العضوه بلوة حلوة في المستشفى مسويه حادث

[بلوة حلوة]

احم احم ..
جــااان أوصل انا ..

باااااااااااااال 8 صفحااات .. جان استانس :D

اشكــركم جمييعا على الرد ودعواتكم لي .. والحمدلله حالتي أحسـن بـ واايد

صح في عوااار فظيــع يروح ويرد .. بس لازم عشان العملية

وطبعـا للحين امشي بالعكـااازين .. الكبر شين يا ناس لول ^.^"
لو تشوفوني كيف قاعده الحين ههه ضحك .. بس شـ سوي *ملل* ومافي الا النت لولز

يالله فترة وبتعــدي ..

قبل لا أرد عليكم واحـد واحـد .. بستلم راعي الموضوع ههه


سمـو الأمير .. فـ البدايه .. أحـب أشكرك على الموضوع ودعاك لي بالشفا .. والشـر ما إييك ..
بس أقـدر أعرف من وين ياك الخبر ؟ أو كيف تعرفنــي ؟
فـ البدايه نزلت الموضوع وعطيت الخبر واللي تعرضت له عـ ساس انك تعرفني ..
وبعـدين رديت تشـكر اللي يابوا أخباري بالتفصيل .. معناته انك تعرفني *عن بُـعد* !!
اذا ماتقـدر تقـول عـ العام .. اتريا منك رسالة خاصه .. ويا ريت انك تسوي اعتبار حق سؤالي
لان اللي قبلي سألووك وطنشت سؤالهـم .. فـ عسب جـي يا ريت لو تخبرني منو انته !!
وأشكرك مرة ثانيه ..

[بلوة حلوة]

هموم الحـب ..
الله يسلمج .. الشر ما اييج

اناستازيا ..
الله يسلمج ويعافيج

المزوحي ..
الشر ما اييك ..

خطاب ..
الله يخليك اخوي .. ويسلمك ..
وانا بعد ولهههت عـ الواحات لول
وعن السرعه الحمدلله دريولنا ماكان يسرع مع انه مش من عوايده بس
السياره الثانيه سمعت انهم مسرعين !! لا والقهر يمشون عكس السير يعني طلعولنا بالويه
ماتفكـرونييش كان شي شنيييع :ghostface الحمدلله ع كل حال ..

العجيبه ..
انتي يبالج رد بروحج فديت روحج انا
زارتني مرتين .. الاولى شبهت عليها وعقب عرفتهاا .. كشخه يتني سلمت وشردت تقولون بعضها صح شكلي كان يزيغ بس مب جي عاده
والثانيه الظاهر شكلي كان فيها أهون ههه
الله يسلمج ويخليج حياتـي ..

الحساس
السوء بعيد عنك ان شالله ..والله يعافيك ..

المتفيزرة ع العرقوب
السالم من قال اختي ..

عافك الخاطر
الشر ما اييج ..
واللي توفت بنت اختي مش ولدها

سفير الخيال ..
الله يخليك اخوي وسلمـت روحك ..
وربي يرحمهـا )= .. شكرا ع التثبيت ..

بحر الموده
وعليك السلام والرحمه ..
الشر ما اييك اخوي ..
ربي يسمع منك وبإذن الله هي طير من طيور الجنه

حزينة الشحوح
ماكان فيني غير الكسر ها يوم كنت فـ مقصبة صقر !!
بس يوم انتقلت مستشفى خليفه .. طلعت فيني أكثر عن عله بس الحمدلله ع كل حال
كل شي تشافى وباجي الكسر والشـرخ اللي خبرتج عنه

أتمنى
الله يخليج اختي .. ويبعد الشر عنج ..


يتبع ،،

[بلوة حلوة]

ذنـيني ..
أوه خال ماشالله *ترقيت* .. مبروك مبروك شد الهمه
والله يخليك اخوي .. ويبعد الصدمات عنك

البــاز ..
مبرووك النك اليدييد
والله يخليك اخوي (=

مزن هتان
السالم من قال اختي .. والشر ما اييج .,.


فراشة ود ..
فديت احساسج انا والحمدلله عـ كل حال


حلم الطفوله ..
الله يخليج حبيبتي ..

