شوف وحراق يوف

[حلم الطفوله]

السلام عليكم ورحمة الله وبركاته

شوف وحراق يوف

التربية تعتمد أسماء 1433 مرشحاً لمقابلات وظائف التدريس للعام المقبل

- الاتحاد: اعتمدت وزارة التربية والتعليم أسماء المرشحين لإجراء المقابلات الشخصية لغير المواطنين من المقيمين في الدولة لشغل وظائف الهيئات التدريسية للعام الدراسي 2006/2007 ويبلغ عددهم 1433 معلماً ومعلمة· وتجرى المقابلات اعتباراً من يوم السبت المقبل بمبنى الانشطة بديوان الوزارة بدبي ومركز تدريب وتأهيل العاملين بدبي، وخصصت الوزارة ست لجان لإجراء هذه المقابلات، حيث تجري اللجنة الاولى مقابلات في تخصصات رياض الاطفال ومعلم الاطفال ومعلم مجال (1) ومعلم مجال (2) والتربية الخاصة واخصائي النطق، واللجنة الثانية في تخصصي اللغة العربية والتربية الإسلامية، واللجنة الثالثة في تخصص اللغة الانجليزية، بينما تقوم اللجنة الرابعة بمقابلة المتقدمين لتخصصات الفيزياء والكيمياء والاحياء والعلوم العامة والتاريخ والاجتماعيات وعلم النفس والجغرافيا، واللجنة الخامسة للمتقدمين في تخصصي الحاسوب والرياضيات، واللجنة السادسة للمتقدمين في تخصصات التربية الموسيقية والتربية الفنية والتربية الرياضية·
وأهابت الوزارة جميع المرشحين الالتزام بمواعيد وأماكن إجراء المقابلات مع احضار أصل المؤهلات العلمية والخبرات العملية مع صور منها، اضافة إلى صورة من جواز السفر وخمس صور شخصية لكل متقدم ومتقدمة·

هذا الخبر صعقني صراحه

كل مره أسماء مرشحين ومقابلات للمواطنات وأغلبيتهم للحين ينتظرون فرص العمل

والكلام نفسه نفسه ...رقمج بالتعيين بعده ما وصل ...باجلج ثلاث جدامج؟

هالتخصصات المذكوره أعلاه موجوده عدنا ومتكدسه بشكل ما يتخيل ببيوت المواطنين

1433 معلما ومعلمه ؟؟

بنقول المعلمين المواطنين ينعدون على الأصابع يعني ما فيه مانع نستعين بالوافدين

لكن؟؟ معلمات مواطنات وبهالتخصصات تحديدا؟؟ إشكثرهم بالدوله ابكبرها؟؟

قلنا مدرسات رياضه وموسيقى ما عليه ؟؟ بس يمكن مستقبلا المواطنه تدخل هالمجال

الوافدين ما قصروا فينا وتدريسهم للحين محفور بعقولنا ...

ويمكن يكون تدريسهم احسن مليون مره عن تدريس بعض المواطنين الله يهديهم

بس هذا ما يمنع إنه التوطين بالمدارس والتغلب على بطالة المواطنات الجامعيات هو حق من حقوق المواطنه

وخصوصا إنه فيه كفاءات من المواطنات المتخرجات تحتاج التربية لخبراتهم الشابه

اقتنعتوا الحين إنه هالكلام بالنسبه للمتخرجات والعاطلات عن العمل هو بالفعل

شوف وحراق يوف؟

شو رايكم؟؟

[شوق الصحارى]

هيه والله صح شوف وحراق يوف....

الموطنات في البيوت الوافدات ايون من بلادهم عشان التعيين.... عينوا الموطنات اللي مخصين المقابلة من سنه وسنتين ولين الحين يتريون الدور....(وين بيي دورهن دام الحين مسوين مقابلات للوافدات)

اختي اول ماشافت الخبر انقهرت.... @اونه متى عيل بيي دورنا @

الله المستعان

[عنود الريف]

صدقتي اختي
يوم ودونا الارشاد قالوا عندهم اكتفاء ذاتي في المناهج التدريسية من علوم ودين وعربي وانجليزي وخصوصا رياض الاطفال .. اغلب بنات الامارات يدخلون هالمجالات ..
صدقتي اختي شوف وحراق يوف .. بس وين الوزير عنهم ..

