أخ

[الحساس]

موضوع وايد مهم...

عندي خوات اصغر عني واخو اصغر عني.. يعني البجر بالعايله..

احساسي اني اهتم في والديني اكبر في من اهتم في باجي افراد العايله ولا تسالوني ليش..

اعترف مقصر مهما كان في اتجاه خواتي.. لكن اشوف اخويه معوضهم عن كل شي .. وبالتالي جاسني نوع من التهايز في الاهتمام فيهم.. وهذا هب عذر لي ادري اني اظهرهم بس الي ابغي اقوله
مع الوقت صار حاجز بيني وبين سالفه اني اظهرهم!! مااحيد مول اني ظهرتهم لحالهم .. الا بحاله وجودهم مع الوالده طبعا بالاسبوع مره او اكثر..

احيد اني كتبت موضوع بالفضفضه عن اهتمام الاخ بالاخت .. وهذا لادراكي باهميه العلاقه بين الاخ والاخت .. وطبعامايحس بقدر النعمه الا فاقدها .. والحمدالله ان عندي خوات..

الله رزقنا الشجاعه ونكسر اي حاجز بينا وبين خواتنا..

واخر كلمه والمفروض تطبق وانا اولكم..

مافي اغلى من الاهل ( الوالدين والاخوان) لو شو ماصار هذا دم يربطنا مستحيل نتخلى عن بعض او نضر بعض .... لازم نهتم فيهم ونداريهم...

ودام كل اخ لاخته

[حلم الطفوله]

دكتورنا الحساس

احساسك وشعورك تجاه عايلتك وخواتك جدا جميل

لكن الكلام لازم يترجم ويتجسد بمواقف تحسسون فيه الأهل بهالمحبه

أغلبية العايله تشوفها متعلقه بأخو واحد وااااااااااااايد...لأنه تركزت فكرة إنه حنون العايله

يعني وجود الباقين ضروري ولكن الترابط والمشاعر تكون متذبذبه أحيانا

بالنسبه لك ...سفرك للدراسه فرض عليك الغربه ..وطبيعي بعدك عنهم أكبر عذر يشفعلك

دراستك هالمهنه وتغربك وبعدك عنهم أكيد بيزيد شوقهم لك ...بس من ترجع طلعهم

مشكورر على المرور

[الدلووووعة]

صراحة البيت من دون اخوان مول هب شي
نحن فالبيت دوم ناقع ومنقوع طبعا الدلوعة تكون امبينهم ^_^
ويوم اخويه الكبير سار عنا عسب يدرس اول اسبوع محد متعود البيت من دونه وانا طبعا
كنت يالسه اقول للوادله اوف ليش جي البيت مستوي ملل ( عاد الوالده على طول ردت هيه ماعندج حد تتظاربين وياه ^_^)

المهم يعني صح انهم ينقهرون من ها الشي من الطلعة طبعا بس
انا ماخليت ها السؤال فخاطريه جان اسئلهم الكبير قالي انتو يوم تسيرون مكان لازم
تحوطون المحلات كلها وبعدين تكرون تتشرون من اواحد وماعرف شو ويعني اللي يسير وياكم
يدوخ من حواطتكم والثاني قال انا يوم اوديكم اقولكم ها الوقت لازم تكونون مخلصين ( طبعا انا واختيه
مايكفينا الوقت يمكن انا يكفيني لنه اسير اشتري اللي اباه وخلاص لاك اختيه مايكفيها انتو طالعو كم الوقت مرات يودونا الظهر لنه ماشي وايد شباب يعني اذا سرنا عالساعة 3 الساعة 4ونص خلاص ويا الطريج وها كله )

بس هم حق سوالف غير الطلعات ينفعون الصراحة غير يوم تيلسين وياهم عاد كل واحد يظهر اللي بخاطره وخاصة يوم يتمعون كلهم

وادري اني وايد طولت فالموضوع وخذت راحتي ( لني وايد حبيت الموضوع وخاصة انه عن الاخوان فديت اخوانيه )

[حلم الطفوله]

عادي الدلوووووووووعه خذي راحتج

الله يخليج حق إخوانج يارب شكلج فرفوشة البيت ...

