شوف وحراق يوف

[شوق القلوب]

عزيزتي... حلمي الجميـــــل..

والله هالموضوع.. اييبـــلي اكتئاااااااااااب كل ما اذكره..

حتى الواو هالايام مالها مفعول.. الوزاره ناويه اتخلينا 3 سنوات و ما فوق..

الله بس يفرجها علينا جميــــع.. آميــــــن..

[حلم الطفوله]

السلام عليكم ورحمة الله وبركاته

عدناااااااااااااااااااااا اا من جديد ....لنعرف أخبار التعيينات ولو من بعييييييييييييييييد:ice:

طفلة من هذا الزمان ,,, صدى جوفي ,,, نور الإيمان ,,,

إن شاء الله طلعت أسماؤكم في التعيينات اليديده :smartass:

[صدى جوفي]

وعـليكـم الـسـلام ورحـمـة اللـه وبـركــاتـه،،

حلم الــطــفولــة .. وجــان نستــوي أبــلات :ttmasha:

الـحـمدللـه .. تـعـيّـنت

نـور الايـمــان .. تعـيّـنت بــعد :ice:

واحتــمال كبير طــفلـة من هــذا الزمــان تعـيـّنت بــعــد بس لو تعــرفين اسمـهــا تقـدرين تشيكــين اهنــا

[ولد الشحوح]

تبون وظايف فدولتنا هخهخه بسيطة لعبوا كرة ... غنوا " وإذا كنتي بنت أوووف احلى واحلى وبتحصلين دعم على طول اقتدوا باليازيه " ... مثلوا ... ولا أقول شرايكم تبدلوووووووون جوازاتكم خذوا جنسية ثانية بتعيشون ملوك فالإمارات ...؟!؟
ولد خالتي عنده ماجستير مو محصل شغل ....؟!؟

[حلم الطفوله]

السلااااااااااااام عليكم

شفتوا هالموضوع كان فال خيررررررررررر ...كلينا بجبدهم لين ما وظفناكم :smartass:

مبرووووووووووووك وتستاهلون يا صدى ونور .........وعقبال ما نتأكد من تعيين إختنا طفله

أخوي ولد الشحوح

إن شااااء الله بتتسهل أموركم وبيتعينون كل الشباب المجدين .... توكل على الله وبتتسهل الأمور

[لمّــاح]

السلام عليكم ..

أولاً مبروك للي طلعت اساميهم ..:kcl:

تبون وظايف فدولتنا هخهخه بسيطة لعبوا كرة ... غنوا " وإذا كنتي بنت أوووف احلى واحلى وبتحصلين دعم على طول اقتدوا باليازيه " ... مثلوا ... ولا أقول شرايكم تبدلوووووووون جوازاتكم خذوا جنسية ثانية بتعيشون ملوك فالإمارات ...؟!؟
ولد خالتي عنده ماجستير مو محصل شغل ....؟!؟

عفواً ياخويه لكن عندي تعليق بسيط على الي قلته .. !

اولاً معروف في الدين و قال الله تفائلو بالخير تجدوه .. و انته بنظرتك التشائميه هاذي تبرز الوجه البشع للمسلم ولاتنسى ان المؤمن القوي خير و أحب الى الله من المؤمن الظعيف وليس القوي بمعنى الي فيه عظلات، انما المؤمن القوي هو القوي بدينه و دراسته و بدنه ..

المشكلة الأساسية في التوظيف ياخويه هي سوء التخطيط من الإنسان نفسه .. انعرف شباب و أيضا بنات عاطلين عن العمل و السبب لأنهم درسو تخصصات غير مطلوبه في سوق العمل مثلا عربي، تاريخ، جغرافيا ...الخ .. هالتخصصات محصورة فقط على مجموعة معينة من الدواير ( مثل وزارة التربية و التعليم و بعض المدارس و الجامعات الحكومية و الخاصة ) وهناك إحصائية تقول ان عن 4 خريجات هناك خريج واحد ( يعني عن كل 4 بنات ولد واحد ) ولاتنسى أيضا ان عاداتنا و تقاليدنا ماتسمح للبنيه بالاختلاط ف معظم البنات مجبورات انهن يدشن هالتخصصات بحكم انهم بيشتغلن مدرسات في مدارس البنات فصار هناك فائض في العدد ..
الانسان قبل مايقدم على أي خطوة لازم يدرسها جيداً و لاتنسى المقولة " ليس كل مايتمناه المرء يدركه و تجري الرياح بما لا تشتهي السفن " ولازم الانسان يكيف نفسه على الظروف الي هو عايش فيها و يمشي ويا الناس عشان مايتم بروحه في القاع ..