والسمووحة

[بيور]

مرحبااااا الساااااع ,,

صح كلامج اختيه حلم الطفوله ,, المواطنات اللي يتخرجن بهالتخصصات وايدات , ويالسات في البيوت ,, لا شغله ولا مشغله ,, ومن حقهم انهم يتوظفون قبل ,,

يعني حرااام عليهم ,ويين التوطين اللي سمعنا عنه ,, كالعاده (قول بلا فعل ) ,,


والله المستعاان ,,

,, المتفيجة ,,

[بلوة حلوة]

صــدقج والله .. شـووف وحــرق يووف ..

يعني لـو أخبــرج ان اختـي متخـرجه من سنة 95-96 ..

وللحيــن ماحصلت وظيفه فـ التربيه .!!

وكل مرة .. نفس القصه .. *بعدها اوراقج* ، *ياينج الدور* ، *جريب ان شالله* .. *الخ*


صـح انها ماسكـه وظيفه الحيـن .. بس بالنسبة لـ شهادتها .. حرام !!

الواحـد يقول الحمدلله .. ويصبـر .. لكـن لي متى ؟!

معقـوووله من هاييج الـسنوااات للـيوم ماشي وظيفه ؟ اوكي في غيرها بنفس الشهاده
والشواغر تـروح إلهم .. بس بعد في غيرها وحالتهم نفسهـااا ..!

مـدرسة **** .. فـ بوظبي .. عدد المعلمات المواطنـات أقـل بـ واااايد بالنسبة للـوافدات ..!

مانقـطع برزقهم .. بس الأولويه لعيال الـبلاااد أكيد ،

وعقب يقولون شغلة عيـال الـبلااد *رقاد* و *أكل* و *هياته* !!

عـااادي *الحياه حلوه*

[ريم العين]

السلام عليكم

الله يعين المواطنات

نحن مدرستنا المواطنات اكثرمن الوافدات
يعني نحن ابله الرياضه والانجليزي بس الوافدان
والباجي كله مواطنات(( فديت مدرستنا))

[حلم الطفوله]

شوق الصحارى

الله يعين إختج والله ومشكوره على المرور

عنود الريف

ترى هذا إلي يقهر أغلب التخصصات هذه نص بنات لبلاد متخصصين فيها

وطبعا المواطنه تتريا على أمل التعيين ...

شاكره لج مرورج عزيزتي


المتفيجه

صدقج والله الله المستعان أولا وأخيرا شاكره مرورج إختي

[حلم الطفوله]

بلوه حلوه

جان أنا بدال إختج وما طلع تعييني من 96 للحين جان

نفس الكلام بكل مره ..دورج بالتعيين بعده

هل كيف بيوصل دور المواطنه بالتعيين ما أدري ؟؟لين ما تنسى كل إلي تعلمته

الله المستعان

ريم العين

الله يعينهن والله

دراسه وتعب وغربه بالحياة الجامعيه وآخرتها شهاده معترف بها رسميا

لكن أكل وشرب عليها الدهر


فيه مدارس فيها توطين كامل بكل مكان

بس إلي يقهر هالتعيينات وهالآمال إلي يمنون بها الوافدين شو آخرتها ؟؟ ووين بيعينونهم؟

شكلي بيعينوني بمجلس الأمه وبطالب بحقوق المرأه المواطنه

[ناصر الخالدي]

لا ادري لماذا تردد في المشاركة ربما لأن الموضوع لا يعنيني ولكني مع هذا أحببت ان اتواجد وأقول جملة واحدة فقط وهذه العبارة ستكون إجابة على هذا الموضوع الذي يتكرر في الكويت في بعض الاحيان ولكن بصورة مختلفه نوعــًا ما



ذنبي أني من ارض لا تقدر الطامحين


ناصر الخالدي

[حلم الطفوله]

السلام عليكم ورحمة الله وبركاته

أسعدني وجودك في موضوعي أخي الكريم

بلدنا والحمد لله تقدر الطامحين والحق يقال تصرف على المجال التعليمي مبالغ طائلة

لهدف واحد كرست نفسها من أجله وهو بناء جيل مثقف واعي طموح من البنات والبنين

ولكننا نعاني من عدم وجود شواغر تدريسيه بالنسبه للمعلمات وذلك لزيادة الأعداد واكتفاء المدارس

واستنكاري من خلال موضوعي من باب استقبال وافدين للتدريس بنفس التخصصات التي بها اكتفاء

ممكن توضح لي كيف الوضع عندكم بالكويت؟ فضوليه أدري

وشكرا على المرور

[طفلة من هذا الزمان]

صدق شــوف و حراق يـــوف ( :) ) بس في النهايــة تراه نصيب ..

