الغــــــــــــــزل

[احلى منصوريه]

الســــــــــــــــــــــ ـــــــــــــلام عليكـــــــــــــــــــــ ــــــــــــــــم

هــذا اول موضوع لـي معاكم بالوحـات واتمنى انه ينال على رضاكم .. وانشاء الله يكون فيه اضافه لمعلوماتكم


موضوعـي يتكلم عن المغـزل تعــرفون المغزل ؟!؟ .. للـي ما يعرف المغــزل هــوه :.:

عصاء مش طــويله وايــد تقــريبا طـولها نصـف متر .. يمكناكثر شوي مادري ( المهم(

وعليها من فــوق قطـعه دائريه من الخشـب .. فيها حلقه صغيره منالحديد

هذا المغزل

اول الشــي :.:

لازم نــروح نــدور لنا ياعـده نخــتار لنا وحــده من اليعـد

وبعـدين لازم نقـص شعــرها ( نقص الشعر بالمكينه مش بالمقص )

و نــشله و نظـفه و نمشــطه عــدل علشـان نفجج الشعر الملبـد

ثانــي شــي :.:

نيــب شعــر الياعـده و نلفه شوي شوي بيدينا ونكوره بطراف اصبوعنا ( السبابة و الإبهام )

و نحـطه بالمغــزل ( نحطه و يـن الحلقه الحديد الصغيره) .. و نحـط عصــاء المغـزل على ريلنا

ونلفــه بســرعه بيـدنا و نرفع المغزل شـوي شوي علشان يدورونبـدى نــرخــي الشعـر الي

بيـدناالثــانيه علشــان ينلف بالمغــزل

مــثل هالحـرمه الي بالصــوره:

ونتم على هالحاله اليــن ما نخلص الشعــر الي عندنا ..

ونـدورياعــده ثانيه علشان نحلقــها ونغزل شعرها

واخــر شي :.:

نقــدر بخيـوط الشعر اليعنـدنا نـسوي بساط او مـخاد صغار او ثــياب للشــتاء كيفكم

هذا كل الي عنـدي عن الغـزل .... والسمــــــــــــــوحه على القصور






( " حـــقوق الطبــع محفــوظه لي احلى منصــوريه " )

[الحقيقة المرة]

وعليكم السلام اختي احلى منصوريه

موضوعج وايد حلو وسهل انك تفهمه / مشكورة على الموضوع // الحقيقة المرة

[الدلووووعة]

تسلمبن اختيه عالموضوع

وانا خاطري اتعلم هاي السوالف لاكن للاسف ماشي وقت ^_^

[عنود الريف]

مشكوورة اختي على المعلومات المذكورة بس احس انها واااااايد متعبه..
سؤال بس ما يغسلون شعر الياعده قبل؟؟؟؟؟؟؟
والسمووحة

[احلى منصوريه]

اسعــــــــ ــــــــدتــني هالـردود الطـيــــ ــــــبه ..



الحقيقة المرة .. العفـو وشكـــرا على المرو

الدلووووعة .. ابــدي بالتلــي اسـهل من الغـزل دام النيه موجوده الباقي مقدور عليه

عنود الريف .. هيـه الغاليــه يغسلــونه و نــورتي الموضوع

[مــهــابه]

مـوضوع جميـل..

احلـى منصوريـه مشكوره عزيزتــي ع الموضوع..

تحيـاتي لج

هـموم

[احلى منصوريه]

هــلا والله همــوم الحـــب .. شكــرا على المــرور و الرد الطيب

[عنود الريف]

طمنتيني الغاليه
لوول
والموضوع منور بصاحبته ..

[الشوق]

هلا الغاليه ..
اشكرج على هالموضوع الرائع ..
بس مال خبرتينا شو هي استخدامات المغزل .. في شو كام يفيد يداتنا فيه ؟؟
.
.
.
في انتظا ردج وفي انتظار مشاركتج يالغاليه
خويتج/ الشوق

[احلى منصوريه]

عنود الريف .. ..مـرحبـابج الغاليه دووم

[احلى منصوريه]

هــــلا والله اخـــتي شــــوق ..
اسعـــدنــي مـــرورج علــى المـــوضـوع .. واسعــدني اكثـر ســـؤالج

*********

حـــريم الاول كانــن بعــد ما يخـلـصن من الغـــزل أيـيـبـن خيطـين ويبــرمنـهن مـع بـعـض بيـديـهن

و يشلــن هالخـــيوط ويطــونـهـن ( وكانـــو يسـمــون كـــور الصــوف " الــدريه ") ..

وبعــدين يستـخدمــون آله اسمــها الســداه علــشان يســون بيــوت الشعــر :

وفـيــه ثـــلاث انــواع :.:

1- المــدفـنـه __ و يكــون قـياسهــا اكــثر مــن زراعـين

2- الـــرقــبه __ وتكـــون تقـــريـبا زرع

3- اعتـقــد اذامــا كنـت ناســيه اسمــه_

الهــايدي او مــايدي : ويكـــون قياســـه زراع ونصـــف او زراعــين علــى الكــثـير

ويســون بيوت الشعــر منه ..




انشاء الله كفـــت بالجــواب .. ياشــوق

[أحلى منصوري]

بتخبـــرج .. شو هو الزراعيـــن ,, يمكــن تقصديــن الذراعيــن ( مثنــى ذراع وحدة القيااااس ) ولا هذي وحـــدة قيـــاس يديـــدة ’’

كفيتــي ووفيتــي في الشـــرح ,, وفي البــرد ماشي أخيــر من اليـــاعد يدفــي عليـــك

يالله انت حيــّـــــج


والسموحه

..

[الملكه الدلوعه]

تسلمين الغاليه على هالموضوع الغاوي .. وعساج على القوه

ونتريا منج كل يديد

[احلى منصوريه]

تسلمــــــــــــــــون على المـرور الطيب


احلى منصوري .. احم .. حرف الـ ذ معلق بالكيبورد ملي جان استخدم الـز بدلاه




الملكه الدلوعه .. الله يسلمج الغاليه واليديد ياي ان شاء الله