العضوه بلوة حلوة في المستشفى مسويه حادث

[نبراس الليل]

اجر وعافية وان شاءالله تقوم بالسلامة وتكون احسن عن اول

ربي يحفظها من كل شر شكرا على هذا الخبر السار

[أمواج]

إن شاء الله نشوفها جريب في واحاتنا

[عفاريتووو]

حمدالله ع السلامة :)

[أمواج]

الحمدلله عالسلاااامه يا B7
وان شاء الله أخر المصايب حبووبه

[أمطار]

الحمدلله ع الســــــــــــــلامه ريماااااني ..

[وحي القلم]

الحمدلله عالسلامه ريماني

و سامحيني.. توني دريت

[لمّــاح]

ماشاءالله !

الحمدلله عالسلامة، و ماتشوفين شر ^_^

و الله يرحم الصغاريه الي ماتو، لا اعتراض على امر الله :)

الله ايوفقج في حياتج، عاد الحين انكتبلج عمر يديد و الحياة فتحت ابوابها لج مره ثانيه، احمدي الله الي سلمج من هالحادث و الله ايوفقج في حياتج العملية و العلمية و الإجتماعية ^_^

السموحه :)

[العجيبة]

وانا ما ادري شو ياني يوم كنت راقـده ، حسيت انه شي مستوي في الواحات ، ثرج انتي اهنـه خخ

لا اصلا يوم شـردت أول مرة ، خفت من عمتي الوكيله خخخ

ولكم ولكم السااااااااع ،

[أكسجين]

ريماااااااااني هُــنا ,,

هــــلااااا و اللـــــه ,,

نورتِ حبيبتي ,, و الحمد لله على سلامتج ,,

يـ الـلـه مب الواحات بس منوره اليوم ,, النت بكبره منور,,

وربي لج وحشه ..



[ صح في عوااار فظيــع يروح ويرد .. بس لازم عشان العملية ]

سلامتج من العوار يارب ,, وان شاء الله تخف ريلج بأقرب وقت ..

وما يرجع لج هـ الألــم ابد ..

[ والحادث كان قبل منطقتكم بـ عشر دقايق تقريبا ]

هيه ادري عندي خبر بـ هـ الشي !

[ ثانكس ع توقيعج .. جان استحـي * الله يخليج حبوبه ]

هذا ولا شي في حق غلاتج ,,

.
.

بـ انتظار عودتج شرات قبل



اجر وعافيه يارب ,,


\
/

[المقاتل]

الحمــــــــدالله على السلامـــــــــــه .. وما تشوفين شرررررررررررررر ،،

وان شاء الله بخير وعــــــــــــــــــــافي ه ،،

الله يشفيج ان شاء الله ويحسنج لأحســـــــــــــــــــــ ـــــــــــــــــــن ^_^ ،،

.. المقاتل ..

[صدى جوفي]

الحمدلله على سلامتــج،،،

خطــاج السو أختي ..

وطمنتينــا عليج بردتج بالسلامة ^_^

[حبوبه دبي]

الحمدلله ع السلااامــه ،،

وان شالله يخــوز عــنج هالعــوااار جريـــب ،،

لــج وحشــه ويــاراسج

كنــت بمــر عليــج المستشفــى من عــرفت بــس نقلــوج الحمدلله من المقصــب

الحمدلله ع كــل حــال ،،

والسمــوحه

ارتــاحي عـن اللعبــه

[نجمة دبي]

حمدلله على سلامتج حبيبتي .. نورتِ الواحات ..
وان شاء الله تقومين بالسلامه .. وانشوفج تربعين في البيت .. خخخخ اسولف حبوبه من الفرحه ..

الله يرحم الصغاريه ..

والله يشفي الحرمه اللي كانت وياكم .. ويقومها بالسلامه ..

حمدلله على سلامتج والله ..



نجـــــــ دبي ـــــــمة

[بلوة حلوة]

آااخ المشواار طويل جـدااامي
وأبى أرد عـ الكل اليوم لول ..

الحاضر الغايب ..
الله يسلمك (=


عفاريتووو ..
الله يعافيــج ويخليج


اخت اختي ..
الدوام لله .. الله يخليج ..

الدلوووعه ..
الله يسلمج حبوبه .. ويبعد عنج الصدماات ..



دمعة العيـن ..
الله يسلمج حياتي ويعاافيج ..


الاسطوري
الله يعافيك اخوي ..

عنود الريف
الله يعاافيج .. واتطمني .. العمليه عـدت على خير (=



كلكلكلووووللووش
الله يسلمك ويعافيك خيّـووو


خيال الحب ..
قـدر ومكـتوب .. وهذا أجلهاا ..
وبالنسبة لأخـوها الحمدلله حالته تحسـنت
بـس للحين غياب اخته عنه مأثر عليه ..
اللي متعبنه انه يترياها !! ..
من يومين حالته شوي أحسن .. يالله مع الايام بيتعود وبينسى ..


العجيبه ..

فديت خشمهـااا تضحك حتى وهي مريضة وتعبانة وخشمهـا فيه وايرات

لازم أضحك يوم بشوفج . ههه ويا ويهـج جـان استحي ..
لا بس الواحد لازم ابتسامته ماتفارقه ههه ..
تدرين هالوايرات لان نبضـي هاك اليوم وصل 200 وكان المفـروض يكون 97 أو 96
تخبل قلبي مادري بلاه لول


دانة حتـا
الله يسلمج الشر ما اييج اختي ..