مشكلة ثانية .. التفكير الخاطئ ..
1- بعض الشباب و البنات الله يهديهم يبغون يتوظفون براتب 40 الف و يبغي يكون مدير فرع لبنك من البنوك أو مدير مؤسسه و هو حتى خبره ماعنده .. والله اذكر من كمن يوم قال لي واحد بأنه مايفكر يشتغل في بنك او مؤسسة و بيكتفي بالشغل ويا ابوه في تجارته و السبب كان تافه ( خبله انا اشتغل من 8 لين هنتين و نص عشان احصل 12 الف على آخر الشهر ؟؟ بداوم ويا ابويه ساعتين او 3 في اليوم و انا مرتاح .. ) .. هالانسان عمره مابيوصل و مابيكبر .. في خاطريه دوم اقول، هالانسان نسا اهله و يدوده كيف كانو يكرفون عشان يوصلون للي هم فيه اليوم ؟؟
2- التفكير الخاطئ بأن الدولة تهتم بالوافد اكثر عن المواطن ...الخ من هالرمسه .. نعم صح، الوافدين اكثر عنا لكن الدولة تحاول بكل ما اوتيت من قوة انها توفر للمواطن الوظيفة الي يستاهلها .. الكعبي نزل قرار بتوطين الموارد البشرية في كل الشركات الخاصة و لمعلوماتكم ان الموارد البشرية هي القلب النابض لكل شركة و هي أساس التوظيف و بما ان مدير الموارد البشرية مواطن فإذن الاولوية للمواطنين !! و لمعلوماتكم أيضا ان عدد العاطلين عن العمل في الدولة 36,000 .. و بس توطين قسم الموارد البشرية في كل الشركات الخاصة بيوفر 21,500 وضيفة يديده للمواطنين .. ف تخيل ويايه، اذا بس قسم الموارد البشرية فتح للمواطنين 21,500 فرصة وظيفية فما بالك بهال 21,500 اذا كل واحد منهم وضف مواطن واحد ؟؟ بتنحل مشكلة البطالة .. لكن مافي شي يستوي بين يوم و ليلة .. هاذي بس خطوة وحده .. نسيت مكرمة الشيخ محمد بإعطاء الاولوية للمدرسين في معظم الاشيا، القروض البنكية و التسهيلات البنكية .. في الاسهم و غيرها من الاشيا ؟؟
الحكومة قامت تصرف ملايين الملايين على الشباب و تدريبهم و تأهيلهم .. بتقول لي مانشوف و مانحس و ماشفنا شي؟؟

انا بتكلم عن تجربتي الشخصية .. تنمية اذا سامع عنها .. بشكل دوري يتصلوبي يطمنون عليه و على دراستي و يعرضون عليه وضايف و دورات تدريبيه ...الخ هذا غير هيئة تطوير الي دايماً اعلاناتها في الجرايد و عندهم كشك حتى في الستي سنتر .. و انا انسان تخرجت قبل شهر بالضبط و لين يومك هذا 3 اتصلوبي عشان اقدم اوراقي عندهم ( مصرف الشارجه الإسلامي، مصرف الإمارات الاسلامي و هيئة كهربا و مياه دبي ) و كلهم بدون واسطه .. لاتقول الدنيا حظوظ، بالعكس .. لكل مجتهد نصيب و جرب !!


بعطيك أمثلة من الواقع عن ناس اجتهدوا و وصلو ..

أحمد بن بريك .. الرئيس الاعلى و رئيس مجلس إدارة مجموعة مايد الفطيم ( يعني تحت مايد الفطيم على طول ) وقبل مايكون في هالمنصب كان المدير الإقليمي لستي بنك في آسيا و شبه القارة الهنديه .. ستي بنك مش بنك وطني عشان انقول والله يمكن كان يعرف مدير البنك او يعرف فلان بن علان و من خلال هالعلاقة قدر يوصل .. ستي بنك اختاره لأنه جدير و يستاهل هالمنصب ..

