدميلاد صج ما خليت شئ هههههه
اختي قالت لي اخر شئ " الله يخليج لي" فعرفت انه راح الزعل

تسلمين حبيبتي

[اخت اختي]

الله يخليلج اياها ويحفظها لج.. ويقوي المحبة بينكم

تسلمين عالمرور الشيخة

[اخت اختي]

محد حاب يفيدنا ويتذكر الموقف الصعب؟؟

[ألم ترى]

بسم الله الرحمن الرحيم ..

وعليكم السلام والرحمة ..

واحد مني ما احب اذل نفسي ولكن كل شيء يرد مثل ما كان بمجرد اتصال مني كان او منه ..

يعني انا استهبل اونه متصل فيه عشان اسآل عن شغله معينه كنت ناسيها فبيتهم فهو يقول اونك زعلان ؟!

هذا اللي عندي وكل الشكر والتقدي عـ الطرح اخيتي الكريمة ..

ربي يحفظك ..

[اخت اختي]

مشكور اخويه عالمرور والمشاركة :)

[دموع قلم]

وعليـكم السـلام ورحمـة الله وبركـاته

أزعـل وأرضـى بسـرعـة, أسيـر عنـد هـاك الشخـص وأكلمـه ويـه بـويـه
مـاحـب أكلـم بالمسجـات أو التلفـون حتـى إذا في أمـر محــرج..!!

أشكـرك أخـت أختـي على الموضـوع
وربـــي يعطيــك العـافيــة..

:)

[اخت اختي]

الله يعافيج.. مشكورة عالمرور اختي ولمشاركة :)