اليـاه
الشر ماييج فديتج ..
وينج يالدبه .. لا مسج لا اتصااال .. ماحبـج انا ..
اوه صح قالولج موبايلي انسرق ف الحادث .. طلعت بدل فاقد
بس جـاري البحث عن هاك الجـهاااز لان فيه اشياء خاصه .. حاليا للحين محد استخدمه
*يعني مانحطت فيه بطاقه ثانيه * .. بس يالله عسى يرجع لي
دبوه طرشي مسج أو دقي لان رقمج ف الجهاز الاولي .. وسمعي اذا طلع لج رقم غريب انا مالي شغل
ههه ردي انزين يمكن حـد يتخبر عن مكااني ههه


غرشوب
الله يسلمك اخوي .. وربي يسمع منك

نجمة دبي
الله يسلمج .. والشر ماييج
الله يبعد الصدمات عنج

شوق الصحارى
السالم من قال اختي ..

يبور
الله يعافيك اخوي ..

أم خدود ..
الله يسلمج حبيبتي ..
وبالنسبة لسوالج * كيف تعرف بلوه حلوه وشو تصير لها * انا بعد أوجهه له


ريم العين
الله يرحمه ويهدي اللي كان يسوق .. عيل يمشي عكس السير فـ شارع عام !!
الله يهديه ان شالله ويقومه بالسلامه .. لانه للحين ف المستشفى .. والثاني طلعوه ورد البيت
بس سمعـت ان مش عارف شو صار له يعني ذاكرته شكلها تأثرت !! الله يشافيه ..


لمّـاح ..
ربي يرحمها .. والله للحين مش مستوعبين غيبتها ..
كانت نور بيتنـا .. الله يرحمها .. والحمدلله ع كل حال .. !
اعتقد عرفت ان الحادث صار فـ راك
الله يسلمك خيّـوو

يتبع ،

[شوق القلوب]

أخيــــــــــــــــــراً نـــورت الواحـــات بالحلـــوين.. ^_^

الحمد الله ع الســــلامه... أتولهنا عليـــج و الله

[ألم ترى]

بسم الله الرحمن الرحيم ..

اذا الكسر كان فـ الفخذ فيعني حطولها حديد وربي يعافيها ويصبرها ومأجوه إن شاء الله ..

وصلي سلامي لها ولو اني جريب من ديارهم ..

الله يحفظها ..

[العجيبة]

لا حطوا لها حديد أول شي ، عقب غيروا رايهم وحطولها بلاتين ..

[مجرد إحساس]

الله يشفيها إن شاء الله ...

مسكينة ما تشوووووووف شر ...

والله يرحم بنت اختها ...

[الدلووووعة]

الحمدالله دام انها احسن عن قبل
وان شاءالله تشفا وتصح وتستوي بخير

[دمعة شوق]

الســــــــلام عليــــــكم ورحـمة الله وبــركــاته

الله يشـفيـهـا ياربيـه ويقـومها بالسـلامه
والله يـرحم بنت ختـهــا والله يصبـر عربانهـا
،.،

وســلمــوا عليـــهـا ســلامن جــثــير جثــير

،.،

[لمّــاح]

الحمدلله على كل حال .. :)

[أمرين]

الله يعافيها إن شاء الله ...

ما تشوووف شر الغالية ...

والله يرحم بنت اختها ...

[ألم ترى]

بــسم اللـــه الرحمـــن الرحيـــم ..

اللـــه يعــافيها ويأجــرها عــ ما ابتليـــت بـــه ..

فــ انتظـــار الأخبـــار اللـــي تفـــرح ..

مـــع الســـلامه ..

[عنود الريف]

ما خبرتونا شو اخر اخبار بلوتنا ؟؟؟

[العجيبة]

خلاااااص طلعت من المستشفى ..

وبوظبي ظلمت لانه ليتها راح عنهـا > ردت راس الخيمة < ..

[شوق القلوب]

الســـلام عليـــكم..

.
.

رأس الخيــــمه أكيـــــــــــــــد مشتاقتلها..

ربــــي يعافيـــها.. و انشـــوفها بينا جـــريــــب..