عزيزتي الشوق

المشكله بإنه بعد الغلطه مستحيل تجبرين هالريال على تصحيح غلطته والزواج منها
مش كل واحد عنده ذمه وضمير وبيصحح غلطته مع وحده ما راعت الله بنفسها وشرفها

ولو عنده ذمه وضمير خوفه من أهله ورباعتها وزواجه من وحده عرفها وعرف عبطها بيخليها رخيصه بنظره

ولو ما صحح هالغلطه وحملت بهالياهل إلي طبعا ماله ذنب ؟؟أكيد أهلها بيعقونه على أقرب رصيف
وايد سوووها ووايد سمعنا عنهم وربوهم ناس بس بعد كل هذا يسمونهم عيال حرام ومحد يرضى يزوجهم

البيوت أسرار والدنيا فيها بلاوي والسبب هالشباب إلي يتسرعون بعواطفهم ويعتزون بنذالتهم ويشردون من مسؤولياتهم ..وصدقيني ما يهمهم حتى إذا اكتشفوا إنه نتيجة غلطتهم كانت طفل من لحم ودم
ما خافوا من الله بيخافون على ياهل غير شرعي عباره عن نزوه وطيش أيام المراهقه؟؟فعلا تفكير غريب

طبعا فيه شواذ من القاعده ..وفيه ناس يتحملون نتيجة غلطتهم ويعترفون ...بس من يضمن إنه هالانسانه طاحت بهالنوع من البشر ..؟ المشكله أولا وأخيرا الطفل إلي بيكون مصيره بكل الحالات
1- ولد حرام
2- دخوله ميتم وما يعرف أصله
3- الموت قبل ما ينولد

الله يحفظ بلادنا ويحفظ عقول شبابنا ويثبتهم على الإيمان يارب
وبذر بذره زايد ما أظن ينزل مستواه لهالدرجه