-- ضـ---ـاق صبـ---ـري بالكت---ــمان --

[الثعلب الرمادي]

أنا بعد أشوف الرسوم اللي تعجبني ... إذا كنت فاضي حتى لو كنت شفتها أرجع أشوفها مرة ثانية ...

تعجبني السيدة ملعقة بس مادري ليش كنت اكرهها بشكل كبير ودي بس لو يزخها القطو اللي عندهم و ياكلها و يريحنا منها ...

جورجينا اسمه ليدي ... هذا عاد كان يقهرني امها ماتت و ابوها عنده فلوس و مشغول و اختها الكبيرة ما تحبها و ترابع واحد عنده حصان و هذا الواحد عنده اخو اصغر منه و عنده حصان بعد و يرابع ليدي والله كلام فاضي ...

سالي بعد كلام فاضي ... اونها حزينة و الكل ينتقم منها.

يعجبني غريندايزر يوم يطلعه دايسكي من القاعدة و يواجه الاشرار و يخلص عليهم والله انه ريال و في الحلقة 45 يرجع للكوكب فليت وطنه لا رابع وحده و زعلته او ابوه مشغول عنه خلص شغله و انفذ كوكب الارض و قال لهم مع السلامة

يعجبني رعد العملاق خاصة يوم يكون الوضع متأزم و تشتغل الاغنية و يكسر راس الآلي الثاني و تنتهي الحلقة.

الحلقة الأخيرة من جونكر كانت حزينة لان كان ريال آلي و ضحى بحياته

أما السنافر فهذا قصة ثانية فلو قلت إني اكرهه فما اعتقد ان هذا يكفي

اللي يدمن على الرسوم ما يحس انها تتكرر من خلال الافكار و الكلمات رسوم بعد رسوم و حلقة بعد حلقة فهذا الشخص يخدع نفسه انه يشوف شي يديد كل مرة فيزيد عنده الادمان و يستوي مهووس و مثل هذا الشخص يسمونه المتحمس للرسوم المتحركة يعني احلى منصورية انتي الحين متحمسة للرسوم المتحركة