انا و من بعدي الطوفـــان .. خريجة الفصل الماضي 2005 بمعنى أن كل دفعة تتخرج يقولون الأولويـة للتوظيف لهن .. و لكن ما حدث أن و لا خريجة من هالدفعــة توظفت .. عكس خريجات الدفعة اللي قبلنــا اللي توظفن كلهن ...

أما موضوع المقابلات فلا يسمن و لا يغني عن جــوع .. مجرد مهاترات دعائيـــة لا تزيد النار إلا حطبــا و الأمــاني العجاف حرقــة ..

الموضوع موضوع ميزانيــة لا تسمح .. و حسبي أن ميزانية 2006 ستحل بعض الأزمات ..
و ثقــي عزيزتي بمن قـــال "" علمت أن رزقي لا يأخذه غيــري .. فاطمأن قلبي .. و علمت أن عملي لا يقوم به غيري .. فاشتغلت به وحدي .. ""

لـــــــــــــــي عودة لأكمل تعليقي .. لظرف طارىء ،،

طفلــة //

[طرفشانه]

صدقج والله شوف وحراق يوف
يعني الحين الموطنات المتخرجات مب لاقين وظايف
والمشكله انهم يطلبون مدرسين من برع
يعني مره في المدرسه كان عندنا نقص وبالتحديد لماده الاحياء المس كانت مربي وكنا نسير عند
المديره ونسألها متى بندرس وما كان باقي على الامتحانات غير شهر ونص واحنا كل يوم عندها
المهم بعد ما كلنا فواد المديره
يت الصف عندنا واحيد كان علينا رياضيات دخلت جان تقول
بناتي انا ادري انكم متاخرين في المنهج بس شو اسوي ما باليد حيله
اونه الوزاره ما لقت حد يحل محل المدرسه المربي
المهم كنت اجلب في جريده من الجرايد وحصلت اعلان
انه في مدرسه مستعده ادرس
المهم سويتلها تيلفون وسالتها اذات ممكن ادرسنا في المدرسه
المهم نهار ثاني وديت رقمها عند المديره
وطبعا مديرتنا لين ما تتحرك عقب يومين يت المدرسه اليديده
درستنا يوم وبنهار ثاني داومت مدرستنا
والمشكله انها اداوم يوم واتغيب يومين
بس بصراحه كشخه ما امتحنا الا في عشر اوراق بس من الكتاب
بس شو بنقول غير الله يعين بنات البلاد المتخصصين في التربيه

[لمّــاح]

صــدقتي، شــوف و حــرق يــوف . .

لكــن أكــيد هــناك أســباب، و اذا ماكانت هناك اسباب، يمكن الميزانيه ..
خصوصا انه رواتب الوافدين أقل عن المواطنين،، لكن هذا ما يعني انه المواطن يموت يووع بس عشان الوزارة ماتخري ميزانيتها على المدرسين المواطنين ؟؟!!

لي عـوده، اذا لزم الامر ..

[حلم الطفوله]

أختي طرفشانه

عشنا ويا ما حنشوف

ما شيء مدرسات؟ ...والمدرسات وبتخصص الأحياء والجولوجيا اشكثرهن بس يترين التعيين

ومن المتضرر بهالحالة ؟ طبعا الطالبات إلي من بداية العام ينتظرن مدرسه تشرحلهن ورقه بالكتاب

الله المستعان

اخوي لماح

يقولون الميزانيه والميزانيه .... يعني الميزانيه بتي على التربيه وبتفلس؟؟

صدقني محد كثر لمدرسين يصرفون على شغلهم وخصوصا بموجة التعليم اليديده

صح الوافدين معاشاتهم تعتبر أقل ؟؟ بس حتى راتب المعلم المواطن يعتبر أقل من المناصب الثانيه

بالدول الثانيه شيء بدلات وخصومات وحوافز للمدرسين ... بس بعد الواحد يقول الحمد لله

وطبعا مب كل معلم يستحق يتوظف إلا من رحم ربي ...والله يشهد إنه أغلبهم يتفانون بشغلهم

صدقني فيه عايلات صرفت على بناتها وآخرتها البنات بلبيوت ينتظرون التعيين

الله المستعان

[بهجة الروح]

الســـــلام عليـــــــــكم ورحمـة الله وبركـــاته

" حلم الطفوله "

الكــلام اللي تطرقتي له صحيح 100% ، هالارقام تعرض فقط للمقابلات
ولكــن ما نشوف حد من هالرقم الكبير اجتاز المقابله وتوظف

مجرد مقابلات والسلام