بس تدرين حتى هالسالفه عدنا ؟؟

يعني يوم بيوديني أخوي السوق أحسبه يتلعوز بس ما يقول...كاتم فديته

بس الطلعه وياهم غير كافي إنه اخوي وياي

الله يحفظهم لنا يارب

[انامل]

حلمي الطفولـــــــــــــي
لا خليت منج يا قمــــــــــر



الأستاذ ناصـــــــــــــــر
ماشاءالله
هنيئا لأخواتك بك والله يخليكم لبعض ويبعد شر الناس عنكم




بقيه الأحبه
مستمتعه في القراءة

دمتم أخوه لأخواتكم
هالله هالله فيهن

[حلم الطفوله]

أنامل الإبداع ...فديت روحج

بس شو رايج بهالشطار الملونين بالأحمر إلي دخلوا موضوعي وما شاركوا

الملهم , , نجمة دبي , , ذنـيـنـي , , ملانـة , , مزن هتان , , خــّطاب , , عافك الخاطر , , عايش وهم , , نبراس الليل , , روح القمر , , حركات , , حلم الطفوله , , فراشة ودّ , , العجيبة , , المرعب , , الدلووووعة , , انامل , , الفارس2000 , , لمّــاح , , المقاتل , , الشوق , , أم خالد , , لعوبة2005 , , بوسلطان , , سيوفي , , بلوة حلوة , , المتفيجة , , بوزايد , , نور الإيمان , , ناصر الخالدي

[عنود الريف]

مرحبا اختي حلم
والله موضوعج ضرب على العوق ..
اثنين من اخواني موول ما جد طلعوني وياهم ..
اخر مرة طلعني فيها اخويه كانت من 5 سنوات .. والثاني مسافر اصلا يدرس برع..
والوالد ريال كبير ما يروم اصلا يسوق سيارة اوحتى يطلع
كله نطلع ويا الوالده والا ساعات ويا بنات اختي رواحنا ..
وعندي اخو من الابو ما يقصر صراحه ويايه .. بس لازم اقووله طلعنا .. وانا ساعات استحي دووم او كل اسبوع اقووله طلعنا .. فبين فترة وفترة يطلعنا .. ما يقصر ..
اختي يوم تحتشر اتقول ما ادري منو يمشي وياهم .. ليكون مودين سبلان وياهم ونحن ما ندري .. لوول
بس شو نسوي ... رضينا بهالشي .. والله كريم ..
تسلمين الغلا على الموضوع ..

[طرفشانه]

مرحبا اختي حلم
موضوع حلو وطرحج له احلى
بس الحمد الله
احمد ربي كل ساعه وحين على اخواني

كل ما اطلب شي منهم سوه لي
يعني نادرا ما يردوني ان بغيت اطلع
وفديت خوالي
ما شاء الله عليهم بعد ما يقصرون
ومره يلست مع خالي واسالته ليش كله اطلعونا احنا البنات والاولاد مخلينهم في البيت عادي
يقولي انتو بنات ما ترومن تظهرن رواحكن وما يصير نحبسكن والولد
بياخذ اليسن ولا بيصد فينا ولا فيكم
وفعلا في وحده من ربيعاتي ما تروم تظهر من البيت الا بشور اخوها
يعني امها وابوها موافقين واخوها لا ما تظهر
وان ظهرت انضربت

بس اتمنى اذا عندنا حد من الاخوان في المنتدي وعنده خوات
ما يقصر وياهن يطلعهن ويستانس وياهن
لانه الطلعه مع الخوات غير عن الطلعه مع الاخوان

والسموحه ان طولت

اختكم

طرفشانه

[بلوة حلوة]

بالنسبــة لي ..

عندي أخــو واااحد .. وللحيــن ماحيد اني صادفت وياه موقف ..
منعنـي فيه اني اطلع .. سواء وياه أو ويـا خواتي ..
وبـ حكم دوامه .. مانشـوفه الا فـ الويك اند .. ويك اند ايي والي عقبه لاء .!!
بـس اخوي تقدرين تقولين انه opeN - MinD
فـ مثل ماخبرتج .. مامنعني من طلعه .. ويوم أطلب منه يطلعني عـ طول يقول اوكي
ماحيد فـي مرة ناقشني فـ الموضوع ، ليش ؟ ، وين ؟ ، شو تسوين ؟ ، ..
بس اذا ماحددت المكان الي أبى أسيره يسألني وين تبين تروحين انزين ؟!
ومـرات من نفسه *هاي نادرا ماتصير* يودينـاا ويطلعنـاا .. آخر مرة كانت
*سفرة حق لبنان* فـ اجازة عيد الاتحـاااد .. طلعت منه روحه
فـ عسب جـي طلعـااتنا كله تكون طلعة بنات .. لان مانحصل ريال يودينا إلا نـادرا ..!