الجديدة
الله يخليج ويسلمج الغاليه


عيون الليل
الله يسلمج .. وصدقج اللي مايعرف قام يسـوق
وهاييلا يسوقون عكس الناس .. طلعولنا بالويه
وبلغني سـلامج


أم غزووز

اليوم دعيت لها في صلاتي .. بشروني شو صار عليها ؟

مشـكورة حبيبتي الله يخليج ويوفقـج فـ دينج ودنياج .. (=


أنشودة المطر
الله يخليج الغاليه ..

مسافر للجفا
ربي يبعد عنك الصدمات
الشـر يبعد عنك ان شالله (=

العيناويه
الله يخليج اختي ويردج لنـا بالسـلامه *عرفت انج برع البلاد عشان العلاج*
ان شالله ربي يعافيج ويطمنـا عليج (=


هزاايم

إختيه ريماني هزااايم رااح تقول كلمه وهي عندها بإذن الله بالإثنين رااح نروح نعتمر وربيه ماراح أنسااج ربي

الله يسلمج حبيبتي ويخـليج .. وربي يتقبل منـج عمرتـج ويغفر لج ان شالله
مشكـورة غلايه ..


الفنوديه ..
ونعم بالله
الله يسلمج الغاليه


بنت الدلع
قدر ومكتوب
الله يعافيج حبيبتي الشر ما اييج ..


محب الشيخين
الله يسلمك اخوي .. وهيه الكسـر فـ *الفخض*
وحطـولي *صيخين* بلاتين فـ ريلي ومسامير ..
والحمدلله ع كل حال .. الدكتور يقول الكسر ان شالله بينجبـر
بس العضلة عندي تعبانه ولازم اضاعف التمارين

انصدمت يوم قالولي ان ابو البنت وياي فـ الدوام ..

والله من احسن الشباب الله يصبره ويعينه وهو العين عليه من زمان لا باركم الله فيهم ..

احيد قبل كان يكلمني عن بنته وعن الشطانه ويقولي انه فاتح لها ملف خاص فـ الزهراوي والدكاتره هناك يموتون عليها ..

الدنيا صغيــره ..
وبالنسبـه لأبو البنت .. تصدق ان بنته الي ماكانت ويانا فـ الحادث *عنده بنتين وولد*.. من كم يوم صارلها موقف بس ربي سلمهـااا كانت بتيهـا قويه بس اللي ياها منه *بسيط* والحمدلله ..
وبالنسبة لبـنته اللي توفت .. صدقك والله كـانت بنوته *غييير* والكل يشهـد .. وكل اللي حوالينـا
يتخبلون عليهـااا وعـ رمستهااا وسوالفها .. الله يرحمهـا وبإذن الله طير فـ الجنة وتشـفع لوالدينها ان شالله ..



يتبع ،،

[بلوة حلوة]

اييه شكلي برد على كل حـد 10 مراات كل شوي أشوف نك يتكررلي
اذا شـ سمه .. طوفولي اياها ههه


أم خـدوود

انتوا من وين اتييبون علومها ؟؟!!
والله اتخلون الواحد يستعيب !!

العجيبه ، حزينة الشحوح ، هاييلا ربيعاتي
الوحيدة ، بنت اختي
محب الشيخين ، طرالج انه يعرف ريل اختي *ومن هالسالفة بس درينا*
بس سمو الأمير للحين ماعرفته منــووو !!




طير الغرام ..
قدر ومكتوب حبيبتي
والله يسلمج .. ويبعد الشر عنج ..


المتفيجة *يبور*
الله يسلمج حبوبه

همس الشفايف
الله يسلمج حبيبتي


حبوبه دبي
الله يسلمج ويريح قلبج دووم .. (=


قلوب دبي
الله يسلمك وبلغني سلااامك
والله يرحمهـا البنوته


سفير الخيال
الله يخليك ويحفظك من كل شر اخوي
بلغني سلامك (=



أمير القلب
الشر ما اييك خيّــووو ..


دمعة شوق
بلغنـي سلاااامج .. السالم من قال حبيبتي
الله يخليج الغاليه ..


العجيبه

خلاااااص طلعت من المستشفى ..

وبوظبي ظلمت لانه ليتها راح عنهـا > ردت راس الخيمة

كـان المفرووض أكمل هاك الأسبـوووع .. بس طلعوني عشـان واحـد حالته تعبانه وأونه هو أولى
بالغرفه لان ماشي غرف فاضيه هاك اليوم .. شكلهم ملـوا من رقعة ويهي ههه ..
يالله الحمدلله .. افتكيت من النيرس اللي توعيني الساعه 4 ونص عشان تجيك عـ الضغط والقلب والتنفس .. وكل ما اتي تقولي ركبي الواااير *اللي علقتي عليه ههه* لاني يوم أرقد أجلعه وهي تتحرطم ههه ..



شوق القلوب ..
انا اللي ولهت عـ راس الخيبه مب وايد شوي هههه



أحلى منصـووري
الله يسلمك اخوي
ومسـمووح ..
والحمدلله عـ كل حاال ..


آاااخ خلصت الردود الجدييمه .. الحين بنبـدا باليديييد