أحمد جلفار .. يُعتبر المدير التنفيذي لإتصالات و اتصالات في وقتنا الحالي تعتبر من أكبر 5 شركات الاتصالات في العالم !!

الشيخ محمد .. والله اني ساعات استغرب منه كيف فيه هالنشاط .. الصبح يفتتح المكان الفلاني و الضهر يتغدى ويا السفير الفلاني و العصر عنده جوله في المكان الفلاني و المغرب في الشركة الفلانية و فليل في مكان ..

الشيخ زايد الله يرحمه .. مايحتاي اقولك كيف كان و شو سوا .. و لو ماكان انسان ناجح جان ماعشنا هالعيشه اليوم ..
وغيرهم الكثيــر، محمد القرقاوي ،محمد سعيد الشارد (مصرف الامارات و مواصلات الامارات ..الخ) ، مايد بن ارحمه الشامسي (جمعية الاتحاد و كلية دبي الجامعية ..الخ) ، محمد احمد سعيد القاسمي ( ميغا مول، العربية اللوجستيه ..الخ ) ، احمد حسن بن الشيخ ( المطبعة العصرية، مركز دبي للتسوق، غرفة تجارة و صناعة دبي ..الخ) ..

اتمنى انك تقرا كلامي و الكل يقرا كلامي و يعلق عليه اذا فيه شي غلط ..

السموحه منكم !!

[لمّــاح]

خيبه خيبه !!

طلعت كل الي في خاطري .. السموحه الرد وايد طويل :harhar1:

لكن يمكن يستاهل القرايه لأنه كلام في خاطري .. :sadwalk:

[شوق القلوب]

حلم الطفوله...

موضوعج خل يكمل فاله علي.. ! بيسوي خيـــر !!!!!

[حلم الطفوله]

السلام عليكم

أخويه لصغير لماح إلي أستانس على عقله لكبير:smartass:

خذ راحتك وعبر وفضفض ...المهم فكرتك توصل للكل :kkk:


شوق الجفا:sadwalk:


عثرج طماعه! تفائلي ...كل شيء بوقته حلو يا شوووق القلوب:kcl:

مبروووك لكل الطبلات ...أقصد الأبلات

[صدى جوفي]

حـلـم الطفــولة & لمـّــاح
اللــه يبــاركـ فـحيــاتكــم & عقبــال مــا نســمع أخبار تسر عنــكم

شــوّاقــه
ان شــاء جــريب تتعينين يـــــ رب ـــــا

صدق فــال خــير عليــنــا ،، وكلــه بفضــل الله ومن ثم الشيخ محمد بن راشــد الله يحفظه والتوجـيهــات الـيديــدة فوزارة التــربيــة ..

[العجيبة]

ألف مبرووك للي توظفـوا ، بنحول الواحات مدرسة خخخ

لمـاح ، كلامـك عيـن الصواب ويرفع المعنويات ..

[طفلة من هذا الزمان]

أنــــــــا ييـــــــــــــــــــت ،،،

شــاكرة جــدا لخواتــي اللي سألن عني و يطمنن علي تعييـــني و اسمحوا لي أزف الخبــر السعيد .. و اللي هو إن :: في نفس يوم ميلادي استوت المناسبــة مناسبتين .. خبر التعيينــــــات أربك مشــاعري جــدا و خل الفــوضى تعم في حيــاتي ،، :kkk: بين تــردد ومقارنـــة لوضعي الحـالي ووضعي المستقبلي ..

رجعــت اقـرا ردي الأخير .. :nono: " سبحــان الله " كيف بني آدم مهمــا يخطط و يتكتك لبــاجر .. أغــرب الأمــور تحصل له ..

