متحف قصر العين

[الحاضر الغايب]

السلام عليكم

هذه الصور صورتها في متحف قصر العين اتمنى انها تحوز على رضاكم ... وانتظر تعليقاتكم حول الصور ...






















اللي يقول اسامي آخر ثلاث صور شو وفي شو كنا نستخدمهم ... له جايزة ... بطرش له بطاقة تلفون بو 25 درهم ... ما عندي اكثر لاتستوون طماعين

بإنتظار آرائكم وإنتقاداتكم حول الصور ...وردوكم على المسابقة الصغيرة

اهم شي انتقاداتكم حول الصور .. مب المسابقة ...

والسموحه ...

[حلم الطفوله]

وعليكم السلام ورحمة الله وبركاته

اكيد الصور حلوه

ولكن؟؟
الصوره الثالثه عيبني انعكاس المكان داخلها بس حامل القرآن يباله شيء؟؟ تضبيط اشوي

الصوره الأولى صورة تنور وعليه تاوه
الصوره الثانيه علاقة ثياب
الصوره الثالثه خرس ماي

هذا والله أعلم

[الاسطوري]

السلام عليكم ..

متحف قصر العين لازم كلنا نزوره ونشوف وين كان عايش أبونا المرحوم
الشيخ زايد ووين غرف أعياله وفيه أشياء كثيرة بس الحاضر
صاير بخيل هالأيام مايصور كل شي
وصورك حلوه وحبيت
أعلق على الصورة الأولى أنك لو صورتها من مستوى منخفض
قريب من مستوى الماي وايد بتكون أحلى وهاي
وجهة نظر لا أكثر ودام الموضوع
فيه مسابقة يثبت
كم يوم


الاســـطـــوري
أخوكم

[ريم العين]

الصور حلو

بسانا داشه عسب المسابقه هههههه

الصوره الاولى تنور لطبخ القهوه
الصوره الثانيه لقفل الباب
الصوره الثالثه جره للماي*-*

يارب صح

[مــهــابه]

أول شــي .. تسلم اخـويه ع الصـور الحـلوه.. صور تـاريخـنا وحضارتنـا..
كـان بودي اخلي امـايه تشوفـ الصور وتغششني .. لكـن لسـوء الحـظ.. مب موجوده في البيـت انا بخـمن واللي فيـها .. فيهـا..

الصـوره الأولـى تاوه يشخلـون فيها القهـوه..
الصـوره الثـانيه يمكـن التنوور ( مب متأكـده)
امـا الاخيره فهي يحطـون فيها المـاي ويشربون منه..

عيبـتني الصـوره الأولـى وايد

تحيـاتي لكــ

[الحاضر الغايب]

حلم الطفولة ...

صح كلامج حامل القرآن كان لازم اطلعه شوي ... بس المشكلة انه تحته كانت شي القاعدة وخربت عليت .. فصورتها بهذه الطريقة ... ان شاء الله بنتبه للتصميم اكثر في المرة اليايه

عندج اجابات غلط

الاسطوري ...

صحيح كلامك واكثر من واحد قالي لو مصور من مستوى الماي كان حلو ... انا ما يا على بالي .. وفي هذه الصورة كنت على الجسر الصغير وصورت ... ان شاء الله بضبطه المرة اليايه ... شو ورانا نحن يالسين في العين وماشي شغل .. ولا انت شو رايك ..؟

مشكور على التثبيت عزيزي ... بس ما ناوي تجاوب ولا ما تعرف اسامي الاشياء الله في الصور ...؟؟


ريم العين ... مرحبا اختي

انزين عندج غلط في اجاباتج

ومشكووره على المشاركة ...

[الحاضر الغايب]

لالا كله ولا امج بتعرف على طول ... الله يحفظها ان شاء الله

وللاسف عندج اجابة غلط

شكرا على تعقيبج اللي اسعدني

[شوق القلوب]

الســــــــــــــلام عليــــــكم و لد عمــــــــي

.
.

الصـــور..مممم كلهم عيبوووونـــي ماشاء الله عليك..!
.
.

وبالنسبه لأسئلتك..

1- تاوه اللي يقلون فيها القهوه.

2- قبضـــة جـــدر عوووووود.

3- حــِـــــب اللي يكون فيه الماي بااارد..

.
.

ان شاء الله طلع مني شي مفيد..!

[الحاضر الغايب]

وعليكم السلام

تسلمين على تعقيبج بنت عمي ...

ههههههه ماشاء الله عليج كيف عرفتي انه مقبض الجدر ؟؟

نفس ما قلتي ... اجاباتج كلها صحيحه .. والجايزة واصلة ان شاء الله



وبإنتظار تعليقاتكم على الصور

[حلم الطفوله]

مبرووووووووك شووووووووق عاى الجايزه تستاهلين
بس لا تعلقين وايد على علاقة لثياب

[شوق القلوب]

يا سلااااااااااام..

قوموا عني

جــــــــ ـــــاوبت صـــــــــ ــــــــح

.
.

حلم الطفوله..

ضحكت ليييييييييييييين ما تعبت

بس لا اتحاولين تترجييني عشان البطاقه..!

[أمواج]

الصور ماشالله غاويه
وانا عيبتني الصوره اللي فيها الدلااال مال القهوه واااايد ..

[عنود الريف]

مرحبا اخويه الحاضر
واايد عيبتني الصورة الرابعه ..
الاضاءة الخافته اللي فيها واايد حبيتها ..
واول صورة بعد واااي حلوة بس مثل ما قالوا لو كنت في مستوى اقل بتطلع احلى .. بس هي جذي بعد حلوة ...
ووايد عيبني توقيعك .. ما ادري ليش تذكرت استراحة الشواب ..
تسلم اخويه وبالتوفيج

[الحاضر الغايب]

المتفيزره عالعرقووب

تسلمين اختي على الرد ... ومبروك عليج الترقية

عنود الريف

مرحبتين اختي والف شكر على تعقيبج ويسعدني تواجدك في الموضوع ... وان شاء الله في المرات الياية بحاول اني اصور من اكثر من منطقة او زاوية ... ههههه وشو تبينه التوقيع
والسموحه ...

[عنود الريف]

عيبني التوقيع عشان جذي قلت اضرب عصفورين بحجر ..
منها اعلق على الصور وومنها التوقيع ....
لوول
ليش هو له قصه ثانية ؟؟؟؟!!!!!!!!