.
.

وبالنسبـه لـ باجي الشباب الي يمنعون البنـت من طلعة البيت ..
الأمر اعتقد يتعلق .. بـ غيرتهم أو انهم يشوفون ان البنت مكانها البيت
انزين البنت شراتكم .. من *البشر * .. محتايه تغير جــوو وتطلــع وترفه عن نفسهـااا
مش لازم تـكون طلعتهـاا لـ حايه أو غرض .. شوفيها لو طلعت تغير جـو ؟
اذا ماتبـونهم يطلـعون *طلعة بنات* يعني * بس ماشي ريال وياهم* .. طلعـووهم انتـوا
لو مرة فـ الشهر مش لازم الاسبوع اذا انتـوا ما تأيدون طلعة البنــت من البيت !!
حلــووو انه يكـون في واحد فـ العايله يغـاار على خواته ويخاف عليهم
بس مـش لـ درجة تأثر سلبيــا عليهم .. أو تخليهم يحسون ان هالشي *ظلم* ع قولة بنات اعرفهن
!!


.
.

هاللي قـدرت أقوله.. اذا حسيت ان عندي اضافه أو تعليق .. برجـع وبـرز بـ ويهي ..

.
.
زين ان عندي اخو وواحد وجـي ولا جـاان مادري شو حياتي لول ..
لاني من النـووع اللي يحـب يظهـر وااايـــد .. شاده حيلي يعني ههه

.
.

مشـكورة اختـي *حلم* .. عـ الموضوع
يالله بنات طلعـوا حرتكــم

[حلم الطفوله]

عنود الريف

الله يعينج يا إختي .... بس البنت إذا ما طلعها أخوها وحافظ عليها ؟؟

من يتوقع بينشد عنها وبيطلعها؟؟

الله يهديهم يا أختي والله يبليهم بحرمه كله تبا تطلع

ساعتها بيقول جنة إختي ولا نار حرمتي ...

[حلم الطفوله]

أختي طرفشانه

علاقة الأخوه تقوم على الود والتراحم ...

والله يحفظلج إخوانج ويرزقهم على قد نياتهم يارب ...

مشكوره عزيزتي على رايج وعسى الله يهدي باقي شبابنا ويحسنون علاقتهم ويا خواتهم

الموضوع يمكن ما يكون موضوع طلعه ... بس نحاول توطد العلاقه الأخويه أكثر

[لمّــاح]

الــــسلام عــليكم :)

أول شي، انا قــريت المــوضوع اول ماطرحتيه و عيبني وايد لكن مابغيت ارد اول شي، بــغيت اشوف ردود الاعضاء و عقب

----

انــا بتــكلم عــن نفـسي . .

انا مـــاخذ من الثلاث قــروبات الي تكلم عنهن ذنيني . .

يعني أحس البنت، اتكون حشيمه اكثر و ثجيله و رزينه أكثر يوم تكون في بيتها و ماتكثر طلعاتها ..
و انا من النوع الي ما احب اطلع اهلي في مكان فيه شباب و زحمه، او مكان ادري اني بشوف ربعي فيه و ياما استوت مواقف و ربعي كانو موجودين (( ادري شي عادي و مب مسوي شي غلط لكنه احراج كبير بالنسبة لي ))

و صح، انا وياه في نقطة انه نحن الي لازم نداريهم و نطلعهم عشان مايدورون هالشي من برع او من واحد مب محرم، لكن هالشي لازم مايكون على طول، و بحدود، يعني اذا سيرة سناتر لازم اتكون الضهر، او الصبح و في ايام الاسبوع مب الويك اند، عشان الزحمه ..

