صــوتوا لي باقتنائي سيارة يديدة ..

[دانة حتا]

شكلـها حلو بس انا ما افهم في السيارات
الله يوفقك

[الحساس]

ها بشر شو حجزت ؟

[شرجاوي]

crx ...

[المزوحي]

لالا .. الحــساس مابـقول شــو حــجزت .. بـعد هالــسيارة يــبالها حــجز ... لــيش هـي بــتوصل بــعد
شــهرين .. تـــراها مــوجودة وراء الــوكالة .. يــعني يــومين وبــستلمها بإذن الله ..

ومــن طـريقـــتك يــوم تــقول بـــشّر .. حـــسيت بإني بحــجز الحــوت وإلا رنـــج ســبورت ...


صــح أنا في خــاطري لــكزس ... لــكن ســير بــعيد عـــسب ماتــنصدم مــني بالـموتر اللي اخـترته

حــمم .. الصــراحة مــتسوبيشي .. هالوكــالة اللي الكــثير يــتجنبون يــشترون من عــندهم وأولـهم
أنا

من ســنتين وأنا أدور ومـن كــثر مــا أدور .. مــاحصلت غـــير بــاجيرو .. الــسيارات في غــلاء ..

هااااااا شــو رايــك الــحين بــعد ما قـلت لك إني بـاخذ بــاجيرو قــوووول الـــصدق

[شرجاوي]

مبرووووك اخوي ... الله يعطيك خيرها و يكفيك شرها ....

الباجيرو حلوه و يعيبها غلاء قطع الغيار .... و اللي يقولون المتسوبيشي تخترب هذيله ما يهتمون بالموتر ... طلعوا الموتر من الوكاله و عيب الموتر يشوف الوكاله مره ثانيه ... اهم شي الصيانه و الاستخدام الجيد و مبرووك مره ثانيه عزيزي

[الحساس]

اليوم وانا راد من الحلاق شفت باجيرو .. بس ام 4 ابواب بس صغيره..

دخلت بخاطري وتذكرتك.. وعسب جي سالتك شو سويت..

انزين عطني سعر نسبي للموتر..

مبروك على ماخترت... حلوه والله ..

[المزوحي]

الله يبارك فيك شرجاوي ...

مب عسب شي ... لكن عسب إني أوضح بخصوص قطع غيارها .. صح نسبيا هي أغلى عن تويوتا
ونيسان إذا بتقارن ... لكن الناس يوم بتاخذ مرسيدس أو بي أم يشوفون هالمواتر يستاهل الواحد يدفع لها بس لأنا مواتر ألمانية ...

صدق الفترة الأخيرة تمسكت بالباجيرو لانه وايدين كانوا يذمونها لي .. قلت في خاطري يعني شو الموتر اللي باخذه موووول مابيصير به شي !!

وثانيا إن شاء الله أنا بحافظ على الموتر ... أعرف واحد أبوه عنده ايسوزو موديل 96 شو بهدلين موتر أبوهم .. يشاوحون به .. وزين إنه الموتر كد وعايش ..

مب كأني أرمس واااااااااااايد .. ههههه

ربيعي عنده مرسيدس اي 240 ويشتكي منه ... عندك مورانو مادخلت خاطري ... مب قضية بادي وخلااااااااص ...

وأدري السعر عند البيع ينزل مقارنة بالخوات ... لكن ما اشحت مواتر وأسير بالتكاسي ...

[الحساس]

كلام شرجاوي صحيح.. اذا استعمالك اوكي مابتاخذ قطع غيار ان شاءالله..

والصراحه استغرب وايد يوم الواحد بيشتري موتر ويوقول بس ياخي قطع غيارها غاليه حيل!! الحبيب ساير يشتري موتر ولا موتر بقطع غيار؟؟

اقل شي 5 سننوات الموتر مابيصييح من شي اذا انت استخدمتها صح.. وبعدين بيعها قبل لا تبجي عليك P:

دمتم

[المزوحي]

الحساس ... كل واحد له وجهة نظر ...

يعني في واحد يقولك والله آخذ أودي اي6 بـــ 160 ألف واقسط ويتبهدل .. يقول لأنه الباجيرو سمانه غالي ....

تراك دفعت هالمبلغ ... لاااااااااا خصوصا يوم يكون اقساط ( مع فوائد )

أنا عندي باجيرو آيو الصغيرونه .. بعتها لانه عزمها ضعيييييييييييف جدا ... يعني 1600 سي سي
تمت ويايه 6 سنوات وبعتها قبل شهر تقريبا ...

هممم قالوا خذ تويوتا ومابتندم .. سرت أشوف الراف 93 ألف

[المزوحي]

الحساس الله يبارك فيك وفي احتمال الشكل يتغير ومايهمني الصراحة ..يرقدون وينشون يغيرون شكل الموتر ... تعبنا !!!

وسعر الموتر 82 ألف ... باب واحد ، رقم 2 و 3000 سي سي

[حبوبه دبي]

مــاعليــك من رمســة النـــاس

كــل يــوم بيطلعــولك شــي يديــد !!!

اتــوكل ع الله وفكـ عمـــرك ،،

مبـــرووك وتستــاهل كـل خيــر يالمــزوحـــي ،،

[المزوحي]

عيل شو أسوي، كل واحد يقول شي، أنا بعد ما اقتنع في السيارات الامريكية لكن في ناس تموت عليها
وهم بكيفهم لو يقتنونها سواء لعشقهم او حتى الميزانية اللي يقدرون عليها

الله يبارك فيج

[شرجاوي]

المواتر الالمانيه خرطي والله ( ما عدا الاوبل ) خخخخخ ... يا ريال سعر ال sl55 فالوكاله 590 الف تقريبا و الحين بتحصل موديل 2003 ب 290 الف ... يعني خسرت 300 الف ... قطع غيار النيسان ناااااااااااااااااار ... و ارخص قطع غيار الشفروليه ( طلعت برع الموضوع )

المزوحي نبا نتعشى ولا شو رايك يالحساس .. و حبوبة دبي هاتلها كاكاو معصار

[المزوحي]

فخامة وخسارة ... والأوبل ماعليه كلام فكرت آخذها بس مب اللي تطريها دوووم ..
في وحدة صغيرونة .. باب واحد وهاتش باك ............ شفت السوداء حلوة
النيسان القطع غالية والبتروووول ينفذ
اما شفرولية حتى في البقالة تحصل قطع الغيار ..

وعلى العشى نسير وافي ( المطعم الايطالي ) وحبوبة دبي حم حم .. نوتلا

[شرجاوي]

ما احب اسير سناتر .... ابا اضرب عيش خخخخخخخخخخخخخخ

الهاتشباك اللي تتكلم عنها اعتقد كورسا او استرا و فعلا فخامه و خساره ...