تبقــى الأهــداف في نظري بس تتغيــر السبل و الطــرق ... هدفي أكــون إنسانـة فعـالة .. و المكـان اللي أكون فيه مجـرد وسيلـة لتحقيق هالشي ،،

لــذا و بعد إستخـــــارة .. قدمت استقــالتي من مكــان عملي " بس بعدها مب ساريـة المفعــول" و قــررت أرجــع لمهنـة التدريس بعد ما كنت اعتقد إني أبــدا ما بفكـــر في الموضوع .. :hist:

ألف الـــف مبــروك لجميع خـــواتي اللي تعينن .. و عقبــــــال الأخريــات .. ما تزال وزارة التربيـة و التعليــم بصدد تعيين المزيد .. فقط اللي تبا .. تقدم أوراقهــا عشان يحددولهــا موعـد للمقابلـــة .. بغض النظر عن وجود اسمهـا في قائمـة الانتظـــار " إسعى يا عبــــد"

قطــار التعيين لم يفت عزيزاتي .. فقـــط لا تفقــدن الأمــل و استغلــوا الوقت بالدورات و الأعمــال التطوعيـــة .. تراها تمنح خبــرات تبقى مـدى الحيــاة ... و إن لم تستوعبكن التربيـــة .. الحيـــاة خيارات وفرص أخرى الفرد يصنعهـــا لا ينتظرهــا ..


طفلــــة // :ice:

[ريم العين]

لو خيروني بين الموت او اني استوي مدرسه بوافق عالموت
هههههههههههه


مبرووووووووك عليكم يالابلات و الله يعينكم عالبنات هههههههههه

[طفلة من هذا الزمان]

بعـــد ما طلعت اللي في خــاطري .. رجعت اقـــرالك أخويــه لمـــاح// و تعليقـــي أدنــاه ،،

بنظــري .. العاطــل عن العمــل إنســان 1) محــدود الخبرات .. يعني قضى فترة دراســة معينــة و نسى ينمي مهاراته في الحيــاة و أعتقد لزمن مب هين إن الدراســة تكفي اليـــوم ليحصل على وظيفــة معتبرة .. أو حتى يكــــون إنســان تعرض عليه الوظايف و اتيه لين عنده .. فرص عرضت علي منذ تخرجــي و الأماكن اللي قدمت فيها مكانين فقــط و في المكانين انقبلت رغم عدم وجــود علاقة بين دراستي وهالوظايف بالمــرة .. الموضوع مب سـر أو واسطـــة .. الموضوع فيك انته وحــدك .. هل انت قـادر على مسايرة الأوضــاع أو انك استسلمت من فترة ورضيت بوضعك !!..

2) العــاطل عن العمـــل إنســـان يبحث عن أريــح الأوضـــاع و اللي هو تفكيــر مغايــر و ما يتنــاسب مع الظـروف و التغييرات التي تحصل في دولتنــــا .. و أفضــل النــاس بصراحــة اللي ما يمانعون ساعات العمــل الطويلــة و الرواتب هم الوافدين فليش ما نوظفهم بــدال المواطن ؟!!
إضف أن دولتنـــا في طريقهــا نحــو تغيير ساعــات العمل و اللي يتأفف إنه يخلص هنتين اليوم باجر بيخلص 4 و 5 في القطاعات الحكوميـــة .. لاحــظ :: التوطين في قطاعات تحتــاج حركـة .. يعني الوظايف المكتبيـة في طريقها للانقـراض كذلك ..

3) العــاطل عن العمـــل إنســان قابع في مكــانه ضيق الأفــق و التفكيــــر .. يتجاهل حقيقـــة اكتفــاء قطاعات معينــة و يصر على الانتظـــار !! ..

4) أوافقــــــــــك جــدا ياخوي في كل ما تفضلت بــه و أنا مع المثل اللي يقــول " لكــل مجتهــد نصيب " حتى من غــادر كرسيه أو استلم منصبــه فهو بلاشـــك يستحق .. أو حصل على التقــدير اللي يستحقـــه لقــاء سنوات عمله وجهــده ..

أهنيـــــــــك على تفكيرك //


طفلــة

[حلم الطفوله]

السلام عليكم

مبروووووووووووووووووووووو وك عزيزتي أخيرا استويتي أبله طفله!

استوينا أبلاااااااااااااااات من قدنا :ttmasha:

الله يعطيج خير التدريس ويكفيج شر المشاريع وينولج رضا المديره ويحبب فيج الموجهه

التدريس حلو :smartass: ....

بس الأهم إنج تكونين مقتنعه فيه وحبج لهالمجال بيبرز من خلال طالباتج وتميزج الوظيفي