و البنت مادري ليش لكن احسبها تقدر تعيش في البيت اسبوع بدون ماتطلع، انا عن عمري ماقدر، صح بطيبعتي ك ولد و البنت غير ..
لكن هناك حل، بدال سيرة السناتر، البنات يقدرن يتيمعن في بيت الاهل، هي و الصغارية و بنات خالتها او حد من هلها و الحريم، يتونسون اكثر ..
سؤال يطرح نفسه، شو الاستر و الاحسن، طلعة السناتر ولا يمعة البنات و الاهل ؟؟

و ياما طلبو هلي مني اني اطلعهم، و طلعتهم ..
لكن هناك مشكلة و هي الي خلتني اوقف هالشي و ما اطلعهم الحين ..
صارتلي مواقف كثيره، مثلا، اذا سرنا المكان هذا اقولهم بندش من ورا عشان محد يشوف، و طبعا مايطيعون بحجة انه الباب بعيد و المحل عند المدخل الرئيسي ..
او، يوم بنطلع (( حتى لو مكان قريب )) اقولهم اتغشو او تنقبوا و طبعا ما يطيعون بحجة انه الشيله الي لابسينها ماتخليهم يشوفون و الا هو مكان قريب و ما بيطولون فيه، لكن هالكلام مايدش راسي ،،
يعني بما اني سويت شي زين و طلعتكم، راعوني و راعو مشاعر الاخو و غيرته و تغشو ..
السبب الي يخليني اطلب هالطلب منهم ؟؟

انا شــاب، و اعرف سوالف الشباب ، عيونهم على البنت على طول بغض النضر منو كانت، امه اخته يدته !!
والله ياما صارت مواقف، شباب ويا بعض، فلان يقول حق اربيعه، شوف شوف اربيعنا منو مركب وياه في الموتر، اربيعه يقول له خاف ربك هاذي من هله !!
ف احاول قد ما اقدر اني اتجنــب هالاشيا، لكن وين الي يفهم ؟؟

انا اؤيد انه الواحد يطلع اخته لكن بشرط اذا كانت تسمع رمسته، لنه في النهاية هو مابيقولها لأ الا لسبب ..

السموحه عالاطالة، و لي عوده اذا لزم الامر ^_^

[حبوبه دبي]

هممممم تبيــن الصــدق !!

اشــوف احلــى الطلعـــات وياخــواني

احس انه عندي اخــواااان واحـس براحه فالطلــعه اكيــد من سـوالف الشبـــاب

بـــس مـــب دووم اظهــر ويــاهم للأســف بحكم عندهم اشغــال ومشــاويــر ،،

وحليلهم مــايقصــرووون بـــس

بــس نعذرهــم مــرااات !! اكيــد الاخـــو يغــار ع خــواته شــي طبيعــي ،،

والسمــوحه

[حلم الطفوله]

أحلى بلوه بحياتي

الله يحفظلج أخوج ويوفقه بحياته ويسهل دربه دامه يسعد إخته

عاااااااااادي حياطي قمت ارمس مثلج انا كل يوم رزي ويهج بمواضيعي

[حلم الطفوله]

وعليكم السلام

حشى يا لمااااااااااااح إلا هي طلعه في العمر ....ذليتهم عليها

ما أنكر إنه إلي يشوفونه الشباب جدامهم من واقع ملموس ضمن بعض الفئات الله يهديهن

يخليهم يمتنعون ويتهربون من مسؤولية طلعتهم لخواتهم وأهلهم بشكل عام

بس حتى ولو ....الطلعة مب لازم تكون بس لأسواق ...يعني حتى لو تاخذهن بالسياره وتحوط بهن وتشتريلهن شيء حلو من محطة ادنوك مثلا ...صدقني بيحسن إنه هالطلعه عدهن بالدنيا

يلسة البيت والأهل مب دايما تحمي البنت ...بالعكس تخليها تقارن حياتها بالثانيات وتتعقد

أعرف وااايدات يعتزن بإخواهن من طلعه وحده طلعهن إياها بالسنه ...واستانسن فيها

يالله يا لمااااااااااااح جرب نصيحتي اليوم ...لا اليوم زحمه ...يوم السبت أحسن


ترى والله أعلم إنه بناااااااااات هالأيام كلهن يحبن الطلعه ...من الحكره بالبيت