السلام عليكم
من فتره سرت انا وربيعتي ويا خالوه مركز دبي للتوحد لانها مشرفه عليهم هناك
وانا ماكنت اعرف شو يعني توحد.. ع بالي نوع من انواع الجنون او التخلف لكن طلع شي ثاني
طلعوا ناس طبيعيين بس مايقدرون يندمجون ويتواصلون ويانا
أول ما يلست تخبرنا عن كل واحد يلسنا نصيح , صدق والله عورولي قلبي
التوحـد : يعني انهم مايحبون يختلطون بالناس ولا يرمسون ولا شي .. مب بلمان .. بس مايعرفون يرمسون وكله يحبون ايلسون بروحهم وفي منهم كانوا ما ايلسون الا فالظلام
وكل واحد له حاله خاصه نادرا ً ماتشوفون اثنين نفس الشي .. وعادي مايفرحون لشوفة امهم او يختلطون باللعب ويا اليهال أو يستغربون إذا حد صاح أو زاعج .. كله واحد
لهم عالمهم الخاص ومايحبون حد يشاركهم فيه..
وهالشي يستويلهم من وايد أسباب والسبب الرئيسي هو انه هالمرض وراثي
تقول خالوه في واحد اول ما يابوه تعود علينا وجي .. لكن كل ما يجوف حد غريب
يركض ينخش في الكبت عسب اييلس فالظلام ويتم يصييح ويصيييح بدون صوت
ع فكره : يوم ترمسهم يفهمون عليك بس مايبدون اي اهتمام
وكل واحد منهم له اهتمامات يعني مثلا ً هالولد
( اسمه مجد , لبناني )
يحب الترتيب : يعني مره كنا يالسين ع الطاوله شفته قام فجأة .. اتحسبه بيشرد قمت وياه
طلع انه سار بيعدل المخده اللي ع الكرسي لانها مب في مكانها ..
وإذا شاف ورقة كلينكس ظاهره برع القوطي يركض يدخلها.. مره كان يلعب ويركض
شاف ورقة الكلينكس برع القوطي دخلها ع السريع فـ تحرك القوطي بكبره .. جان يرد ويعدله
وايد حبووب ولو مايرمس وبعده هذا مايعرف يكتب ويقرا .. وإذا يبا شي يسحبك لين مكانه
( اسمه بيفن , باكستاني )
هذا من يشوف اهله يتم يصييح ومايبا يسير وياهم.. قلتلكم ان كل واحد له اهتمامات
هذا يحب يشم الأشياء : أي شي يشوفه أول شي يشمه ..
أول ما ييته الظاهر انه أول مره يشم ريحه عطر .. تم يشم شيلتي
ويزخ ايدي ويشمها مسكين .. وعقب يوم تعود علي يتم يأشرلي ع قلبه انه يحبنيهههه
( هذا اسمه كريشتا شي جي , هندي )
لكن هذا يعرف يكتب ويقرا .. لكن مب وايد يعني كم كلمه ويكتب اسمه وجي بس بعده مايرمس
وهذا يحب يرتب : لكنه يرتب كل شي على حسب لونه .. ياخذ كل الألعاب ويحط كل لون بروحـه
على الرف .. وسيده يلاحظ إذا في شي متغير ويرد يعدله ..
وفي وايديييييين بعد لكن هاذيلا اللي رضوا اني اصورهم
بس هاذيلا اللي من زمان فالمركز يعني تعودوا شوي .. بس في ناس في مكان خاص
بعدهم مايقدرون يختلطون مع الناس
ادعووولهم والله غمضوووني
صدق إنـا ناس عايشه للوناسـه بس وماندري ولا نحس باللي يعانيه غيرنا
.
.
.
رد مع اقتباس
مواقع النشر (المفضلة)